ONLAR CİDDİ MÜHAFİZƏ VƏ QORUMA ALTINDADIR
Bu gün dünyanın hər bir yerində olduğu kimi, Azərbaycanda da HİV virusuna yoluxanların sayında artım müşahidə olunur. Məsələ burasındadır ki, qloballaşan dünyanın bir hissəsi olan Azərbaycan da istər-istəməz onun mənfi və müsbət yenilikləri, dəyişiklikləri ilə yüklənir və bu belə də olmalıdır. Söylənilənlərə misal olaraq, narkomaniyanın, yoluxucu xəstəliklərin, əxlaqsızlığın, epidemiyaların artmasını göstərmək olar. Respublikamızla qonşu dövlətlərin, habelə uzaq ölkələrin qəbul edilən və edilməyən yenilikləri bir müddət sonra Azərbaycana da transfer edilir. Yəqin ki, söhbətin nədən getdiyini anladınız. Bəli, fakt faktlığında qalır - ölkəmizdə əxlaqsızlıq hallarının sayı ildən-ilə artmaqdadır.
Buna yüngül həyat tərzi keçirən qadınların miqyasının çoxalmasını misal göstərmək olar. Maraqlıdır, bəs əxlaqsızlığın sayının artmasının başlıca kökü nədədir? Şübhəsiz ki, buna rəvac verən əxlaqsızlıq yuvalarının kəmiyyətinin artımında. Ölkəmizin paytaxtı Bakı şəhərində, habelə respublikamızın digər şəhər və rayonlarında istirahət mərkəzləri üçün nəzərdə tutulan mehmanxanaların, otellərin, kafe və restoranların, motellərin başqa profillə fəaliyyət göstərmələri yuxarıda sadaladığımız problemlərin daha da genişlənməsinə rəvac verir.
Nəzərinizə çatdıraq ki, bu cür "yuva"lara daha çox Bakının mərkəzi hissələrində tez-tez rast gəlinir. Bakı-Sumqayıt şəhərlərində və Abşeron rayonunda fəaliyyət göstərən çoxsaylı istirahət mərkəzləri, qonaqların gecələdikləri məkan kimi deyil, başqa xidmətlər təklif edən obyekt kimi tanınır.
Adı "mehmanxana" olan bu obyektlərdə vəziyyət tamam başqa cürdür. Belə ki, buranın fərqli profillə ixtisaslaşması obyektlərin xidmətlərindən istifadə edənlərin tərkibini də dəyişdirib. İndi sözügedən obyeklərdən əsasən imkanlı şəxslər, onların ailə üzvləri - övladları istifadə edirlər. Bu yerlərdə də cinsi istismara məruz qalanlar əsasən 18-25 yaş arası qızlardır:
Maraqlıdır ki, nədənsə aidiyyəti qurumlar da bu məsələyə biganə yanaşırlar. Elə bu səbəbdən də sözügedən “istirahət mərkəzləri”nin rəhbərliyi barədə sərt tədbirlər görülmür. Əksinə, həmin əxlaqsızlıq yuvaları açıq-aşkar və çox arxayın şəkildə öz bizneslərini həyata keçirirlər.
Qeyd edək ki, bu əxlaqsızlıq yuvaları barədə dəfələrlə mətbuatda yazılanlara rəğmən hələ də hüquq-mühafizə orqanları belə əxlaqsızlıq yuvaları barədə ölçü götürmür. Bu əxlaqsızlıq yuvaları yüksək çinli məurlar tərəfindən himayə olunur. Biz həmin məmurların kimlər olduğ barəd müyyən bilgilərə malikik. Lakin bəzi məqamları dəqiqləşdirdikdən sonra həmin şəxslər barədə geniş məlumat verəcəyik.
Etibarlığına şübhə etmədiyimiz mənbənin 7GUN.az-a verdiyi çox ciddi məlumatlar var. Həmin məlumatlarda aşağıda adları çəkilən obyektlər hər ay kimlərə nə qədər pul verdikləri və digər maraqlı məqamlar öz əksini tapıb. Yaxın günlərdə həmin siyahını sizlərə təqdim edəcəyik.
