Son bir neçə ay içində Azərbaycanda İcra Hakimiyyəti başçılıranın ardıcıl həbsi ətrafında dolaşan söhbətlər dünyanı bürümüş koronaviris pandemiyası təhlükəsi barədə yayılan qorxulu xəbərləri ölkə əhalisinə hardasa unutdurdu.Hətta koronavirus mövzüsu artıq ikinci plana keçib və Azərbaycan əhalisi bu gün İcra başçılarının iş otaqlarından çıxan, seyflərində və evlərində gizlətdikləri pullar barədə təəccüblərini gizləyə bilmirlər.Sanki həmin pulları özləri,öz əlləri ilə verməyibmişlər kimi.
Məlum olduğu kimi məmurların həbs dalğası artıq Mədəniyyət Nazırliyinin koridorlarına da sıçrayıb.Bir neçə gündür ki, sosial şəbəkə istifadəçiləri və elektron media resursları tərəfindən Mədəniyyət Nazirliyinin səlahiyyətli şəxslərinin müxtəlif çirkli yollarla mənimsədikləri dövlət vəsaitləri barədə yepyeni xəbərlər paylaşılır.İcra Hakimiyyəti sistemində Ağstafadan başlayan dalğa hələlik İmişlidə səngiyib.Fırtınanaın hansı rayonda davam etdiriləcəyi hələlik heç bir kimə məlum deyil. Amma Mədəniyyət Nazirliyinindəki həbs dalğasının tezliklə bir çox rayonlara keçəcəyi gözlənilir. Aktualinfo.org-a verilən məlumatlara görə həbs olunmuş nazir müavini ilə idarə rəisi daha çox nazirliyin regional idarəliri ilə işbirliyində olublar.Bunlar kimlər ola bilər?
Təbii ki, Bakıdan sonra ikinci, ya da üçüncü böyük regional mərkəz hesab edilən Gəncə Regional Mədəniyyət İdarəsi. Qeyd edək ki, 2017-ci ildə Mədəniyyət Nazirliyində struktur dəyişiklikləri ilə əlaqədar Regional Mədəniyyət İdarələri yaradıldıqda Xocalı,Kəlbəcər,Samux, Goranboy rayonlarının,Naftalan və Gəncə şəhərlərinin mədəniyyət sistemi birləşdirilərək Gəncə Regional Mədəniyyət İdarəsinin tabeçiliyinə verilib.Sözügedən bu qurumlar bir növ rayon Mədəniyyət İdarələrində yerli İcra Hakimiyyəti orqanları tərəfindən mədəniyyət sahəsinə ayrılmış dövlət vəsaitlərinin mənimsənilməsinin qarşısını alınması,ondan səmərəli şəkildə istifadə olunması məqsədi ilə yaradılmışdı.
Nazirlik tərəfindən olunan bu struktur dəyişiklikləri özünü nə dərəcədə doğrultu, deyə bilmərik. Amma bu sahəyə ayrılan dövlət vəsaitlərinin bir ələ cəmləşməsinə geniş imkanlar açmış olduğunu deyə bilərik. Götürək elə sözügedən Gəncə Regional Mədəniyyət İdarəsini. Gəncə Azərbaycanıın ən qədim mədəniyyət ocaqlarından biridir.Burada qədim, tarixi mədəniyyət abidələrinin saxlanılmasına, bərpa olunmasına il ərzində külli miqdarda vəsaitlər ayrılır. Goranboy, Samux və Nafalana da həmçinin.Torpaqları və mədəni irsi erməni tapdağı altında olan Xocalı və Kəlbəcər rayonlarını da buraya əlavə etmiş olsaq il ərzində idarəyə ayrılmış vəsaitləri hardasa təxmin etmək olar.
Sənan Hacıyevi isə oxuculara tanıtmağa ehtiyac yoxdu.Onun ulduzu 2011-ci ildə Elmar Vəliyevin Gəncə şəhər İcra Hakimiyyətinə başçı təyin olunmasıından sonra parlamağa başlayıb. 2006-2011-ci illərdə Gəncə şəhəri 5 nömrəli Uşaq Musiqi Məktəbində direktoru işləmiş Sənan Hacıyev sabiq başçının təqdimatı ilə 2011-ci ildə Gəncə şəhər Mədəniyyət və Turizim İdarəsinin rəisi vəzifəsinə gətirilir.2017-ci ildə nazirlikdəki struktur dəyişiklikləri ilə əlaqədar Gəncə Regional Mədəniyyət İdarəsi yaradıldıqdan sonra Xocalı,Kəlbəcər,Samux, Goranboy rayonlarının,Naftalan və Gəncə şəhərlərinin mədəniyyət sisteminin başına təyin olunur. Sözügedən rayon və şəhərlərin ərazilərində yerləşən mədəniyyət ocaqlarının sayı bizlərə tam bəlli deyil. Həmçinin bu rayon və şəhərlərin ərizilərində yerləşən kitabxana, muzey,mədəniyyət mərkəzi, klub,teatr,mədəniyyət evləri,musiqi, incəsənət məktəbləri, qoruq və parklarda çalışan işçilərin sayı da bizlərə tam bəlli deyil.Amma Sənan Hacıyevin rəhbərliyi altında Gəncə Regional mədəniyyət İdarəsidə və ona tabeli rayon şobələrində qanunsuzluqların baş alıb getməsi barədə Aktualinfo.org-da kifayət qədər ciddi məlumatlar var. Qeyd edək ki,Sənan Hacıyevin barəsində bu günə qədər çox yazılıb.İnternet üzərindən axtarışa verdikdə istər elektron informasiya resurslarında,istrsə də sosial şəbəkələrdə Gəncə Regional Mədəniyyət İdarəsinin fəaliyyətində yol verilmiş nöqsanlar barədə bir çox məlumatlara rast gəlmək mümkündür.
