"Əcəb işdi vallah nə yola desən əl atırlar..." "DİA-AZ" xəbər verir ki, bunu Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlıya müraciətində "Azəriqaz" İstehsalat Birliyinin işçisi Emil Tahirov qeyd edib.
E.Tahirov NHMT sədrinə xitabən daha sonra belə davam edir: "Mirvari xanım, uzun zamandır mən sizin səhifənizi izləyirəm və bir zamanlar mən də bu səhifənin fəallarından olmuşam. Bir çox məsələləri özüm bu səhifədə canlandırmışam, nəinki bu səhifədə.. hətta cənab Prezident İlham Əliyevə baş prokurora, MTN-nə, Ombudsman xanım Səbinə Əliyevaya və digər aidiyyatı qurum rəhbərlərinə müraciətlər etmişəm. Ancaq heç bir tədbir görülməyib.
Bu yaxında Azəriqaz İB əməkdaşları özləri Ağsu RQİİ-nin Göyçay XS-də keçirdiyi yoxlamalar nəticəsində aşkar edilmiş nöqsanlar (indi mən burda tam olaraq açıqlama vermirəm) birbaşa cinayət əməlləridi. Özü də bir nəfərin deyil, bir neçə nəfərin iştrakı ilə baş tutan cinayət əməlləri... Hansı ki buna RQİİ-nin məsul şəxsləri də cavabdehlik daşıyırlar, yəni biləvasitə əlbirdilər. Özü də nə yazırsansa, sənə müraciət olunmamış, yəni sənin iştrakın olmadan araşdırırlar və yazılanları təkzib edib yalanlayırlar.
Baxırsan ki yiyəsizlikdir...
Azəriqaz İB-nin baş direktoru cənab Azər Məmmədova teleqram vuraraq məni qəbul etməsini istədim, mənə insan resurslarından bir neçə dəfə yığıb, müraciətimin nə ilə bağlı olduğunu soruşdular. Tam onlara açıqlama verməsəm də, hüquqlarımı kobud şəkildə pozdular. Baxmayaraq ki cənab Prezidentin hər gün də olmasa... tez tez məmurlara vətəndaşları incitməmək, onların problemlərini həll etmək mövzusunda hər kəsə qəti şəkildə xəbərdar etdiyi məlumdur...
Çox təəssüf hissi ilə geyd edirəm ki, bunlar hətta ölkə başçısını da saymırlar... Bir insanın, bir vətəndaşın haqlı müraciətinə necə bu qədər laqeyd yanaşmaq olar, mən anlamıram... Buna nə ad vermək olar? Axı vətəndaş olmaqdan başqa, mən həm də sənin işçinəm... Sənə teleqramla müraciət edirəm, niyə belə laqeyd yanaşırsan? Axı bir gün özün də belə bir halla rastlaşa bilərsən... axı cənab Prezident dəfələrlə hər kəsi xəbərdar edib ki heç kim toxunulmaz deyil... Bu nə arxayınçılıqdır?"
