Qorxmaz Hüseynov milyonları necə xırıd edib
25-08-2016, 08:42
İndi elektrik və qaz sayğacı olmayan abonent tapmaq çətindir. В«AzərişıqВ» ASC və В«AzəriqazВ» İstehsalat Birliyi istehlakçıları bir dəfə mexaniki sayğacla təmin ediblər. Hazırda isə onları В«Smart-kartВ» tipli sayğaclarla dəyişdirməkdədirlər.
В«AzərsuВ» ASC-nin mərkəzləşdirilmiş şəbəkədən su qəbul edən istifadəçilərin indiyədək 64.3 faizini sayğacla təmin etdiyi bildirilir. Mütəxəssislərin fikrincə, bundan udan təchizatçıdır: sayğac olmadığından az satıb, çox pul götürmək olur.
SU SATIRSAN, SAYĞACINI QOY ORTAYA
Azad İstehlakçılar Birliyinin (AİB) sədri Eyyub Hüseynov deyib ki, rəhbərlik etdiyi QHT-yə su istehlakçılarından çoxsaylı müraciətlər və şikayətlər daxil olur. Onların bir hissəsi də sayğacların quraşdırılmaması ilə bağlıdır:
В«Bəzən ailələr mənzildə yaşamayan, lakin qeydiyyatda olan şəxslərin əvəzindən də supulu ödəməyə məcbur edilir. Halbuki, təchizatçı mənzil-istismar sahəsi vasitəsilə mənzildə faktiki yaşayanların sayını dəqiqləşdirə bilər. Amma di gəl ki, vətəndaş lüzumsuz yerə get-gələ salınır. Bu cür halların qarşısını almaq üçün yeni yaradılmış В«ASAN KommunalВ» xidməti həll yolları axtarmalıdırВ».
E.Hüseynov əlavə edib ki, В«AzərsuВ» ASC maddi imkansızlığı bəhanə edib, sayğaclaşmanı qısa zamanda başa çatdırmağı yubatmamalıdır: В«MalВ» (su) satırsansa, zəhmət çək, В«tərəziniВ» (sayğacı) qoy ortaya. Bizim müşahidələrə görə, sayğac quraşdırılan mənzillərdə istifadə olunan suyun miqdarı sayğac quraşdırılmayan mənzillərdən 3 dəfə azdır. Demək ki, sayğaclaşma həm də israfçılığın qarşısını alan güclü bir vasitədirВ».
ŞƏFFAFLIQ NAMİNƏ...
AİB sədri təklif edir ki, kommunal sektorda şəffaflığın artırılması məqsədilə inhisarçı subyektlərin abonentlərinin siyahısı, onlara satılan xidmətlərin və faktiki ödənilən haqların məbləği vahid reyestrdə ictimaiyyətə açıqlansın. O zaman kimin borclu olduğu, kimlərin haqsız yerə borclarının silindiyi məlum olacaq.
İŞLƏR LƏNG GEDİR...
В«AzərsuВ» ASC-nin məlumatına görə, iyulun 1-nə əhali qrupu abunəçilərinin (1 milyon 339 min 962) 63.6 faizi, qeyri-əhali qrupuna aid abunəçilərin (57 min 270) isə 80.9 faizi sayğacla təmin olunub. Qurum 1.4 milyona yaxın abonentə xidmət edir. Bu il abonentlərin sayı 20 min artıb.
Bu il martın 29-da prezident İlham Əliyev В«İstehlakçıların suölçən cihazlarla təmin edilməsi ilə bağlı tədbirlər haqqındaВ» Sərəncam verib. Sənədə əsasən, В«AzərsuВ» ASC-yə yeni sayğacların alınması və quraşdırılması üçün 12 milyon manat ayrılıb.
12 MİLYON MANATA 50 MİN SAYĞAC AZ DEYİLMİ?
В«AzərsuВ» ASC-nin isə bu vəsait hesabına Bakı, Sumqayıt şəhərlərində və Abşeron rayonunda 36 min 52 həyət, 13 min 948 bina evində quraşdırmaq məqsədilə 50 min sayğac almaq üçün tender keçirdiyi bildirilir. Tenderin nəticəsi məlum deyil. Amma 1 ədəd sayğacın alınıb quraşdırılmasının dövlətə 240 manata başa gələcəyi söylənilir. Ancaq, hələlik, В«AzərsuВ» ASC-dən bu məsələyə münasibət öyrənmək mümkün olmayıb. Hər halda, onların bunu necə izah etdiklərini bilmək maraqlı olardı.
GÜRCÜSTANA 14 MANATA SATILIR
Maraqlıdır ki, Azərbaycan vətəndaşları üçün belə baha başa gələn su sayğaclarını yerli müəssisələrin Gürcüstana 8.7 ABŞ dollarına (14 manat) ixrac etdikləri deyilir.
Dövlət Gömrük Komitəsinin məlumatına görə, bu ilin birinci yarısında Azərbaycandan Gürcüstana 11 min 438 ədəd su sayğacı ixrac edilib. Azərbaycanın idxal etdiyi sayğacların sayı isə cüzidir.
Geri qayıt