Ceyhun Cəlilov Naxçıvanda NƏ İŞLƏR ÇEVİRİR?

Naxçıvan Muxtar Respublikasının Baş naziri Ceyhun Cəlilovla bağlı keçən günlərdə təqdim etdiyimiz məlumat böyük rezonansa nədən olub, desək, yanılmarıq. Maraqlı orasıdır ki, bütün bu məlumatlara izahat vermək əvəzinə Ceyhun Cəlilov öz çevrəsini trol sürüsü kimi sosial şəbəkələrə tökərək, gücü söyüş söyməyə verib. Hər halda, şəxsiyyəti olan kəslər kiminsə əlində alət olmamalıdır, amma nə çox şəxsiyyətini itirmişlər...

Nə isə... Buna rəğmən biz, "DİA-AZ" olaraq keçən dəfə verdiyimiz vədə əməl edərək Ceyhun Cəlilovun Naxçıvandakı işləkləri ilə bağlı yeni faktları təqdim edirik. Beləliklə...

Ceyhun Cəlilovun adından bütün qara-qura işləri Xəyal Talıbov həyata keçirir. Ceyhun Cəlilov Talıbovun vasitəsilə Nazirlər Kabinetinə aid, xüsusən də sosila müdafiə nazirliyinə aid tenderlərə nəzarəti həyata keçirir.

Cəlilovun yaxın dostu olan Talıbov hazırda Naxçıvana tam olaraq yerləşib, desək, yanılmarıq... Bütün işlərə birbaşa özü nəzarət edir. Onun öz şirkəti Bakıda yerləşən "Azsur Group"dur. Bütün tenderlər məhz bu şirkət üzərindən udulur. Xəyal Talıbov baş nazirlə əlaqələrindən təkcə özü üçün yox, yaxın qohumları ümün dəı faydalanmaqdadır. Belə ki, bu gün Naxçıvan Muxtar Respublikasının əmək və sosial müdafiəsi nazirliyinin əksər işçiləri Xəyal Talbıovun yaxın qohumları, dostlarıdır.
Bundan əlavə: bütün nazirliklərin satınalma şöbələrində oturanlar məhz Xəyal Talıbov tərəfindən müəyyən olunub, onun adamlarıdır.

Qeyd edək ki, digər şirkətlər də tenderlərdə "qalib ola bilmələri" üçün məhz Xəyal Talıbovu görməli olurlar, onun bığının altından keçirlər.

Nazirliklərdə oturub Talıbovun sifarişlərini icra edənlər kimlərdir və nə işlər çevirirlər? Bu barədə daha geniş materilı yaxın günlərdə təqdim edəcəyik... Bizi izləməyə davam edin...