Gədəbəy rayon icra hakimiyyətinin başçısı R.Yediyarovun və rayon Maaliyyə idarəsinin rəisi Namiq Məmmədovun qanunsuz əməllərindən zərər çəkmiş yerli sahibkarlardan biri ikinci dəfə Maaliyyə naziri Samir Şərifova müraciət edib. Qeyd eək ki, vətəndaş eyni müraciəti artıq ikinci dəfədir ki, nazirə mətbuat vasitəsi ilə ünvanlayır.
Vətəndaşın ilk müraciətini bu linkdən oxuya bilərsiniz:
http://azmedia.info/news.php?id=3007#.Vh86v-ztmkp
Azmedia.info vətəndaşın ikinci müraciətini olduğu kimi oxucularının diqqətinə cəlb edir:
"Hörmətli nazir!
Bir daha sizə müraciət etməyimin səbəbi birinci müraciətimə əhəmiyyət verməməyiniz və vətəndaşların şikayətlərinə belə münasibətinizdən cəsarətlənən N.Məmmədovun daha da azğınlaşması (bu barədə bir qədər sonra danışacağıq) və Milli Məclisdə büdcə vəsaitinin israfçılıqla xərclənməsi barədə etdiyiniz çıxış oldu.
Siz çıxışınızda Beynəlxalq bankı, "Azenerjini" və bir sıra təşkilatları israfçılıq və dövlət vəsaitini talamaqda ittiham etdiniz.
Cənab nazir mən, Gədəbəy rayon Maliyyə idarəsinin timsalında elementar bir hesablama aparmaqla sübut edəcəm ki, ən böyük israfçılığa sizin rəhbərlik etdiyiniz nazirliyin yerli qrumlarında yol verilir. Belə ki, əhalisi yüz mindən aşağı olan bu dağ rayonunda təhsil, səhiyyə və mədəniyyət sahəsinə əmək haqqıları cıxlmaq şərtilə) bir ayda yüz əlli min manatdan artıq vəsait ayrılır. Bu xərclərə pulsuz ərzaq, pulsuz dərman, yanacaq , dəftər qələm, təmir avadanlıq və sairə xərclər aiddir. Amma bu rayonda yaşayan, işləyən hər kəsə məlumdur ki, rayonda pulsuz deyilən bir anlayış yoxdur, rayonun əksər kəndlərində məktəblər, klublar, kitabxana və mədəniyyət evləri, uşaq bağçaları, kənd xəstəxanaları fəaliyyətlərini ancaq kağız üzərində aparırlar.
Buna görə də ayrılan vəsaitin ən azı əlli - altmış faizi, yəni 75-90 min manatı köçürüldüyü andaca Maliyyə idarəsinin rəisi tərəfindən mənimsənilir. Bura abadlığa ayrılan vəsaitlərdən alınan şapkaları və əmək haqqından tələb olunan min bir adda rüşvət məbləğini əlavə etsək, sizin bir" möhtərəm maliyyə rəisi"-nizin aylıq gəliri təxminən 100- 120 min manat, illik gəliri bir milyon iki yüz və bir miyyon dörd yüz min civarında olar.
Respublika üzrə belə qiymətli işçilərinizin sayını 75-80 nəfər götürsək, ümumilikdə təkcə rayon maliyyə idarələri tərəfindən talanan vəsaitin bir milyard manatdan artıq olduğunu, Maliyyə Naziri işlədiyiniz 11 il ərzində bu bosslar tərəfindən talanan vəsaitin 10 milyard manatı ötdüyünü təxmin etmək olar. Bu məbləğ isə nə Beynəlxaq Bank nə də başqa təşkilatlar tərəfindən dağıdılan vəsaitdən az deyil.
Cənab nazir!
