VAQİF HÜSEYNOVUN RATİ-YƏ QOŞULMASINA SÖZARDI
Müxalifət mətbuatının təmtəraqla reklamı ilə məşğul olduğu В«Milyarderlər İttifaqıВ»nın əsl simasının açılması çox çəkmədi. Guya Rusiyadakı soydaşlarımızın hüquqlarının qorunması məqsədilə yaradılan bu qurumun əslində siyasi məqsədlər güddüyü və Kremlin Azərbaycan rəhbərliyinə təzyiq göstərmək üçün ortaya atdığı elə əvvəlcədən məlum idi. Bu qurumda təmsil olunanların hamısı Rusiya rəhbərliyi ilə yaxın əlaqələrə malikdirlər və onların Kremlin icazəsi olmadan bu cür layihələrdə təmsil olunması faktiki olaraq mümkün deyildi. Bütün bunlara baxmayaraq, ilk vaxtlar həm Kremlin yeni Azərbaycan layihəsində təmsil olunanların özləri, həm onların Bakıdakı uzantıları, həm də özlərini Qərbyönümlü demokratik qüvvələr kimi qələmə verənlər В«Milyarderlər İttifaqıВ»nın Rusiyaya bağlı olması barədə versiyaları qəbul etmirlər. Amma bu günlərdə uzun müddət SSRİ təhlükəsizlik orqanlarında çalışan, Bakıdakı 20 Yanvar qırğınlarının təşkilatçısı kimi tanınan, hadisələrdən sonra Rusiyaya qaçan və bu günədək qorunan Vaqif Hüseynovun В«Milyarderlər İttifaqıВ»na üzv olması bütün kartları açmış oldu.
Amma əvvəlcədən onu da qeyd edək ki, Azərbaycanla bağlı planlar təkcə В«Milyarderlər İttifaqıВ»ı ilə yekunlaşmırdı. Bu ittifaqın yaranması ilə paralel olaraq Bakıda bu ittifaqın yaradıcılarından biri olan Rustəm İbrahimbəyovun rəhbərliyi ilə Ziyalılar Forumu adlı serial nümayiş olundu. Həmin vaxt müxalifət mətbuatı bu forumun bütün Azərbaycan ziyalılarının səsini ifadə etdiyini, ölkədəki haqsızlığa qarşı mübarizə apardığını iddia edirdi.
Amma zaman keçdikcə həm В«Milyarderlər İttifaqıВ», həm də Ziyalılar Forumu ilə bağlı baş verənlərə aydınlıq gəlməyə başladı. İlk olaraq forumda təmsil olunan Əkrəm Əylisinin erməni sevgisinə əsaslanan В«Daş yuxularВ» romanı peyda olanda В«xoruzun quyruğuВ» göründü. Çoxları damarlarında azərbaycanlı qanı axan bir yazıçının belə bir əsər qələmə almasının necə mümkün olduğuna inanmağa, bunun məntiqini tapmağa çətinlik çəkirdi. Amma buradakı məntiq çox sadə idi: В«Daş yuxularВ» romanında Rusiyanın Dağlıq Qarabağ münaqişəsi, erməni-azərbaycanlı münasibətləri ilə bağlı yürütdüyü, neçə illərdir davam etdirdiyi bədnam və ədalətsiz siyasətin bədii təsviri verilmişdi. Sanki Əkrəm Əylislinin dili ilə azərbaycanlıları aşağılaya-aşağılaya, təhqir edə-edə təslimçi sülhə hazırlayırdı.
Bunun ardınca onun Ziyalılar Forumundakı dostu Rüstəm İbrahimbəyov işini siyasi tərəflərinə toxunmağa cəsarət etdi. Dağlıq Qarabağın Azərbaycanla Ermənistan arasında mübahisəli ərazi olduğunu dilə gətirməklə ölkəmizin ərazi bütövlüyünü şübhə altına aldıqlarını ifadə etdi.
İndi də qayıdaq Vaqif Hüseynovun personaısna diqqət edək. Bu şəxs SSRİ-nin son illərində, Azərbaycanda xalq hərəkatının genişləndiyi dövrdə Əbürrəhman Vəzirovun Mərkəzi Komitəyə rəhbərlik etdiyi vaxtlar Azərbaycan Dövlət Təhlükəsizlik Komitəsinin sədri olub, general rütbəsi alıb. Həmin vaxtlar o milli fəallara qarşı repressiyaların təşkilində, müxtəlif iyrənc oyunların qurulmasında iştirak edib. 1988-ci ildə Sumqayıtda SSRİ DTK-sının planı əsasında törədilən təxribat hadisələri də onun təhlükəsizlik orqanlarında çalışdığı zamanlarda baş verib. Bakıda sovet qoşunları tərəfindən 1990-cı il yanvarın 20-də törədilmiş qırğına dair qaldırılmış cinayət işində də əsas fiqurlardan biri kimi məhz onun adı çəkilir. Sovet qoşunlarını Bakıdakı nümayişlərə müdaxilə etməyə çağıran və bu məqsədlə Moskvaya müraciət edənlərdən biri də o idi. Məhz bu səbəbdəndir ki, 20 yanvar hadisələrindən dərhal sonra Vaqif Hüseynov Azərbaycandan qaçaraq Moskvaya sığınmışdı. Başqa sözlə desək, o, Moskvadan gələn tapşırıq əsasında öz xalqına qarşı qırğının həyata keçirilməsində təşkilatçı kimi çıxış edib, sonradan canını qurtarmaq üçün ağalarına sığınmışdı. Haqqında cinayət işi açılsa, axtarışı verilsə də, Rusiya onu bu günə kimi qoruyub saxlamağı bacarıb. Moskva onun tutulub Bakıya təhvil verilməsinə dair sorğuları heç vaxt cavablandırmayıb. Rüstəm İbrahimbəyovun uşaqlıq dostu oldğunu deyən DTK generalına nəhayət 2013-cü ildə boy göstərməyə icazə verdilər.
