DİA.AZ: - Bir müddət əvvəl Milli Məclis üzvlərinin bəzilərinin biznes fəaliyyətləri ilə məşğul olması səbəbindən mandatlarının ləğvi məsələsi yenidən gündəmə gəldi. Deputat İlyas İsmayılov bu məsələni xeyli gündəmdə saxlasa da, sonradan bu mövzu anidən də qapandı. Əslində qanunlara uyarsaq, bir çox deputatların mandatı təhlükə altına düşmüş olacaq. Doğrudur, onların böyük əksəriyyəti əslində özlərinə aid olan biznes strukturlarını yaxınlarının adına keçiriblər. Amma öz adları ilə işgüzar fəaliyyətdə olanlar da yetərincədir ki, bunu müəyyənləşdirmək dövlətin müvafiq qurumları üçün bir an məsələsidir.
Qeyd edək ki, əslində deputatların bir çoxu siyasətə - parlamentə məhz biznesdən gəldiklərindən onların bizneslərinin olması da normal faktdır və cəmiyyətdə heyrətə nədən olmur. Yəni hər kəs yaxşı bilir ki, məsələn, Ülvi Quliyev, Azər Kərimli kimi deputatlar məhz biznesdən siyasətə qoşulanlardır. Təbii ki, bu sıranı daha da genişləndirmək olar. 2005-ci ilin parlament seçkiləri ərəfəsi start götürən məlum siyasət nəticəsində bir çox iş adamları parlamentə dəvət olundular ki, bu zaman Milli Məclisin heyəti kifayət qədər В«işgüzarlaşmışВ» oldu.
Belə olan təqdirdə, ya deputatlara biznes fəaliyyətini qadağan edən hüquqi hal aradan qaldırılmalıdır, ya da deputatlar şəffaf şəkildə hesabatlarını təqdim etməli, biznesini seçənlərin mandatları ləğv edilməlidir. Təbii ki, bunlar hələlik xəyal edilən məsələlərdəndir.
Biz isə DİA.AZ olaraq bu gün biznes fəaliyyəti ilə məşğul olan deputatları araşdırmağa başladıq. Və bu gündən etibarən onların əllərindəki iqtisadi rıçaqlarla bağlı əldə etdiyimiz faktları diqqətinizə çatdırmaq qərarını verdik.
İlk olaraq adı bir çox qalmaqallarda hallandırılan, amma eyni zamanda Azərbaycanın ictimai-siyasi elitasında o qədər də populyar olmayan Azər Kərimli barədə əldə etdiyimiz bilgiləri diqqətinizə çatdırmaq istədik. 112 Saylı Qax seçki dairəsindən deputat seçilən bu şəxs 2005-2010-cu illərdə də Milli Məclisin üzvü olub.
Millət vəkili olduğu 8 il ərzində Azər Kərimlinin deputat olaraq, fəaliyyəti də heç bir ictimai əhəmiyyətliliyi ilə seçilməyib. Parlamentin sessiyalarının stenoqramlarında Azər Kərimlinin 7 il ərzində çıxış etmədiyi də bəlli olur. Ümumiyyətlə, parlamentin iclaslarına da təsadüf hallarda qatılan bu deputatın fəaliyyəti barədə tək danışılan onun hansısa biznes fəaliyyəti ilə məşğul olmasıdır. Baxmayaraq ki, qanunvericilik deputatın biznes fəaliyyətinə qadağa qoyur. Amma parlamentin əksər üzvləri kimi Azər Kərimli də biznes fəaliyyətini yüksək səviyyədə quranlardandır. Onun həm ölkə daxilində, həm də xaricində bir sıra biznes şəbəkələrinin olduğu bildirilir.
Azər Kərimli həm də seçicilərini boykot edən deputatlardandır. Milli Məclis əksər üzvləri kimi təmsil etdiyi rayonun əhalisinin problemlərinə biganədir. Paytaxtdan yüzlərlə kilometr uzaq məsafə olan Qax rayonundan gələn seçilərini belə qəbul eməyən deputat onları rayondakı В«köməkçisinəВ» yönəldib.
