ABŞ və Çin liderlərinin Pekin sammiti aprelin ilk həftəsində keçiriləcək
10-02-2026, 05:46
ABŞ prezidenti Donald Tramp aprelin ilk həftəsində Çinə səfər etməyi planlaşdırır.
APA xəbər verir ki, bu barədə "Politico" qəzeti öz mənbələrinə istinadla məlumat yayıb.
Nəşrin üç mənbəsi Trampın Çin Xalq Respublikasının sədri Si Cinpinlə görüşünün aprelin əvvəlində Pekində keçiriləcəyini təsdiqləyib.
Qeyd edək ki, ötən həftə Donald Tramp və Si Cinpin arasında telefon danışığı baş tutub.
Dövlət başçıları arasında son görüş 2025-ci ilin oktyabrında, Cənub-Şərqi Asiya Dövlətləri Assosiasiyasının sammitində iştirak üçün Pusana səfər zamanı keçirilib.
Geri qayıt