Ağdam rayonundan olan məcburi kökçün, hazırda Bakı şəhəri, Nəsimi rayonu, 2-ci mk-r.n, Moskva prospekti, ev 70, mən.28-də müvəqqəti kirayədə yaşayan Cəfərzadə İfadə İsgəndər qızı tərəfindən “Hürriyyət”in redaksiyasına şikayət məktubu daxil olub. Saytımız vasitəsilə maliyyə naziri Samir Şərifova və digər aidiyyatı qurumların rəhbərlərinə müraciət edən İ.Cəfərzadə dələduzluqla üzləşdiyini yazır:
“Məlumat üçün bildirim ki, hazırda Nərimanov RPİ-də CM-nin 178.3.2 maddəsi üzrə cinayət istintaqı davam edən Əskərov Nazim Mahmud oğlu Binəqədi rayonu, Sulutəpə qəsəbəsi 1, ev 8 ünvanda yerləşən və 5 sot torpağın üstündə tikilmiş 2 mərtəbəli mülkümü mənim razılığım və icazəm olmadan 08 noyabr 2013-cü ildə “Atabank” ASC-nin Xəzər filialının müdiri ilə gizli sövdələşərək, illik 20 faiz olmaqla 48 ay müddətinə girov qoyulmuş evimin əvəzinə 95000 manat pul götürərək birlikdə mənimsəmişlər.
Bu arada, yəni, 2015-ci ilin fevralında N.Əskərovun bank qarşısında öhdəlik götürdüyü pulun ödənmədiyini görən “Atabank” ASC-nin Xəzər filialının müdiri əvvəlcədən sövdələşdikləri kimi, qəsdən ödənişin aparılmadığı ( 48 ay vaxt verildiyi halda)13-cü ayın başında məni və kredit alan Nazim Əskərovu Binəqədəi rayon məhkəməsinə iddia ərizəsi verərək əsas və faiz borclarının ödənilməsi üçün tutmanın dərhal ipoteka predmetinə yönəldilməsini tələb etmişdir. İddia 15 sentyabr 2015-ci il tarixli qətnamə əsasında sifarişlətəmin edilmiş və 2016-cı ildən icraata yönəlmişdir. Mənə məxsus mülkün “Ata bank” tərəfindən açıq hərracda əsassız olaraq öz nümayəndəsinə formal sataraq borcun tam ödənilməsi üzrə icra işlərinə başlanılmışdır.Bu qanunsuz hərəkətlə də “Ata bank” dəlduz N.Əskərovla əvvəldən razılaşaraq mənə məxsus mülkümü saxta sənədləşdirmələrlə mənimsəmişdir. Yəni, Bank müdiri ilə N.Əskərov arasında olan sövdələşməyə əsasən 48 ay müddətinə verilmiş 95 000 manat pulun bank müdiri tərəfindən 13 aydan sonra geri tələb edilməsi üçün əvvəlcədən planlaşdırılan plan üzrə real bazar dəyəri 400 000 manat olan əmlakımın ələ keçirilmə məqsədi daşımışdır.
Budur, bu azmış kimi indi ATA Bank yenə də hazırda bu iş üçün CM-nin 178.3.2 maddəsi üzrə 6 ay davam edən istintaqın başa çatdığı anda öz dələduz dostunu xilas etmək və mənə təzyiq göstərmək üçün dərhal Binəqədi İcra şöbəsinin icra məmuru Tural Süleymanovla gizli əlaqəyə girərək həm banka girov qoyulmuş çıxarışı olan və 5 sot torpağın üzərində tikilmiş mülküm içindəki əşyaları, həm də girov predmeti olan eyni həyətin içində yerləşən və yenə də 5 sot torpaq üzərində tikilmiş yardımçı təsərrüfat kimi olan anbarlarımdakı şəxsi əşya və digər çoxsaylı əşyalarımı mənim şəxsi iştirakım olmadan qarət etmiş, bəzilərini isə saxlanc yerinə yığaraq təcili boşaltmışlar. Mən bu özbaşnalıq və banka aid olmayan əlavə 5 sot sahədəki tikililərimə qanunsuz müdaxilə barədə direktiv orqanlara 01 may 2018-ci ildə müraciət etmişəm. Nəticədə hazırda mənim evimi “Ata banka” girov qoyaraq aldıqları 95 000 manat pulu öz aralarında bölüşdürən dələduz dəstənin Bakı şəhər Prokuroru cənab İ.Abbasovun göstərişilə Ata Bankın “Xəzər” filialının direktoru da daxil olmaqla digər 4 nəfərin də 2015-ci ildən başlanmış cinayət işinə cəlb olunmaları barədə göstəriş verilmiş və bu dələduz dəstəyə qarşı 12 iyun 2018-də Nərimanov RPİ-də cinayət işi yenilənərək CM-nin 178.3.4 maddəsi tətbiq olunmuşdur. Və yaxın həftəyə bu cinayətkar dəstənin işi AğırBakı Ağır Cinayətlər Məhkəməsinə göndəriləcəkdir.Eyni zamanda “Atabank”ın sövdələşdiyi Binəqədi İcra Şöbəsinin icra məmuru Tural Süleymanovun bankın sifarişləri əsasında mənim əmlakıma qarşı törətdiyi özbaşnalıqları barədə Ədliyyə nazirliyi tərəfindən aparılmış araşdırma nəticəsində ona şiddətli töhmət verilmişdir.
