ŞÖBƏ MÜDİRİ KÜRD OLDUĞUNU DEYİR VƏ...
Beyləqan təhsilinin acınacaqlı duruma düşməsi və rayon təhsil şöbəsinin müdiri Tofiq Sadıqovun özbaınalıqları barədə bir müddət əvvəl məlumat vermişik. Məlumatlarda bildirilirdi ki, hal hazırda Beyləqan məktəblərində tədrisdən əsər-əlamət qalmayıb, şagirdlərin dərsə davamiyyəti isə bir xeyli aşağı düşüb. Lakin buna baxmayaraq, təhsil şöbəsinin müdiri nədənsə sadalanan problemləri yoluna qoymaqda maraqlı görünmür. Artıq həm rayon camaatı, həm də ölkə ictimaiyyəti bu barədə kifayət qədər məlumatlıdır.
Bu gün isə Tofiq Sadıqovun özbaşınalıqları barədə "AzeriNews.org"a yeni ilginc məlumatlar daxil olub. Məlumatlara görə, 1965-95-ci illərdə müxtəlif yollardan istifadə edərək saxta diplom almış şəxslərin böyük əksəriyyəti bu gün ayrı-ayrı məsul vəzifələrdə çalışırlar. Onlardan biri də Beyləqan Rayon Təhsil Şöbəsinin müdiri Tofiq Sadıqovdur. Məsələ ilə bağlı etibarlı mənbənin verdiyi məlumatda qeyd olunur ki, sözü gedən təhsil şöbəsinin müdirinin diplomu saxtadır və o bu sənədi 1979-cu ildə əldə edib. Hətta deyilənlərə görə, Tofiq Sadıqovun diplomu birüzlüdür. Yəni, kağız parçasından o qədər də fərqlənmir. Redaksimaıza daxil olan digər məlumatlarda isə bildirilir ki, Tofiq Sadıqov saxta sənəd əldə etdiyi zaman həbsdə olub. Beləliklə, ortaya maraqlı bir neçə sual çıxır: Necə olur ki, Beyləqan kimi rayonun təhsilini saxta diplomlu, məsuliyətə cəlb edilən, birisinə həvalə edilir? Vaxtilə saxta diplom alıb dövləti və ictimaiyyəti aldatmış, həmin saxtakar vasitəsilə yüksək vəzifə tutmuş və imtiyazlar əldə etmiş şəxslər barədə hansı tədbirlər görülür? Ümumiyyətlə, saxta diplomlu məmurları necə üzə çıxarmaq olar? Mənbənin sözlərinə görə, bu, məhz dövlət səviyyəsində diplom attestasiyası aparılması ilə üzə çıxarıla bilər: "Ölkədə dövlət məmurlarının diplomlarının həqiqiliyini yoxlamaq üçün onların ekspertizadan keçirilməsi, əslində çətin məsələ deyil.
Məhz bundan sonra müxtəlif qeyri-qanuni yollarla saxta diplom almış şəxslər tutduqları postla vidalaşmalı olacaqlar. Gərək, bu işdə Baş prokuror yanında Korrupsiyaya Qarşı Mübarizə İdarəsi, Təhsil və Daxili İşlər nazirlikləri, eyni zamanda Tələbə Qəbulu üzrə Dövlət Komissiyası birgə fəaliyyət aparsınlar. Əmin ola bilərsiniz ki, bununla bağlı ciddi yoxlamalar aparılarsa, o zaman bir çox mətləblərə aydınlıq gətirilməklə yanaşı, müxtəlif yollarla saxta diplom əldə etmiş məmurların kimlikləri ölkə ictimaiyyətinə bəlli olacaq. Odur ki, adıçəkilən qurumlar tez bir zamanda Beyləqanın təhsil şöbəsinin və konkret olaraq Tofiq Sadıqovun fəaliyyətini araşdırmalıdır".
