Zeynəb Əsmərlidən duyğulu etiraf

Müğənni Zeynəb Əsmərli baş tutmayan, ürək ağrıdan sevgidən bəhs edən “Get mənim başı bəlalım” adlı yeni mahnısını təqdim edib. İfaçı əsərdə davam etməyən münasibətlərin qoyub getdiyi izləri musiqinin dili ilə dinləyiciyə çatdırır.

"DİA-AZ" xəbər verir ki, mahnının müəllifi Vüsal İsrafilovdur. Sözlərin emosional yükü və melodiyanın kədərli axarı dinləyəni duyğusal atmosferə aparır. Zeynəb Əsmərlinin yeni işi, sevginin alınmadığı anlarda belə içimizdə qalan sözləri və susqun etirafları xatırladır. Klipin rejissoru Bəhruz Haşımovdur.