Hərbi əlil ÇARƏSİZ DURUMDA...

"Mən Əliyev Emin Tahir Oğlu Goranboy Rayonunun Təhlə kəndində yaşayıram. Hal-hazırda ailəliyəm və ailədə 5 nəfərik...  3 azyaşlı övladım var. Özüm hərbi xidmətdən 3-cü qrup hərbi əlil kimi tərxis olunmuşam", Bu barədə ölkə rəhbərliyinə ünvanlanan müraciətdə deyilir. Bir nüsxəsi də "DİA-AZ"a daxil olan müraciətdə vətəndaş daha sonra deyir:

"393 manat pensiyadan başqa gəlir yerimiz yoxdur. Dolana bilmirik. Maddi durumunuz çox çətindir. Oğlum Əliyev İslam Emin Oğlu sudurğa -epilepsiya xəstəsidir. Dərmanlarını ala bilmirəm. 2019-cu ildə Goranboy rayonunun Özünə Məşğulluq İdarəsində qoyunçuluqla məşğul olmaq üçün dövlət dəstəyi üçün müraciət etdim. Gəlib şəratimə baxış keçirdilər. Dedilər, sorğuya çagıracıyıq. 6 il məni yola verdilər məni. 

Goranboy rayonunun Özünə Məşğulluq İdarəsində oldum. İqbal müəllimlə Fərid müəllim dedi ki, sənə dəstək düşmür. Sən əmək qabiliyyətinə yararlı deyilsən. Mən başa düşmədim, 3 uşaq saxlaya bilərəm, amma heyvan saxlaya bilmərəm? 2024-cü il fevralın 9-da yoldaşım Mehtiyeva Aysel Vahid qızının adını Goranboy rayonunun Özünə Məşğulluq İdarəsində qoyunçuluqla bağlı növbəyə yazdırdım. 2 dəfə şəraitmə baxış keçirdilər, 1 dəfə müdir Anar Əliyev və nümayəndəsi Fərid müəllim şəraitimə baxış keçirdilər. Dedilər, Bakıdan yoxlama gələcək. Bakıdan da yoxlamalar gəldi. Şəraitimə baxış keçirdilər.

Təlim də... imtahan da olub, amma yenə heyvan vermirlər. Deyirlər ki, paylanış yoxdur. Paylanış yoxdursa, Abşeron rayonunda mal paylanışı olub, bu necə olur?"

Sonda vətəndaş əlaqədar qurum və təşkilatlardan köməklik göstərilməsini xahiş edir...