Hələlik bəzi əxlaqsızlıq yuvalarının siyahisini təqdim edirik. Hesab edirik ki, bu dəfə hüquq-mühafizə orqanları hərəkətə keçəcək.
Qeyd edək ki, bu siyahi bir müddət bundan öncə verilmsinə baxmayaraq heç bir nəticə olmamışdır.
“Dalğa” - ailəvi istirahət mərkəzi – məlumata görə, sözügedən bu obyekt Xətai rayon ərazisində, Babək prospektində yerləşir. Burada təxminən 38-40 otaq var. Burada da xidmətçilərin azyaşlı qızlar olduğu bildirilir. Ən əsası isə əxlaqsızlıq yuvası kimi fəaliyyət göstərən bu obyekt qəbiristanlğın bir addımlığında yerləşir. Buraya gələnlər isə hər şeyi açıq-aşkar görə bilirlər. Obyekt sahibi heç kimdən çəkinmədiyini bildirir.
“Ağ otel” – bu obyekt isə Xırdalan şəhəri ərazisində yerləşir. Hətta bir neçə dəfə bu obyektdə böyük dava, hətta biçaqlanma hadisəsi belə baş verib. Bu otelde isə 70-80-a yaxın otaq fəaliyyət göstərir.
“Romi” – adlı otel isə Masazır qəsəbəsində yerləşir və bu obyektdə də eyni hallar mövcuddur ki, burada da 50 dən çox otaq var. Müştərilər üçün hər bir şərait yaradılıb. Buaraya gələnlər isə əksər hallarda məmur uşaqları olur.
“Baxçasaray” – Mehdiabad qəsəbəsində yerləşir. Bura da otel adı altında əxlaqsızlıq yuvasi təşkil olunur ki bu “otel”də də 20-ə yaxın otaq müştərilərin xidmətinə verilir. Həmçinin ehtiyac olarsa, ofisiantlar müştərilərə qız da gətizdirə bilir.
“Lotos” - da Xətai rayonunda “Ramstore “ ticarət mərkəzinin yaxınlığında yerləşir.Belə fəaliyyət göstərən obyektlərdən olsa da buranı digər otellərdən “fərqləndirən” əsas və ən acınacaqlı məqam ondan ibarətdir ki,burada 40-50 nəfərə yaxın xanımlarda otaqlarla birlikdə müştərilərə təklif olunur.
“Clear” – Binəqədi rayon 8-ci mkr da fəaliyyət göstərən bu obyekt isə adını bilib, amma hələ ki açıqlamadığımız yüksək vəzifəli məmurdan birinə məxsusdur. Obyektdə baş verənlərə polis belə müdaxilə edə bilmir. Və adının açıqlanmasını istəməyən polis əməkdaşı bildirir ki, burada izahagəlməz hallara yaşanır.
“Grand” - Clear otellin yaxınlığında fəaliiyət göstərir ki, bura da Binəqədi polisinin müdaxilə etməsi qeyri-mümkündür.
“Qazangöl” - Fatmayı kəndi girəcəyində yerləşir. Mənbənin verdiyi məlumata görə, bu obyektə isə rayon polis idarəsinin məmurlarından biri “krişalıq” edir. Hətta bu haqda kənd sakinləri də dəfələrlə şikayət ediblər..
“Sabirabad” – bu obyekt isə illərdirki, Dərnəgül şossesinə yaxın ərazidə fəaliyyət gpstərir. Bura da dəfələrlə böyük mubahisələr, müştərilərlə obyekt sahibləri arasında hesab üstündə düşən davalar, hətta qanla nəticələnən kriminal hadisələr baş verib. Ancaq obyektlə bağlı heç bir tədbir görülməyib.
Sumqayıt yolunda isə təxminən 50-60 belə obyek fəaliyyət göstərir.
P.S. İnanırıq ki, bu yazılara hüquq-mühafizə orqanları münasibət bildirməklə yanaşı, sözügedən və əxlaqsızlıq yuvaları kimi hallandırılan obyektlərin fəaliyyətləri barədə qanuni ölçü götürəcəklər.
Mövzunu davam etdirəcəyik...
