Bu eybəcərliyi GÖRƏN YOXDURMU?

"Nizami rayonu "Vosmoy bazarı"na yaxın "Lotos" ticarət mərkəzinin sağ tərəfindən "Neftçilər" metrostansiyasına tərəf gedən yolun üstündəki ikinci pilləkənin yanından küçəyə kanalizasiya suyu axıdılır..." "DİA-AZ" xəbər verir ki, bu barədə sosial şəbəkə hesabında gileylənən Yusif Eminov adlı istifadəçi əlaqədar qurum və təşkilatları illərdir davam edən bu eybəcər mənzərə ilə bağlı tədbir görməyə çağırıb.

Narazı vətəndaş müraciətində daha sonra deyir: "Yəgin pilləkənin ətrafında yerləşən obyektlərin çirkab sularıdır. Nə işdirsə buna bir baxan yoxdur. Yay vaxtı lap pis iy gəlir ki, bu da açıq-aşkar xəstəlik mənbəyi olmasından xəbər verir.

Yəni bunu görən yoxdur? O su avtobus zolağının üstünə asdıqca avtobuslar bu suyu "Neftçilər" metrostansiyasına kimi yayır.

Başadn-ayağa antisanitariya vəziyyətidir. 

Şənbə günü Bakı Şəhər İcra Hakimiyyəti iməclik keçirib, ərazini dərmanladı. Amma nə olsun... kanalizasiya suyu yenə axır və yenə də problem qalır..."