Ehtiyata buraxılan hərbçilərin "forma pulu" 18 aydır niyə verilmir?

Masallı rayon, Qədirli kənd sakini Əmiraslanov Amin Qəribəli oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi saytımız vasitəsilə Müdafiə naziri, general-polkovnik Zakir Həsənova müraciət edir:

"Cənab nazir!

Bildirim ki, 06.07.2015-ci il tarixdən 02.01.2017-ci il tarixədək N saylı hərbi hissədə əsgər olmuşam.

29.09.2020-ci il tarixdən 09.01.2021-ci il tarixədək könüllü olaraq 44 günlük Vətən müharibəsində iştirak etmişəm.

25.03.2021-ci il tarixdən 29.05.2024-cü il tarixədək Azərbaycan Respublikası Silahlı Qüvvələrində həqiqi hərbi xidmətdə olmuşam. Müqaviləmi bitirib, ehtiyata buraxılmışam.

Dəfələrlə nazirliyə sikayət etməyimə baxmayaraq, hələ də "forma pulu"mu ala bilmirəm. 1 il 6 ay dəfələrlə qaynar xətlə əlaqə saxlamışam, lakin müsbət cavab yoxdur.

1 il 6 aydır ki, Quru Qoşunlarında da 20 nəfərə yaxın insan paltar pulunu ala bilmir.

Verdikləri cavab isə budur ki, “səhvlik var idi, yenidən yazılıb nazirliyə göndərilib”. 1 il 6 aydır səhv düzəlmir?

Cənab nazir!

Xahiş edirəm, bu məsələni diqqətdə saxlayasınız".