YAŞAR HÜSEYNOVUN XƏSTƏXANA BİZNESİ
Səhiyyə sistemində yaşanan biabırçılıqların həddi-hüdudui yoxdur. Xüsusən də rayonlardakı Mərkəzi Xəstəxanalarda vəziyyət dözülməzdir. Bu yaxınlarda Ucar və Ağdaş rayonlarında, habelə Bakının Sabunçu rayonunda baş vermiş dəhşətli olaylar isə bir daha təsdiqlədi ki, Azərbaycandakı səhiyyə ocaqları insanların taleyi ilə oynamaqla məşğuldur.
Tərtər rayon Mərkəzi Xəstəxanasında da da vəziyyət yaxşı deyil. Burada həkimlərin peşəkarlıq səviyyəsinin aşağı olması, baş həkim Yaşar Hüseynovun başının dərman alverinə qarışması xəstələri naümid qoyur. Elə buna görədir ki, Tərtər camaatı xəstələrinin taleyini qonşu rayonların həkimlərinə etibar edirlər.
Tərtər rayon Mərkəzi Xəstəxanasında apardığımız araşdırmalar nəticəsində məlum olub ki, baş həkim istər Mərkəzi Xəstəxanada, istərsə də kəndələrdə faliyyət göstərən səhiyyə ocaqlarında korrupsiya piramidası qurub. Belə ki, baş həkim səhiyyə sistemində çalışan süpürgəçidən, sanitardan tutmuş həkiminə qədər hər kəsdən aylıq alır. Bu azmış kimi Yaşar Hüseynovun dövlətin Tərtər səhiyyəsinə ayırdığı hər şeyi mənimsəyir.
Daxil olan məlumata görə, Tərtər rayonu üzrə təxminən min nəfərə yaxın güzəştli kateqoriyadan xəstələr var. Bunlardan təxminən 550 xəstə şəkərli diabet, 100 ruhi-əsəb xəstəsi, 150 onkoloji xəstə, 150 vərəm xəstəsidir. Məlumatda o da qeyd olunur ki, əslində bu rəqəmlər tam həqiqəti əks etdirmir, çünki, bu tip xəstələr qeydə düşməməyə çalışırlar. Ölkə qanunvericiliyinə əsasən hər ay bu xəstələrə lazım olan qədər dərman və tibbi ləvazimat həmin xəstələrə pulsuz olaraq verilməlidir. 27 fevral 2007-ci ildə Səhiyyə və Maliyyə nazirliklərinin birgə əmrinə əsasən 141 adda dərman pulsuz olaraq güzəştlə kateqoriyalı xəstələrə verilməlidir.
Məlumatda bildirilir ki, şəkər xəstələrinin yalnız 1%-nə, o da hay-küy salıb şikayət edənlərə dərman verilir. Ruhi-əsəb və vərəm xəstələrinə güzəştli dərmanlar qəti olaraq verilmir. Xəstə sahiblərinin çoxunun dövlətin bu humanist qərarından xəbəri yoxdur, bilənlər də görürlər ki, vermirlər, məcbur qalıb özləri aptekdən baha qiymətə alırlar.
Səhiyyə Nazirliyinin 01 dekabr 2005-ci il tarixli 141 nömrəli əmrinə əsasən isə xəstəxanaların bütün şöbələrində təcili tibbi yardım üçün 60 adda dərman və 23 adda tibbi ləvazimat məcburi şəkildə hər bir şöbədə olmalıdır. Bu dərmanlardan hər hansı birisi işlənərsə, dərhal onun yeri doldurulmalıdır. Bildirilir ki, Yaşar həkim xəstəxanaya baş həkim təyin edilənə qədər bu əmr və siyahıda göstərilən dərman və tibb ləvazimatlarının siyahısı xəstəxananın divarlarından asılmışdı. İndi heç o siyahı da yoxdur ki, görənlərin də ürəyi bulanmasın. Həmin 60 adda dərmanlar və 23 adda tibbi ləvazimatlar isə təbi tibb ocaqlarından yoxa çıxıb. Xəstəxanaya gələnlərin hər biri laxım olan dərmanları və tibb ləvazimatlarını özləri almaq zorundadırlar. Amma məsələ orasındadır ki, xəstələr həmin dərmanları Yaşar həkimin apteklərindən alırlar.
Belə ki, daxil olan məlumatda bildirilir ki, Tərtər Mərkəzi Xəstəxanasının baş həkimi Yaşar Hüseynovun Tərtərdə iki, Bərdənin mərkəzində isə iki böyük apteki var. Və dövlətin xəstəxanaya yolladığı dərmanları baş həkim bu apteklərdə satdırmaqla məşğuldur. Quduzluq əleyhinə zərdablar, tetanus əleyhinə (pas iynəsi) zərdab, ilan vurma əleyhinə zərdab və ən vacib olan dərmanları da xəstəxanalarda tapmaq mümkün deyil. Amma onları baş həkimin apteklərindən baha qiymətə almaq mümkündür.
Bu azmış kimi baş həkim həmçinin səhiyyə sistemində çalışan hər kəsdən aylıq alır, aylıq verməyənlər isə təbii ki, tutduğu vəzifədə çalışa bilməz. Avtoritetlərin dili desək, Yaşar həkim xəstəxananın bütün həkim və tibbi personalını faizə bağlayıb. Beləliklə, həkimlərdən ayda 100 manat, USM aparatı işlədən və rentgen həkimlərindən 200 manat, təcili yardım həkimlərindən ayda 50 manat, tibb bacılarından ayda 20 manat, digər personallardan - sanitar, sürücü, qapıçı və s. Persenollardan ayda 10 manat В«xəracВ» alır. В«XəracВ»ın yığılma vaxtı bəlli vaxtdır və hər kəs həmin vaxt В«xəracВ»ı ödəmək zorundadır.
Həmin məlumatlarda vurğulanır ki, xəstəxananın Baş Həkimi Yaşar Hüseynov tabeçiliyində olan xəstəxananı öz şəxsi obiyekti kimi hesab edir. Deyilənə görə xəstəxana iki hissəyə bölünüb: İmkanlı və imkansız üşün palatalar. Bunlardan əlavə baş həkim dövlət tərəfindən ayrılan maliyə vəsaitlərini mənimsəməklə məşğuldur. Yaşar Hüseynova “krişalıq”edən və bu missiyanı üzərinə götürən məhz keçmiş icra başcisi Vidadi İsayevdir. Poliklinkanin cərrahiyyə şöbəsinin müdri Mübariz Mahmudov 2-ci qrup əlil olduğu halda, baş həkim ona “etimad” göstərib. Reallıqda isə Yaşar Hüseynovun fikirləşdiyi kimi deyil. Çünki Mübariz Mahmudovun fikir durumu buna imkan vermir. Rayon sakinlərin verdiyi məlumata görə etiraz edən vətəndaş polis tərəfindən təziyiqlərə məruz qalır.
Bundan başqa, araşdırmalar zamanı o da məlum olub ki, polikilinkanın baş həkimi Şiraslan Nəsibovun iki övladı polis orqanlarında çalışır.
