Əsas Səhifə > Manşet / Cəmiyyət > "Cənab Rövşən Nəcəf, işçilərinə sahib çıx!"

"Cənab Rövşən Nəcəf, işçilərinə sahib çıx!"

11-12-2025, 11:07

Keçən günlərdə xəbər verərək bildirdik ki, Neftçilərin Hüquqlarının Müdafiəsi Təşkilatının (NHMT) sosial şəbəkə hesabında ilginc bir sənəd təqdim olunub.

Sənəddən aydın olurdu ki, dənizdə çalışan SOCAR işçilərindən sağlamlıq haqqında arayış tələb olunur...

"DİA-AZ" qeyd edir ki, bununla bağlı həyəcan təbili çalan NHMT sədri, tanınmış hüquq müdafiəçisi Mirvari Qəhrəmanlı əslində SOCAR işçilərindən sağlamlıq haqqında arayışın Dövlət Dəniz və Liman Ağentliyi tərəfindən tələb olunduğunu açıqlayara bununla bağlı həm aidiyyatı qurumdan izahat tələb edib, həm də SOCAR rəhbəri Rövşən Nəcəfə xitab edərək işçilərinə sahib çıxmasını istəyib.

M.Qəhrəmanlı SOCAR rəhbərliyinə ayrıca müraciətində yazır: "Cənab Rövşən Nəcəf, işçilərinə sahib çıx!

Deyəsən, Dövlət Dəniz və Liman Ağentliyinin də nəsə və nədənsə "bəhrələnmə" məqsədi var.

Cənablar, Neft Daşlarına gedən gəmi neftçiləri işə aparır, turizm səyahətinə Yox!

Və diqqətinizə çatdırım ki, onlar hər il tibbi müayinədən keçirlər! Siz SOCAR-a təklif edin Çilov adası (amma PSK ilə yox) və Neft Daşlarına turizm təşkil etsin... bax, bu halda həmin turistlərdən "Sağlamlıqları haqqında tibbi kitabça" tələb edərsiniz.

Və mütləq özünüzün tələb etdiyiniz "klinikalardan!".."

Qeyd edək ki, sonda NHMT sədri özünün sosial şəbəkə hesabında maraqlı bir paylaşımı ilə də diqqətə gəlib. Mirvari Qəhrəmanlı soruşur: "Bilmirsiniz, Dövlət Dəniz və Liman Ağentliyinin rəhbərliyində olan vəzifəli şəxslər, onların ailələrinə aid hansısa kilinikalar mövcuddur?

Deyirəm bu halda bəlkə tələb edəsiniz neftçilər tibbi arayışı elə həmin klinikalardan alsın? Azneft də pulunu ödəyər? Elə neftçilər özləri ödəyər də"

Yəni məsələ aydındır...

Geri qayıt