"Hüquqi yanaşma da budur! Əks mövqe ikiüzlülükdür..."

"Mənim üçün İran SSRİ, ABŞ və İsrail isə Hitler Almaniyası misalındadır. Necə ki, babalarımız Sovet rejimini deyil, Vətəni qoruyurdular, Cənubi soydaşlarımız da yadelli işğalçılara qarşı vuruşurlar..." "DİA-AZ" xəbər verir ki, bunu özünün sosial şəbəkə hesabında tanınmış hüquq müdafiəçisi Əkrəm Həsənov qeyd edib.

O daha sonra bildirir: "Heç bir işğalçı azadlıq və xoşbəxtlik gətirmir! Hətta ən mütərəqqi işğalçı olmuş Napoleona qarşı da xalqlar üsyan edirdi! Babalarımız da daha mütərəqqi olmuş Rusiyaya qarşı üsyan edirdilər. Bu baxımdan hər hansı iranlı və ya bizdəki ağzıgöyçəklər ABŞ və İsraili tənqid edəni iranpərəst və s. adlandırırsa, əqidəsi xarab, ikili standartlı kəsdir. Heç bir halda işğalçıya haqq qazandırmaq olmaz! Ukraynaya təcavüzünə görə Rusiyanı tənqid edən eynilə ABŞ və İsraili da qınamalıdır. Necə ki, məsələn, İspaniyanın baş naziri bunu edir. Yoxsa o da iranpərəstdir? Bu prinsipiallıqdır! Hüquqi yanaşma da budur! Əks mövqe ikiüzlülükdür..."