Lakin çox təssüflər olsun ki, “AtaBank” ASC-nin İdraə Heyəti sədrinin 1-ci müavini E.Babaşlının imzası ilə Bu barədə AR Maliyyə bazarlarına Nəzarət Palatasına ünvanladığı və bir birini təkzib edən 25may və 14 iyun 2018-ci il tarixli məktublarında əvvəlcə qeyd edir ki, icra məmuru ( T.Süleymanov) müvafiq torpaq sahəsinin üzərində ölçmələr aparılmış və əlavə 5 sot sahəsinin mövcudluğu aşkarlanmamışdır”.
14 iyun tarixli məktunda da qeyd edir ki, “may ayında vətəndaşın müraciəti əsasında “Ata Bank” ASC-ti tərəfindən ona əraziyə (mübahisəli 5 sota) baxış üçün əsas qapıdan istifadə etməyə icazə verilmiş, lakin vətəndaş icazədən süni-istifadə edərək bura kənar şəxs gətirmişdir.
Qeyd edək ki, mübahisəli 0.005 ha torpaq sahəsi nə dair hüquqmüəyyənedici sənəd təqdim edildiyi halda istifadə üçün lazımi şərait yaradılacaqdır.”
Sonuncu məktubla bağlı bildirmək istəyirəm ki, bank mənə icazə verməmişdir. “Kənar şəxs” deyilən şəxs mənim yeganə övladımdır. Bankın girov predmetinə aid olmayan eyni həyətin içində olan 5 sot torpaq sahəsinə aid sənədləşmə işlərini başa çatdırmamışam. Bankın icazə verməməsinə görə. Lakin mənim həmin ərazidə tikili anbarlarım, şəxsi əşyalarım var ki, heç kimin onları daşımağa, atmağa, yerini dəyişməyə səlahiyyəti çatmır. “Atabank” sədr müavini rəsmi etibar etdiyi savadsız icraçılarnın tərtib etdiyi cavab məktublarını imzalalamışdan əvvəl özü də qısa nəzər yetirsəydi, yaxşı olardı. Lakin Bankın rəsmi cavabından fərqli olaraq gizli sövdələşdiyi Binəqədi rayon İcra məmuru T.Süleymanovun qanunazidd hərəkətlərinə görə ağır cəzalanması, Ata bankın “Xəzər” filialının sabiq müdirinə qarşı CM-nin 178.3.4 –cü maddəsi üzrə cinayət işi qaldırılaraq istintaqa cəlb edilməsi onu deməyə əsas verir ki, Bank mənim əmlakıma qarşı əvvəlcədən dələduz dəstəilə sövdələşərək mülkiyyətimi ələ keçirmişdir.İndi də mənə banka aid olmayan həyətimə daxil olmaq üçün icazə vermir, müxtəlif zidd bahənələr uydurmaqla məşğuldur. Çünki bu bankın binası Ş.Bədəlbəyli küçəsində tikilməmişdən öncə burada yaşayan qeyri-millətdən olanvə ipə-sapa yatmayan iki qoca ər-arvadın razılıqlarını alıb onları bu ərazidən çıxarmaq və sonra Bank binası tikmək əvəzinə indiyədək sirr qalan “qaz partlayışı” baş vermiş və hər iki şəxs həlak olmuşlar. Halbuki işığı, suyu, qazı kəsilmiş sonuncu mənzildə bu “qaz partlayışı” necə baş vermişdir indi də anlamaq çətindir.Yəni bank rəhbərliyi əvvəldən razılıq və halallıq alsaydılar indi işləri normal gedərdi.
Budur, “DəmirBank” 3 ay əvvəl ölkədən 80 mil. dollar pulu qeyri-leqal üsulla ölkədən çıxarmaq istərkən dəstəsi tutuldu. Və dərhal da kitabı bağlandı. Eyni aqibəti “Atabank”da yaşaya bilər.
Cənab maliyyə naziri!
Sizdən artıq dərəcədə xahiş edirəm, hazırda Nərimanov RPİ-də davam edən Cinayət işinin başa çatmasına qədər mənim AtaBanka girov qoyulmuş Sulutəpə qəsəbəsi 1, ev 8 ünvanındakı girov predmetinə daxil olmayan və eyni həyətdə yerləşən əlavə 5 sot torpaq sahəsi üzərindəki tikililərin özümə qaytarılmasına və həmin tikililərdən istifadə etmək üçün digər 5 sot üzərində girov predmeti olan əsas qapıdan müvəqqəti istifadə etməyimə icazə verilməsinə köməklik göstərəsiniz.
Əvvəlcədən təşəkkürlər”.
Hurriyyet.org