Xatırladaq ki, Azər Kərimli müəmmalı şəkildə İtaliya dövləti tərəfindən В«CəngavarВ» də elan olunub. Bu barədə, daha dəqiqi belə bir titulun verilməsi səbəbini araşdırsaq da, tutarlı məlumat əldə edə bilmədik. Qeyd edək ki, İtaliyanın Azərbaycandakı səfirliyində deputata В«cəngəvarВ» ordeni verilib. Bu da sirr deyil ki, başqa ölkələrinin səfirliklərindən fərqli olaraq, İtaliya səfirliyi Azərbaycan mediası və vətəndaş cəmiyyəti qurumları ilə əməkdaşlıqda maraqlı deyil. Baxmayaraq ki, Avropa İttifaqının əsas dövlətlərindən biri olan İtaliya Azərbaycanda insan hüquq və azadlıqlarının vəziyyətinə susmamalıdır.
Avropa İttifaqının və Avropa Parlamentinin Azərbaycanla bağlı mövqeyinin müdafiə olunmasında fəallıq göstərməlidir. Amma bunları bir tərəfə qoyub, seçicilərinin hüquqlarını qorumayan, ən azı mandatının legitimliyi şübhə doğuran bir deputata orden vermək yanlış siyasətdir.
Amma bu yanlış siyasətin arxasında daha çox iqtisadi maraqların dayandığını da sezməmək mümkün deyil. Çünki bizlər Azər Kərimlini həm də bir iş adamı olaraq tanyırıq və məlumdur ki, italyanların В«cəngavərВ» adını verdiyi hörmətli deputatımız ağac materialları və mebelqayırma sahəsində biznes fəaliyyəti ilə məşğuldur. Hətta bu barədə yerli mətbuatda yer alan informasiyada qeyd olunur ki, Ekologiya və Təbii Sərvətlər Nazirliyinin belə В«gözündən müvəffəqiyyətlə yayınanВ» Azər Kərimli şirkətinin maraqları naminə Qax rayonu ərazisində salamat meşə qoymayıb. Və neçə illik fəaliyyəti boyunca deputatın şirkəti Qax meşələrində minlərlə talalar yaradıb ki, bu da ölkənin sərvətlərinə qarşı yalnız düşmən siyasətinin nəticəsi ola bilər.Bu barədə gələn şikayətlərdə deyilir ki, millət vəkili qoz ağaclarını ucdantutma qırdırır. Qırılan qoz ağacları Bakıya gətirilir və millət vəkilinin mebel fabrikində emal olunaraq Azər Kərimliyə böyük gəlirlər gətirir.
Məlumatda həmçinin bildirilir ki, millət vəkili Qax rayonunda tikdirdiyi şəxsi mülkləri ilə də məşhurdur. Məsələn, bir zamanlar Qaxın İlisu kəndində sovet dövründə salınmış "Füzuli bağı" vardı. Hə, vardı… Çünki indi bu bağın sadəcə adı qalıb. Bağın yanında isə Azər Kərimlinin tikdirdiyi imarət ucalır. Məlumatda həmçinin qeyd olunur ki, Azər Kərimli faktiki olaraq Qax rayonunu idarə edir, hətta rayona icra başçısını, ayrı-ayrı məsul işçiləri də vəzifəyə onun təyin elətdirdiyi və yaxud da vəzifədən çıxartdırdığı bildirilir. Ona görə də Azər Kərimli qoz ağacı soyqırımını rahatlıqla həyata keçirə bilir.
Və bu qoz ağaclarından hazırlanan materialların satıldığı ünvan isə kifayət qədər maraqlıdır. Bu barədə DİA.AZ olaraq apardığımız araşdırmalardan ilginc faktlar ortaya çıxıb. Aydın olur ki, Azər Kərimlinin şirkətində emal olunmuş, mebel sənayesi üçün qoz ağacından düzəldilmiş lövhələr hansısa kənar ünvana deyil, məhz İtaliyaya göndərilir. İndi deputatımızın İtaliyada nədən CƏNGAVƏR kimi görünməsinin sirri də çözülmüş olur.
Onu da bildirək ki, Azər Kərimli ilə bağlı daha bir araşdırma materialımız var və onu da yaxın günlərdə diqqətinizə təqdim edəcəyik. Bu faktlardan isə ETSN-nin В«meşələrin qəniminəВ» çevrilmiş deputat qarşısında hansı səbəblərdən aciz qaldığını izahlayacağıq. Bizi izləyin…
