PA ŞEFİNİN SON MANEVRLƏRİ ƏSLİNDƏ ÜZGÜN ŞƏRHDƏN BAŞQA BİR ŞEY DEYİL
DİA.AZ: - Prezident Administrasiyasının rəhbəri Ramiz Mehdiyevin dünənki açıqlamaları bir çox siyasi çevrələrdə müəyyən dolaşıq qənaətlər formalaşdırmaqdadır. Bu aşkar surətdə hiss olunur. Və hətta bəzi analitiklər daha da irəli gedərək, bəyan edirlər ki, Rusiyanın Azərbaycana təzyiqləri öz bəhrəsini verdi və Ramiz Mehdiyev daha bir neçə illik hakimiyyət sükanı arxasındakı mövqelərini qoruma şansı əldə edib.
Bu, həqiqətən də belədirmi? Bununla bağlı rəyini öyrənməyə çalışdığımız bir sıra iqtidariçi çevrə təmsilçiləri əslində məsələnin tamam fərqli məcrada inkişaf etdiyini dilə gətirdilər: В«Ramiz Mehdiyevin dünənki açıqlamaları heç də PA şefinin triumfu kimi qəbul edilə bilməz. Xatırlayırsınızsa, Mehdiyev ABU-nun keçmiş rektoru Elşad Abdullayevin yaratdığı videoajiotajın ilk günlərində də meydana çıxmışdı və ünvanına səslənən ittihamları rədd etməklə yanaşı, hər şeyin öz axarında olması barədə qənaətlər formalaşdırmağa çalışmışdı. Amma nə oldu? Ramiz Mehdiyev Gülər Əhmədovanı qurban verdi. Bunun ardından isə məlum proseslər start götürdü və nəticədə Məhərrəm Əliyev kimi fəal antimehdiyevçi cinah təmsilçisi PA-ya mühüm bir posta gətirildi. Eyni zamanda dünənə qədər özlərinin antimehdiyevçi mövqeləri ilə seçilən Əli Əsədov və Zeynal Nağdəliyev kimi fiqurlara mühüm səlahiyyətlər və statuslar verildi. Yəni bu baş verənlər də təsdiqləyir ki, əslində Ramiz Mehdiyevin dünənki açıqlamaları sadəcə dünənə qədər baş verənlərin üzgün şərhindən başqa bir əhəmiyyət daşımamaqdadırВ».
Onu da xatırladaq ki, bir neçə gün əvvəl Ramiz Mehdiyevin Azərbaycan türkünün böyük oğlu Şah İsmayıl Xətai ilə bağlı da mətbuatda müəllif yazısı dərc olunmuşdu ki, həmin yazıda PA şefi Şah İsmayıl şəxsiyyətiylə Heydər Əliyev şəxsiyyətini eyniləşdirməyə, onlardakı ortaq məqamları qabartmağa çalışmışdı. Təbii ki, belə bir məqamda Ramiz Mehdiyevin nədən Şah İsmayılı bütləşdirmə cəhdlərində bulunması və bu cəhdi zamanı həmçinin mərhum prezident Heydər Əliyevi də diqqətlərə gətirmə niyyətini ortaya qoyması heç də təsadüfi hesab oluna bilməz. Bunu söyləyən mənbəmiz bildirir ki, dünənə qədər özünün antitürk baxışları ilə seçilən Ramiz Mehdiyevin birdən-birə Şah Babamızın vurğunu kimi ortaya çıxması absurddur və yalnız özünüqoruma instinktinin təzahürü hesab olunmalıdır: В«Buy azı ilə Ramiz Mehdiyev bəlli ünvanlara ismarıc yollayır ki, В«mən də sizdənəmВ». Amma bunun belə olmadığı Ramiz Mehdiyevin zamanında mərhum Bəxtiyar Vahabzadənin Şəkidən deputat seçilməsini əngəllədiyi dönəmlərdə və həmin zaman işlətdiyi ifadələrdə tam olaraq ortaya çıxmaqda idiВ».
DİA.AZ-a danışan mənbəmiz maraqlı bir şərhi də verdi: В«Ramiz Mehdiyev bəlkə də Şah İsmayılı tarixdən bu günə dartıb gətirməklə də təsadüfi addım atmayıb. Xatırlayın, Şah Babamızın yanında bir Lələ var idi. Ola bilsin ki, PA şefi bu yazısı ilə mason sisteminin tərzinə uyğun davranır və kodlarla özünün gərəkənliliyini diqqətə çatdırmağı düşünürВ».
Nəhayətdə PA-dakı son dəyişiklikləri qiymətləndirən hökumət içindəki bilgili qaynağımızın əlavə etdi ki, bu gün bütün proseslər Ramiz Mehdiyevin gedişinə hesablandığı bir şəraitdə onun hansısa mühüm bir məqama gətiriləcəyi və yaxud da ona hansısa mühüm bir missiyanın tapşırılması da imkansızdır: В«Ramiz Mehdiyevin özü şəxsən PA-dakı son dəyişiklikləri işin çoxluğu ilə izah edir. Yəni müavinlik institutları ona görə yaradılıb ki, iş çoxalıb. Ramiz Mehdiyev belə deyir. Amma əslində məsələ Ramiz Mehdiyevin səlahiyyətlərinin parçalanmasından, həmçinin onun təcridi izolə siyasətindədirВ».
Ramiz Mehdiyevin konkret nə zaman yola salınacağına gəlincə isə mənbəmiz onun gələn ilin may ayına nəzərdə tutulan total kadr islahatları prosesindən hakim düşərgədən çıxdaş ediləcəyini də söylədi.
ZƏRURİ REPLİKA: Bildirək ki, Ramiz Mehdiyev В«Azərbaycan 2020: Gələcəyə baxışВ» mövzusunda təşkil olunmuş dünənki beynəlxalq konfransda çıxış etdiyi zaman düşmən Ermənistanı şərh edərkən bu ölkəni В«peşkaВ» da adlandırdı. Və qeyd edək ki, Ramiz Mehdiyev həmin bu ifadəni işlətdiyi mətni üzündən oxuyurdu. Ola bilsin ki, В«peşkaВ» sözü həmin məsələdə daha məqsədəuyğun ifadə tərzi idi, amma mətbuatdakı yazıları ilə, əsərləri ilə, kitabları ilə cəmiyyətə Azərbaycan türkcəsinin mahir bilicisi, eyni zamanda mükəmməl bir siyasət adamı kimi təqdim olunan möhtərəm PA rəhbərinin В«peşkaВ» sözünü В«piyadaВ» ifadəsi ilə əvəzləməsi də mümkün idi. Ən azından həmin beynəlxalq konfransda əcnəbilərin iştirakını nəzərə alaraq…
