SOCAR-a yaxın daha bir şirkət təsis edilib

Azərbaycan Dövlət Neft Şirkətinə (SOCAR) yaxın daha bir şirkət təsis edilib.

Banker.az-ın əldə etdiyi xəbərə görə, bu, “SOCAR Dunqa” Məhdud Məsuliyyətli Cəmiyyətidir.

Şirkət Dövlət Vergi Xidməti tərəfindən 30 may 2025-ci ildə dövlət qeydiyyatına alınıb.

“SOCAR Dunqa”nın qeydiyyat ünvanı Bakı şəhəri Nərimanov rayonu, Heydər Əliyev prospekti, ev.121-da (SOCAR Tower) yerləşir.

Şirkətin nizamnamə kapitalı 1000 manat olmaqla ona Ramil Pənahov Məhərrəm oğlu rəhbərlik edəcək.

Xatırladaq ki, bundan öncə isə “SOCAR Zone I” və “SOCAR BTBK” MMC-lər dövlət qeydiyyatına alınıb.