“Sürətin kraliçası” ən həyəcanlı yarışda olacaq

Ölkənin ən çalışqan super ulduzu Dilarə Kazımova yeni layihəsi “Drift Queen” (Sürətin kraliçası) üçün kamera qarşısına keçib. "DİA-AZ" xəbər verir ki, sözügedən çəkiliş layihənin “Car Park Drift” təqdimatı üçün edilib.

Dayanmadan yaradıcılığında yeniliklər etməyi qarşısına məqsəd qoyan Kazımovanın ağlı-qaralı rəngdə olan kombinezonu çox bəyənilib. Sənətçi yeni çəkilişi haqda bunları söyləyib:

“Car Park Drift artıq dördüncü dəfədir ki, 28 iyunda Bakıda baş tutacaq. Motorsport həvəskarları bu dəfə də sükan arxasına keçərək, ən sürətli drift yarışında öz bacarıqlarını nümayiş etdirəcəklər.Car Park Drift çılğın bir yarışdır! Amma bu, hələ son deyil ilin ən sürətli və həyəcanlı yarışda mən də olacam. Azərbaycanda ilk dəfə inanılmaz bir şou sərgiləyəcəm. Bu şounun bir parçası olma şansını qaçırtmadım”.