PAKİSTANLI İŞ ADAMININ ETİRAFLARI
DİA.AZ: - Dünən Qafqazın ən böyük xəz-dəri dükanı olan В«Karolina ValiantВ»da müştərilərə necə fırıldaq gəlinməsilə bağlı real faktları diqqətinizə təqdim etdik. Və bu materialımız böyük rezonansa nədən oldu.
Bildirək ki, Çindəki fabriklərdə istehsal olunan xəz-dəri mallarını Azərbaycanda В«Avropa istehsalıВ» adı altında satışa çıxaran və Avropa qiymətilə müştərilərə təklif edən В«Karolina ValiantВ»a bu məsələdə bir növ dövlətin müvafiq qurumlarının da arxa durduğunu xüsusi olaraq vurğulamışdıq. Və qeyd etmişdik ki, birbaşa olaraq bu işə cavabdeh olan İqtisadiyyat və Sənaye Naziri Şahin Mustafayev nədənsə özünün sahibkarlara qarşı cəza maşını kimi tanınan В«antiinhisar xidmətiniВ» bu şirkətə çox görür.
Nazirlik В«Karolina ValiantВ»dan niyə qorxur?
Bildirək ki, əslində bu gün İqtisadiyyat və Sənaye nazirliyinin antiinhisar xidməti daha çox oliqarx məmurların keşiyində dayanıb və onların biznes maraqlarını qoruyur. Yəni bu gün hansısa məmurun şirkəti kolbasa istehsal edirsə, dərhal xırda kolbasa sexləri nazirlik tərəfindən hədəfə götürülür. Onların məhsulları insan orqanizmi üçün təhlükəli elan olunur. Sanki dünənə qədər nazirlik bu xırda sexin kolbasalarından xəbərsiz imiş. Təbii ki, xəbərləri var idi. Sadəcə olaraq həmin dönəmdə nazirliyin də В«qiymətləndirilməsiВ» fonunda həmin В«təhlükəli kolbasalarВ» satışa çıxa bilirdi. İndi isə həmin sahə iri məmurun marağını cəlb etdiyindən nazirlik cəza maşınını işə salmaq zorundadır.
Görünür elə buna görə də bu gün В«Karolina ValiantВ»la bağlı nazirliyin susqunluğu hələ xeyli müddət davam edəcək. DİA.AZ bildirir ki, 2013-2014 yeni xəz-dəri satışı sezonunu açıq elan edən sözügedən şirkətdəki arxayınçılığı da məhz bu faktorla əlaqələndirmək olar. Onsuz da В«Karolina ValiantВ»a nazirlikdən kimsə nəsə deməyəcək. Elə buna görə də birbaşa olaraq Azərbaycan istehlakçısının cibinə zərbə hesab olunan mövcud şəraitin qarşısı alınmayacaq.
Pakistanlı iş adamı В«Karolina ValiantВ»ı ifşa etdi…
DİA.AZ olaraq keçən araşdırmalarımızda da bildirmişdik ki, əslində В«Karolina ValiantВ»ın bu gün Azərbaycanda çin malı ilə bazarı zəbt etməsi birbaşa olaraq cinayət əməli hesab olunmalıdır. Və bu əməlin sübuta ehtiyacı yoxdur. Çünki yetərincə faktlar var.
Birinci fakt, elə В«Karolina ValiantВ»ın özünün yerləşdiyi В«BinəВ» Ticarət Mərkəzində fəaliyyət göstərən digər xəz-dəri dükanlarına reyd təşkil etməklə ortaya çıxır. Həmin dükanların böyük əksəriyyətində aparılacaq müşahidələr də təsdiqləyər ki, digər dükanlarda olduqca aşağı qiymətə təklif olunan xəz-dəri malları В«Karolina ValiantВ»da daha baha qiymətə və həm də aşağı keyfiyyətlə alıcılara təqdim olunur.
Hətta həmin ünvanda yerləşən və Pakistan vətəndaşları tərəfindən işlədilən (reklam olacağı səbəbindən adını çəkmirik -red.) dükanların birində isə DİA.AZ əməkdaşlarına rəsmən etiraf olundu ki, В«Karolina ValiantВ»da satılan mallarla onların malları eynidir. Əməkdaşımızla Azərbaycan türkcəsində qırıq-qırıq danışan pakistanlı iş adamı bildirdi ki, onlar da eyni məhsulu eyni yerdən alırlar:
В«Burada əsas fərq məhsulun kimin hansı emblemlə, etiketlə satışa çıxarmasındadır. Hərə öz markasını sifariş edir. Əslində bütün mallar eyni qaynaqdan gəlir. Ola bilsin ki, hansısa model inhisara alınsın. Amma qaynaq eyni olduğundan bu gün В«Karolina ValiantВ»da gördüyünüz malı sabah mən satışa çıxara bilərəm və özü də başqa marka adı altında. Çünki bum arkanı artıq onlar ələ keçiriblər. Biz də başqa ad altında satmaq zorundayıqВ».
Pakistanlı iş adamı onu da etiraf etdi ki, nə keyfiyyətdə, nə də başqa bir xüsusiyyətində fərq olmayan malları onlar ikiqat aşağı qiymətə satırlar: В«Birinci səbəbi odur ki, biz Azərbaycan vətəndaşı deyilik və bizi sıradan çıxarmaq asandır. İkinci səbəbi isə odur ki, onlar reklam olunurlar, biz isə yoxВ».
В«Karolina ValiantВ»ı reklam edənlər də yaxşı tanıyır…
Reklamdan söz düşmüşkən, bildirək ki, В«Karolina ValiantВ»ın reklamı ilə məşğul olan Azərbaycanın tanınmış telekanallarından birinin məşhur proqramının və bir o qədər də məşhur olan teleaparıcısı günlərin birində sözügedən şirkətin məhsullarının əsl qiymətini bütün efir qarşısında elan etdi.
Bildirək ki, həmin teleaparıcı В«Karolina ValiantВ»la bağlı əsl həqiqətləri söyləyərkən artıq onun aparıcısı olduğu verilişə sözügedən xəz-dəri dükanı sponsorluq etmirdi. Və o da 9 milyonluq Azərbaycan xalqının qarşısında В«Filan şirkətin xəzləri tam keyfiyyətsizdir, tükü tökülürВ» kimi ifadələri səsləndirdi.
Doğrudur, sonradan yenə də В«Karolina ValiantВ» həmin verilişə sponsorluq etməyə başladı. Və bu zaman aparıcı da mövqeyini dəyişərək В«Mənim anam da, yoldaşım da, qızım da В«Karolina ValiantВ»ın xəzlərini bəyənirВ» ifadəsini işlətdi.
Təbii ki, biz elə bir diskomfort şəraitdə deyilik ki, В«Karolina ValiantВ» barədə həqiqətlərə göz yumaq.
Araşdırmalarımız davam edir. Bizi izləməkdə davam edin. Qarşı tərəfin də mövqeyini işıqlandırmağa hazırıq…