İndi belə bir şəxsin təmsil olunduğu təşkilat müstəqil Azərbaycanın xoşbəxt gələcəyi üçün çalışa bilərmi? Bu fakt В«Milyarderlər İttifaqıВ» ilə yanaşı, bu ittifaqdan В«qidalanaraqВ» Azərbaycanın daxili siyasətinə müdaxilə etmək istəyən, özünün milli qüvvə kimi qələmə verməyə çalışan Ziyalılar Forumu və В«ELВ» hərəkatı ilə bağlı da müəyyən nəticələr çıxarmağa əsas verir. Artıq əminliklə demək olar ki, Əkrəm Əylisli də, Rüstəm İbrahimbəyov da, onların prezidentliyə namizəd kimi bizə sırımağa çalışdıqları Eldar Namazov da Rusiyanın adamlarıdır. Onların yaratdıqları, idarə etdikləri təşkilatlara da Rusiyanın buradakı uzantıları kimi baxılmalıdır. Bunu artıq bütün cəmiyyət bilməlidir. Bilinməlidir ki, onların maliyyəsi, sifarişləri haradan gəlir. Bu insanların Azərbaycanın gələcəyi ilə bağlı hansı müsbət planları ola bilər axı? Bir adam ki, başqa bir dövlətin sifarişi ilə öz dövlətinə qarşı iş apara, təşkilat qura, düşmən dəyirmanına su tökə, ondan nəsə ummağa dəyərmi? Əkrəm Əylislinin, Rüstəm İbrahimbəyovun nümunələri gözümüzün qabağında deyilmi? Onların bizə gətirdikləri ancaq yeni boyunduruqlar ola bilər. Onların istədikləri bizim Qarabağ işğalını unudaraq yenidən ermənilərlə yaxın qonşu, qardaş kimi yaşamağımızdır. Torpaqlar işğaldan azad edilməyincə bu xəyanəti kimsə qəbul edə bilərmi? Əlbəttə ki, yox. Hətta arxasında Rusiyanın durması belə bu insanlara heç bir şans vermir. Azərbaycan 25 ildən çoxdur ki, işğal faktı ilə razılaşmır. Vaxtilə səngərlərdə Rusiyanın erməni adı altında gizlənən silahlıları ilə qəhrəmancasına mübarizə aparılıb. Sonrakı illərdə danışıqlar prosesi zamanı Azərbaycan rəhbərliyi heç bir güzəştə getməyib. Prezident İlham Əliyev nəinki belə arzuların çin olmasına imkan verməyib, hətta ABŞ rəhbərliyinin Ermənistanla münasibətlərin normallaşmasını nəzərdə tutan təşəbbüslərinə qarşı çıxmağı da bacarıb. Məhz prezidentin bu cür cəsarətli addımı nəticəsində Turkiyə-Ermənistan münasibətlərinin normallaşdırılması ilə bağlı başladılmış proses yarımçıq dayandırıldı. Dağlıq Qarabağ münaqişəsi ilə bağlı Azərbaycana bu tipli təzyiqlərin nəticə vermədiyini görən qüvvələr bu dəfə daxildəki rıçaqlarını işə salıblar. Milli maraqlar naminə bu cür riskləri getməyə tərəddüd etməyən Azərbaycan rəhbərliyinin В«ELВ» hərəkatının fəaliyyəti ilə mövqe dəyişəcəyinəmi ümid edirlər?
Özlərini demokratik qüvvələr kimi qələmə verənlər də bu reallığı dərk etməli və fəaliyyətləri ilə bağlı nəticə çıxarmalıdırlar. Başa düşməlidir ki, ilk press-relizini rus dilində yazan, maliyyəsini şimaldan alan В«ELВ» hərəkatının yaradıcılarının növbəti layihəsi olan Milli Şura ideyası da bu layihənin növbəti addımıdır.
Bütün bunlar bir reallığı da gündəmə gətirmiş oldu. İndi В«cidanı çuvalda gizlətməkВ» elə də asan deyil. Kimin kim olduğunu, tapşırıqları haradan aldığını müəyyənləşdirmək üçün çox gözləməyə ehtiyac olmur. Hətta ən yüksək səviyyədə edilən pərdələmə cəhdləri də həqiqətləri gizlətmək üçün yetərli olmur. В«Milyarderlər İttifaqıВ», Ziyalılar Formu və В«ELВ» Hərəkatı ilə bağlı baş verənlər kimi… \ kaspi.az \
