"O verilişə ki, məni qeybət etməyə çağırırlar"

“Biz öz abırımıza bürünüb susuruq, həyasız da elə bilir ki, deməyə sözümüz yoxdur”.

Musavat.com xəbər verir ki, bu sözləri müğənni Elnarə Xəlilova “Musicologiya” yutub layihəsində deyib. O efirdən uzaqlaşmağının səbəblərindən danışıb:

“Televiziya rəhbərliyi tərəfindən o şərait heç bir aparıcıya, ifaçıya, verilişə yaradılmamalıdır. Efir çağırılmamış qonaqdır, açdın, oturur düz evinin ortasında. Birbaşa uşağının tərbiyəsini də korlaya bilər, tərbiyə də verə bilər, mədəniyyətini korlaya bilər, mədəniyyət də verə bilər. O verilişə ki, məni qeybət etməyə çağırırlar, deyirəm ki, məni niyə çağırırsınız? Mən gəlməyəcəyəm”.