Natəmiz mühitdə hansı sağlamlıq?

"Bu gün 7-8 saatım Topçubaşov adına xəstəxanada keçdi..." "DİA-AZ" xəbər verir ki, bunu özünün sosial şəbəkə hesabında tanınmış iqtisadçı ekspert Rövşən Ağayev qeyd edib.

O daha sonra fikrini belə davam etdirir: "Orda insanların üzləşdiyi vəziyyətdən, xüsusən uzun-uzun növbələrdən, dəhlizdəki boğucu mühitdən çox şey yazmaq olar.

Amma təkcə bunu deyim ki, hər gün yüzlərlə insanın əlacsız şəkildə qapısını döyməyə məcbur qaldığı tibbi müəssisəsindəki abırlı-təmiz bir tualet yarada bilməyənlər normal səhiyyə sistemi heç qura bilməz.

Pafoslu nitqlərdə, bər-bəzəkli proqramlarda yaratmaq olar, amma gerçək həyatda əsla yox..."