Aktualinfo.org bu kimi məlumatlara bir daha qayıtmaq istəmir.Lakin idarə tərəfindən keçirilmiş,müdirlərin bu gün üçün əsas gəlir mənbəyi sayılan bir neçə tender prosedurunu oxucuların diqqətinə çatdırmaq istəyir. Gəncə Regional Mədəniyyət İdarəsi tərəfindən elan olunmuş tenderlərin bir çoxunda “Aysberq SH” Məhdud Məsuliyyətli Cəmiyyət qalib olub. Məsələn Regional İdarə sözügedən MMC ilə 22.05.2019-cu ildə, sair xərclər üzrə 60994.2 manat, digər maşın və avadanlıqların, yumşaq inventarların,idarənin xərcləri üzrə 49855 manat, 29.04.2019-cu ildə dəftərxana və təsərrüfat malları və bərk inventarlar üzrə 50951.81 manat,avadanlıqlar üzrə isə 75914.12 manat, 07.05.2019-cu ildə idarənin xərcləri üzrə 30432.2 manat, yumşaq inventar üzrə isə 24909 manat dəyərində müqavilələr bağlamışdır.
Qeyd edək ki, “AYSBERQ SH” MMC Bakı şəhəri Lokal Gəlirlər Baş İdarəsində 2015-ci ildə dövlət qeydiyyatına alınıb. Nizamnamə kapitalı 50 manat, hüquqi ünvanı Binəqədi rayonu Cavadxan 51 olan MMC-nin qanuni təmsilçisi Mirzəyev Şahlar Qərib oğludur. Qeyd edək ki, son illər qərb bölgəsində bir çox tenderlərin qalibi olan MMC-nin yüksək vəzifəli şəxslərdən birinə aid edildiyi bildirilir.
Bundan başqa Gəncə Regional Mədəniyyət İdarəsi tərəfindən 15.11.2019-cu il tarixdə mətbəə xərci üzrə 15224 manat dəyərində “RƏBUNƏ” MMC ilə(nizamnamə kapitalı 4 manat,qanuni təmsilçisi Məmmədova Ənubər Qəzənfər qızı), 09.11.2019-cu ildə kommunal və kommunikasiya xidmətləri ilə bağlı digər xərclərin satınalınması üzrə 27796.47 manat dəyərində “YO-TQ” MMC ilə,(HAŞİYƏ: nizamnamə kapitalı 10 manat,qanuni təmsilçisi Səfərov Yunis Məmməd oğlu olan MMC-nin hüquqi ünvanı Goranboy rayonu, Xanqərvənd kəndi göstərilib.Gəncə Regional Mədəniyyət İdarəsinin keçirdiyi başqa bir tender prosedururunda isə Yunis Səfərov Məmməd oğlu 10 manat nizamnamə kapitalı olan “Yunisoğlu” MMC-nin qanuni təmsilçisi olduğu göstərilir.Hüquqi ünvanı isə Gəncə şəhəri, M.Y.Axundzadə, ev 43 1-ci döngə ünvanında qeydiyyata alındığı qeyd olunub) 30.09.2019-cu ildə odun yanacağının satınalınması üzrə 34650 manat dəyərində”Şahlar-M Optimal” MMC ilə (nizamnamə kapitalı 10 manat,qanuni təmsilçisi isə Zeynalov Marif Yunis oğludur),31.07.2019-cu ildə əsaslı təmir işlərinin satınalınması üzrə 94880.72 manat dəyərində “FNC-Universal” MMC ilə(nizamnamə kapitalı 20 manat,qanuni təmsilçisi İsayev Bəhlul Calal oğludur), 18.06.2019-cu ildə elan olunmuş açıq tenderdə isə 134850 manat dəyərində “Xumar 98″ firması ilə müqavilələr bağlanılmışdır.Qeyd edək ki,”Xumar 98” firması 04.09.1998-ci ildə Ağdam rayon Vergilər İdarəsində qeydiyyatdan keçib. Hüquqi ünvanı Ağdam rayonunun Quzanlı kəndi olan firmanın nizamnamə kapitalı 3511.20 manat,qanuni təmsilçisi Allahverdiyev Nizami Nüsrət oğludur. Sözügedən firmanın Mədəniyyət Nazirliyinin Biləsuvar, Kürdəmir və Gəncə Regional Mədəniyyət İdarələrinin elan etdiyi bir çox tenderlərin qalibi olması barədə məlumatlar var. Qeyd edək ki,ancaq Mədəniyyət Nazirliyinin xətti ilə elan olunan tenderlərdə.Bu da firmanın Mədəniyyət Nazirliyindəki yüksək vəzifəlilərdən birinə bağlı olduğunu göstərir.
Aktualinfo.org oxucuların diqqətinə xüsusilə çatdırmaq istəyir ki,yuxarıda göstərilənlər Gəncə Regional Mədəniyyət İdarəsi tərəfindən son dövrlər elan olunmuş,dəyəri aşağı qiymətlərlə ölçülən tenderlərin bir qismidir. İdarə daha böyük işlərin satınalmaları üçün keçirilən tender prosedurlarıını ictimaiyyətdən gizlətmiş və beləliklə də külli miqdarda dövlət vəsaitlərin talanmasına şərait yaratmışdır. Təbii ki,bütün bunların başında isə Sənan Hacıyev və Mədəniyyət Nazirliyinin rəsmiləri olmuşdur.Sənan Hacıyevin kiçik məbləğdə elan etdiyi tenderlərin bir qismini biz göstərdik, böyük məbləğdə olan tenderlərə ayrıılmış dövlət vəsaitlərini isə yəqın ki,əməliyyatçılar açıqlayacaq.
Aktualinfo.org
