.
“Şou-biznesin bu vəziyyətə düşməsinin əsas səbəbkarı aparıcılardır. Çünki aparıcılar bir-biri ilə rəqabət aparıb, efirlərinə reytinq xatirinə elə müğənniləri çağırırlar ki.. Bu sadəcə dəhşətdir. Həmin müğənnilərə sənətdən başqa hər bir sual verirlər. Hər şey reklamın üzərində qurulub. Şou-biznesin də öz qayda-qanunları var. Şounu göstər, pulunu qazan. Buna artıq normal baxıram. O ki, qaldı mənim işimə.. Mənim əsas işim toylardır. Toyumu toydan tuturam. Biz müğənnilərin 90 faiz gəlir yeri toylardır, ona görə toydan danışıram”
Bunu Moderator.az-a açıqlamasında müğənni Afət Fərmanqızı deyib. Sənətçi bildirib ki, bir müddət əvvəl oxuduğu “Pəncu-şeş” mahnısına görə ona qadağa qoydurmaq istəyiblər.
Bunu edənlər də elə müğənninin öz həmkarları olub:
“2-3 müğənni daha o efir qalmadı zəng edib tapşırsınlar ki, Afəti ora çağırmayın. Özləri-özlərini aldatmışdı ki, bu mahnıma qadağa qoyublar. Sizin sayt vasitənizlə Zaur Nəbioğlu və Tarix Əliyevə təşəkkür edirəm ki, onlar efirdə hər dəfə məndən israrla “Pəncu-şeş” mahnımı istəyirlər. Mənə qarşı düşmən mövqeyində olan müğənnilərə bir daha sübut etdim ki, siz xalqı aldatmaqla deyil. İstər el şənliklərində, istərsə də efirlərdə bu mahnıma tələbat var. El gücü, sel gücü. Nəticədə nə oldu? Allaha qurban olum. O müğənnilərin pislikləri özlərinə qaldı” deyə müğənni bildirib.
Afət Bildirib ki, ona qarşı edilən pisliklərə filmlə cavab verəcək:
“Hələ gündəmdə bir 10 il olacam. Çünki dayanmadan mahnılar yazdırıram, öz üzərimdə işləyirəm. Avqust-sentyabr ayında da heç 1-2 gün boş vaxtım yoxdur. Mənə tələbat var. 10 il sonra toy bazarından kənara çəkiləcəm. Bu zaman nə edəcəm? Başıma gələn bütün bu bəlalardan, ayağımdan çəkmək istəyən müğənnilər haqda iki seriyalı film çəkdirəcəm. Onun üçün büdcə də ayırmışam. 10 ildən sonra həmin filmlə yenilik edəcəm. Mənə atılan daşlardan bir heykəl qurdum. Və Afət Fərmanqızı adı gələndə heç kim soruşmur ki, kim? 7-dən 77-yə hər kəs məni tanıyıb sevir. Sosial şəbəkələrdə 2 milyondan çox insan məni izləyir. Bu böyük bir göstəricidir. Nə yaxşı ki, məni sevən tamaşaçılar var. Nə yaxşı ki, o izləyiciləri düşmənlərim çaşdıra bilmədi. Çünki onlar mənə güvəndilər, inandılar. Düşmənlər yenə də öz işini görür. Yenə startdadır, öz pisliklərindən qalmaq istəmirlər. Mən isə öz işimdə, gücümdəyəm. İt hürər, karvan keçər. Yel qayadan heç nə aparmaz” deyə müğənni bildirib.
