“Kontakt Home”satdığı zay məhsulu nə qaytarır, nə dəyişir

“Kontakt Home”dan şikayətlər bitmir. Tanınmış ailə sözügedən şəbəkədən aldğı məhsula görə peşman olub.

Tribuna.az xəbər verir ki, bu barədə jurnalist Elşad Məmmədlinin həyat yoldaşı müəllimə Zülfiyyə Absalamova yazıb. O bildirib ki, 4 aydır “Kontakt Home”dan 1500 manata aldıqları paltaryuyan maşın normal işləmir:

““Kontakt Home”dan 4 ay öncə LG paltaryuyan götürmüşük. O maşını evə gətirənə kimi ağlınıza kim gəlirsə hamısı yaxşı, mehriban, hər kəs öz işini bilən idi. Bircə paltaryuyandan başqa. Paltarı isladıb olduğu kimi verir özümə. 3 aydı o boyda iki şirkətin personalını başa sala bilmədim ki, bu maşın “öz boynuna düşən işi görmür”. A-dan Z-yə hamısı ilə danışıb vəziyyəti izah etmişəm. Nəticədə iki şəbəkə bir-birini qoruyur.
Sağ əllə sol qulaq qaşıyıb müşətirini yola verirlər. Heyif olsun 1500 manatımıza, hələ faizi demirəm.
Al – əlvan nağıl danışmayın müştəriyə!”.

Sözügedən şirkətin mövqeyini öyrənməyə çalışsaq da zənglərimizə cavab verən olmadı. Qarşı tərəfi dinləməyə hazırıq.