DİA.AZ: - Kənd təsərrüfatı naziri postuna təyin olunandan sonra Heydər Əsədovun köklü islahat cəhdlərinə verilən qiymət barədə keçən günlərdə məlumat vermişdik. Aydın olanı o idi ki, Hesablama Palatasındakı rəhbərlik dönəmində əli pula oynamağa alışmış Heydər Əsədov da KTN-də əsasən gəlirgətirən nöqtələrə həmlə etməsi ilə diqqətləri cəlb etməkdədir. Belə ki, yalnız keçmiş nazir, hazırda baş nazirin müavini postunu tutan İsmət Abbasovun gəlir sahələrini ələ keçirməklə, həmin yerlərdəki kadrları dəyişərək, öz adamlarını təyin etməklə kifayətlənən Heydər Əsədov yerdə qalan digər kadrlarla yola davam deməyə üstünlük verdi.
Amma bütün bunlar görüntüdə olanı imiş. Bu barədə DİA.AZ-a Nazirlər Kabinetindəki məlumatlı mənbələrdən informasiya ötürülüb. Xəbəri verən qaynaq iddia edir ki, Heydər Əsədov yaxın günlərdə nazirliyə rəsmən В«süpürgə çəkməyəВ» hazırlaşır. Məlumatı verən mənbənin sözlərinə görə, təxminən 20-yə yaxın nazirliyin aparat işçisinin vəzifəsindən alınması gözlənilir: В«Təbii ki, bütün bu dəyişikliklər eyni gündə baş verməyəək. Amma artıq Heydər Əsədovun В«qara siyahısıВ» hazırdır - deyə bilərikВ».
Keçən günlərdə məlumat verərək bildirmişdik ki, bu gün Heydər Əsədov əslində Hesablama Palatası üzərində də nəzarətini qoruyub saxlamaqdadır və bu imkanlarından KTN şefi postundakı mövqeləri naminə istifadə edir. Mənbənin söylədikləri: В«KTN-nin ayrı-ayrı strukturları üçün Hesablama Palatası bir kabusa çevrilib. HP Heydər Əsədovun ən ağır silahıdır. Şübhəli qaldığı istənilən bir KTN strukturu məhz HP-nin mütəxəssisləri tərəfindən təftiş olunurВ».
Xatırladaq ki, bu günlərdə HP tərəfindən belə bir açıqlama verildi ki, qurum KTN-nin strukturlarından olan В«AqrolizinqВ»də yoxlama həyata keçirəcək. Əslində bu başlanğıc, anons idi. Və realda təkcə yoxlanılanı В«AqrolizinqВ» deyildi. Bu barədə danışan mənbə bildirir ki, İsmət Abbasovun bütün yeyinti yerlərini bir-birinin ardından aşkara çıxaran Heydər Əsədov paralel şəkildə В«AqrolizinqВ»də, Dövlət Baytarlıq İdarəsində, В«FitosanitarВ» idarəsində, В«AqrokreditВ»də yoxlamalar təşkil edib:
В«Bu qurumlar məhz İsmət Abbasovun В«incə nöqtələriВ» hesab olunurdu. Yəni gəlir gətirən yerləri. Eyni zamanda Heydər Əsədov Hesablama Palatasının mütəxəssislərinə KTN xətti ilə subsidiyaların verilməsi prosesini də analiz etdirir və ortaya ilginc faktlar çıxır. Belə ki, aydın olur ki, sən demə, bu günə qədər İsmət Abbasov yerlərdə subsidiyalar hesabına çox ciddi gəlir əldə edirmişВ».
Mənbə bildirir ki, hər bir rayonda bu iş icra başçısının müavinlərindən birinin nəzarəti altında olur: В«Əkilməyən torpaqlar belə əkilmiş torpaq kimi rəsmiləşdirilir. Bu ona görə lazımdır ki, dövlət tərəfindən əkin və biçin üçün ayrı-ayrılıqda ayrılan 40 manat, ümumi olaraq ayrılan 80 manatlıq vəsait mənimsənilsin. Təsəvvür edin, hər hektardan mənimsənilən 80 manat hesabına dövlət büdcəsindən hansı həcmdə pul oğurlanıb?В».
