3 ölkə B-52 və qırıcıların iştirakı ilə təlim keçirdi
Bu gün, 12:57
Cənubi Koreya, Yaponiya və ABŞ Amerikanın B-52 strateji bombardmançısı və müttəfiqlərin qırıcı təyyarələrinin iştirakı ilə beynəlxalq sularda birgə təlimlər keçirib.
Axar.az xəbər verir ki, bu barədə Cənubi Koreya Müdafiə Nazirliyi məlumat yayıb.
“Bu, bu il Koreya yarımadasında B-52H-nin iştirak etdiyi ilk təlimdir. Manevrlər Şimali Koreyadan artan nüvə və raket təhdidləri fonunda çəkindirməni gücləndirmək məqsədi daşıyır”, - məlumatda deyilir.
Qeyd edək ki, elə həmin gün Seulda üç ölkənin müdafiə nazirlərinin illik toplantısı keçirilib. Onlar həm Koreya yarımadasında, həm də bütövlükdə Hind-Sakit okean regionunda təhlükəsizlik məsələlərinin həlli üçün sıx üçtərəfli əməkdaşlığın vacibliyini bir daha təsdiqləyiblər.
Geri qayıt