Atışmada hədəf olub-olmadığımı bilmirəm

ABŞ Prezidenti Donald Tramp Ağ Ev Müxbirləri Assosiasiyasının qəbulunda baş verən atışma zamanı hədəf olub-olmadığını bilmədiyini açıqlayıb.

Teleqraf xəbər verir ki, Tramp bu barədə "CBS News"a müsahibəsində danışıb.

“Bilmirəm”, - deyə ABŞ prezidenti bu sualı cavablandırarkən bildirib.

O, hadisəni törədən şəxs barədə danışarkən onun radikallaşdığını və psixoloji problemləri ola biləcəyini qeyd edib.

Qeyd edək ki, daha əvvəl ABŞ-nin ədliyyə naziri və baş prokuror vəzifəsini icra edən Todd Blanş "NBC News"a açıqlamasında ilkin istintaq məlumatlarına əsasən, atəş açan şəxsin hədəfinin ABŞ administrasiyasının əməkdaşları olduğunu bildirmişdi.