Bu məsələləri diqqətinizə çatdırmaqla onu da bildirmək istəyirəm ki, adlarını çəkdiyiniz həmin təşkilatlar dövlət malını dağıtsalar da, o təşkilatların yerli qurumlarının rəhbərləri, sizin rayon maliyyə idarələrinin rəisləri kimi azğın hərəkətlərə yol verməyiblər. Bu gün Gədəbəy rayon Maliyyə idarəsinin rəisi rayonda hər cür qanunsuz əməllərlə məşğuldur - rüşvətlə kadr təyin etdirir, sahibkarların obyektlərini bağlatdırır, xoşuna gəlməyən adamlardan icra başçısına düzgün olmayan məlumatlar çatdırır, qanunsuz əməllərinə şərik olmayan adamların qohum əqrəbasını işlədiyi dövlət müəssisələrindən işdən çıxarmaq üçün həmin təşkilatlarda qeyri - rəsmi yoxlamalar aparır, rayonun istənilən yerində qiyməti yüzminlərlə ölçülən şəxsi mülk, sahibkarlıq obyekləri tikdirir, bahalı maşınlar alır.
N.Məmmədovun təkcə rayon mərkəzində şoferinin adına tikdirərək banka icarəyə verdiyi obyektin dəyəri yarım milyon manatdan çoxdur. Maraqlıdr ki, neftin qiymətinin azaldığı bir vaxtda belə talançı kadrlarla bu dövlətin büdcəsini necə idarə edəcəksiniz.
N. Məmmədovun əməlləri nəticəsində rayonun kadr potensialı tamamilə məhv olub . Ali təhsil alan gənc kadrlar rayonda iş tapmadığı halda N. Məmmədovun savadsız , səriştəsiz, qohumları saxta diplomlarla bütün vəzifələri ələ keçirib. Məmmədovun sayəsində rayonda satqınçılıq, xəbərçilik kimi bir iyrənc mühit formalaşıb. O, pulla ələ aldığı adamları ayrı-ayrı ictimai yerlərə göndərib lazımsız məlumatları toplayaraq, təhrif olunmuş formada icra başçısına çatdırır.
Rayonda onsuz gərgin olan maddi-mənəvi ab-havanı daha da gərginləşdirir.Bu şəxs rayonda qazandığı külli miqdarda gəlirə qane olmur, Bakı kəndlərində dəyəri yüz minlərlə manat olan fermalar təşkil edir, tədarük etdiyi süd məhsullarını öz yaxın qohumu- Səhiyyə Nazirliyinin Maliyyə idarəsinin rəisi vasitəsilə bu nazirliyin tabeliyində olan səhiyyə müəssisələrinə baha qiymətə sataraq qazanc əldə edir.
Bundan başqa başçı ilə sahibkarlar, idarə müdirləri arasında maklerlik edərək min oyundan çıxır. Bütün bu əməlləri ilə N. Məmmədov çox arxayındır, ona görə arxayındır ki, sizin və müavininiz Azər Bayramovun onu müdafiəsiz qoymayacağına əmindir.
O, bilir ki, həmkarı Şəmkir rayonunun keçmiş maliyyə idarəsinin rəisi N. Məlikovu adam bıçaqladıqdan sonra vəzifədə saxlayıb, sonra başqa vəzifəyə keçirdiyiniz kimi, Namiq Məmmədovu da himayənizdə saxlayacaqsınız.
Hörmətli nazir, bütün yazını oxumasanızda sizdən xahiş edirəm, bu sonuncu cümlələrimə diqqət yetirəsiniz. Azərbaycan kiçik dövlətdir, insanlar br-birindən tez xəbər tutur. Siz də bizim kimi adi bir insansınız. Sizin də ailəniz var. Eşitdiyimə görə ailə üzvlərinizdən birinin ciddi sağlıq problemi var və bu problemi həll etmək ücün xarici ölkələrə gedirsiniz. Allah xəstənizə şəfa versin . Amma unutmayın ki,"harınlamış məmurunuz" N.Məmmədovun fitnəsi ilə obyekti dağıdılmış mənim kimi insanların evindəki xəstəsinə yavan çörək almağa belə pulu yoxdur".
