Türkiyənin İnterpola verdiyi qatil Azərbaycanda saxlanıldı

Türkiyənin beynəlxalq axtarışa verdiyi şəxs Azərbaycanda saxlanılıb.

Lent.az yerli mediaya istinadla bildirir ki, bu barədə ölkənin daxili işlər naziri Ali Yerlikaya sosial şəbəkə hesabında məlumat yayıb.

Onun sözlərinə görə, 6-sı qırmızı bülletenlə olmaqla, İnterpola verilən 8 nəfər xarici ölkələrdə saxlanılaraq, Türkiyəyə ekstradisiya olunub.

Onlardan biri, qəsdən adam öldürmə maddəsilə axtarışda olan İ.C. Azərbaycanda saxlanılıb.