Heydər Əsədov İsmət Abbasovun В«qanadlarınıВ» necə budayır?
Tək mənimsəniləni bunlar deyil. Mənbəmiz bildirir ki, Heydər Əsədov gələndən sonra İsmət Abbasovun digər В«incə nöqtələriniВ» - gəlir yerlərini də aşkarlayaraq ortaya çıxarıb və hər bir sahəyə öz adamlarını təyin edib: В«Bu gün KTN sistemində pul gətirən bütün istiqamətlərdə Heydər Əsədovun adamları yerləşdirilib. Halbuki dünənə qədər həmin sahələrdə İsmət Abbasovun adamları idi. Bu sahələrə nəzarət üçün mütəxəssis olmaq o qədər də vacib deyil. Əsas olanı pul yığmağı bacarasanВ».
Mənbəmiz bildirir ki, yuxarıda qeyd olunan bütün istiqamətlər təftişə uğradığından və əl dəyişdirdiyindən bu gün В«AqrolizinqВ»də, Dövlət Baytarlıq İdarəsində, В«FitosanitarВ» idarəsində, В«AqrokreditВ»də və subsidiyaların verilməsində rüşvətin miqdarı 5 faiz artıb. Maraqlıdır ki, bu beş vaizlik artım В«Hesablama Palatasının payıВ» kimi xarakterizə olunur. Yəni Heydər Əsədov HP-dən ayrılsa da, oradakı dostları üçün В«çörəkpulu yeriВ» imkanı da yaratmağı unutmurВ».
Bu gün В«AqrolizinqВ»də, Dövlət Baytarlıq İdarəsində, В«FitosanitarВ» idarəsində, В«AqrokreditВ»də Heydər Əsədovun adamlarının meydan suladığını bildirən mənbəmiz əlavə edir ki, bütün bunlara paralel olaraq yeni KTN şefi İsmət Abbasov üçün dəyərli hesab olunan spirtli içki sənayesi biznesinə nəzarəti də ələ keçirib və bunun da nəticəsində sözügedən istiqamətdə də ciddi RÜŞVƏT BAHALAŞMASI müşahidə olunmaqdadır.
Mənbənin bildirdiyinə görə, əgər dünənə qədər, yəni İsmət Abbasovun vaxtında çaxır və şampan içkilərinin istehsalı üçün müəssisələr KTN-dən bir lisenziyaya görə 60 min manat rüşvət ödəyirdilərsə, Heydər Əsədovun gəlişindən sonra rüşvətin miqdarı 80 min manata qədər qalxıb. Bu hələ harasıdır? Əsas bahalaşmanın araq sənayesində özünü göstərdiyini bildirən mənbəmiz iddia edir ki, dünənə qədər araq istehsalı üçün tələb olunan lisenziyaya 120 min manat ödəyən sahibkarlardan bu gün 150 min manat rüşvət istənilir. Yəni Heydər Əsədovun gəlişi özünü bu şəkildə göstərib: RÜŞVƏTİN BAHALAŞMASI FORMASINDA…
Və indi də aydın olur ki, artıq Heydər Əsədov İsmət Abbasovun digər kadrları ilə də yollarını ayırmağa hazırlaşır. Qərarın icrasına isə yaxın günlərdə start veriləcəyini söyləyən bilgili qaynaq onu da əlavə edib ki, KTN-dəki kadr islahatları zamanı həm də ayrı-ayrı məmurların bu nazirliklərdəki В«təmsiçlçilikləriВ» hədəfə alınacaq: В«İsmət Abbasovun vaxtından KTN sektorunda çox nüfuzlu oliqarx-məmurlar qərarlaşıblar. Onlar köhnə nazirlə münasibətlərindən istifadə edərək öz adamlarını KTN-də vəzifəyə də gətirmişdilər. İndi isə İsmət Abbasovdan qalma həmin dairələr də prosesdən zərərlə çıxacaqlarВ».