Beyləqanda vəzifə alveri
Beyləqan təhsilində inanılmaz hadisələr baş qaldırmaqdadır. Belə ki, icra başçısı Vaqif Abdullayev səhər tezdən işdən çıxardığı və yerinə yeni direktor təyin etməsinə baxmayraq, günortadan sorna köhnə direktoru yerinə qaytarıb. Bu barədə redaksiyamıza daxil olan məlumatlarda bildirilir ki, Vaqif Abdullayev Beyləqan şəhər 1 saylı Namiq Abdullayev adına məktəbin direktoru Vüqar Abbasovu işdən azad edib. Onun yerinə isə Beyləqan təhsil şöbəsinin müdiri Tofiq Sadıqov məktəbin müəllim kollektivinə yeni direktoru – Gülbəniz Cəfərovanı təqdim edib. Məlumatda qeyd olunur ki, Gülbəniz Cəfərova əvvələr də Beyləqan şəhər 1 saylı Namiq Abdullayev adına məktəbin direktoru vəzifəsində çalışıb. 2009-cu ildə Gülbəniz xanım şiddətli töhmətlə işdən atılıb və elə o zamandan da onun adı məktəbdə adi müəllimə olaraq keçib. Buna baxmayaraq, Gülbəniz Cəfərova işə çıxmayıb və pedoqoji fəaliyyətlə məşğul olmayıb.Mənbənin bildirdiyinə görə, günortadan sonra məktəbdə vəziyyət dəyişib. Belə ki, günortadan sonra Vüqar Abbasov yenidən işinə qayıdıb və keçib kabinetində əyləşib. Buna səbəb isə icra başçısı Vaqif Abdullayevin səhər verdiyi əmrini ləğv edib yeni əmr imzalaması olub. Yəni səhər işdən azad olunan Vüqar Abbasov günortadan sonra yenidən köhnə vəzifəsinə təyinat alıb. Buna səbəb isə Vüqar Abbasovun İcra başçısı ilə görüşərək ona 10,000 manat rüşvət verməsi olub. Həmin 10,000 min manat köhnə direktorun yenidən geri dönməsi üçün yetərli olub. Ortada qalan isə Gülbəniz Cəfərova olub. Mənbə bildirir ki, Gülbəniz Cəfərova təhsil şöbəsinin müdiri Tofiq Sadıqova 20,000 manat verib. İndii isə Gülbəniz müəllimə pulunu geri tələb edir. Mənbənin sözlərinə görə, hazırda icra başçısı və təhsil öbəsinin müdiri Gülbəniz Cəfərovaının verdiyi pula uyğun olaraq onun üçün vəzifə axtarmaqdadırlar. Mənbə bildirir ki, yaranmış dramatik vəziyyətdən icra başçısı tam olaraq yaralanmağa çalışıb. Belə ki, Vaqif Abdullayev təhsil şöbəsinin müdiri Tofiq Sadıqovun vasitəsi ilə Beyləqandakı hər bir məktəb direktorundan 5,000 manat alıb. Vüqar Abbasovun taleynini görən məktəb direktorları isə sakitcə tələb olunan pulu Tofiq Sadıqova veriblər.
Tofiq Sadıqov nədən Kürd olduğunu deyir
Beyləqan rayon orta məktəbilərindən birinin direktoru T.Sadıqovun kürd əsilli olması ilə bağlı bizə maraqlı məlumat verib. Onun dediyinə görə, Tofiq Sadıqov atası kürd əsillidir. T.Sadıqov da bu haqqda hətta icra başçısı Vaqif Abdullayevə də bildirib. Dəfələrlə Vaqif Abdullayev T.Sadıqovu işdən uzaqlaşdırmaq istəyib. Amma buna nail ola bilməyib. Çünki icra başçısı Tofiq Sadıqovla işin olmasın tapşırığı alıb. Həmin tapşırığı verən şəxs isə Tofiq Sadıqovun qardaşının dostu olması bildirilir. Prezidentin şəxsi mühafizəsinin rəisi, general Bəylər Əyyubovun adı ilə Vaqif Abdullayevə hədə-qorxular gəlib. İcra başçısı isə məcbur qalıb Tofiq Sadıqovu vəzifəsində saxlamağı qərar verib. Bu məsələdə T.Sadıqov Bəylər Eyyubovun birbaşa adını hallandırmaqla özünü qoruya bilib. Maraqlıdır ki, şöbə müdiri başdan -ayağa rüşvət girdabında olmasına baxmayaraq Eyyubovlar ailəsinin asdında istifadədən çəkimir. İcra başçısına zəng edən adamın Bəylər Eyyubovun qardaşı oğlu olduğunu iddia edib. Mənbənin dediyinə görə, Tofiq Sadıqov hətta icra başçısı olaçağınıda söyləyib.
Növbəti yazımızda Suraxanı rayonunda şöbə müdirinin hansı “Attestat qaranlığı” məsələsinə və T.Sadıqovun general Bəylər Eyyubovun adından necə istifadə etməsinə aydınlıq gətirəcəyik.
Araşdırmamız davam edir. Bizi izləyin...
