KEÇMİŞ REKTORU İFŞA EDƏN ŞOK SƏNƏDLƏR YAYILDI: MƏSƏLƏ BELƏ İMİŞвЂ¦
DİA.AZ: - Fəaliyyəti dayandırılmış Azərbaycan Beynəlxalq Universitetinin keçmiş rektoru Elşad Abdullayevlə bağlı ilginc faktlar yayılıb. DİA.AZ bildirir ki, redaksiyamızın elektron ünvanına Mail Qaşqay adlı şəxs tərəfindən göndərilən materiallarda sabiq ABU rektoru qardaşının yoxa çıx(arıl)masında əsas maraqlı tərəf kimi təqdim olunmaqla yanaşı, həm də iddia edilir ki, bu işin əsl mahiyyəti yalnız Elşad Abdullayevə məlum olduğundan onun Azərbaycana gətirilməsi vacibdir.
Məlumatda deyilir: В«Elşad Abdullayev əslində illər ərzində gizli videoçəkilişlər etməklə özünün də yaxşı bildiyi bir hadisəni ört-basdır etməyə çalışıb, məsələni mahiyyətindən yayındırıb. Diqqət edin, Elşad Abdullayev nə zaman populyar və etibarlı ünvan kimi tanındı. O vaxt ki, o, Gülər Əhmədova ilə mandat bazarlığını ifşa etdi və Prezident Administrasiyasının rəhbəri Ramiz Mehdiyevin üzərinə yeridi.
Sanki bundan sonra özü barəsində əzabkeş və etimad yüklü bir imic formalaşdırandan sonra keçmiş rektor başladı əsl niyyətini ortaya qoymağa. Söhbət onun şantaj etdiyi insanlardan gedir. Tədricən Ramiz Mehdiyev unuduldu və Elşad Abdullayev müxtəlif ünvanları hədəfinə çevirərək bir neçə məqamla bağlı özünə istədiyi qənaəti formalaşdırmağa çalışdı. Hansılar idi bunlar?
Birincisi, Elşad Abdullayev bu videobombardmana qədər cəmiyyətdə mənfi bir sima kimi tanınırdı və videoları ilə bu imici dağıtmağa çalışdı. Hətta В«filankəsə filan qədər verdimВ» deməsinə qədər bir ifadəni də işlətdi ki, bununla da əsl niyyəti barədə təxmini təzahürləri ortaya qoydu. Lakin cəmiyyətin gözü bunları görmədiyindən Elşad Abdullayevin В«mən də mələk deyiləmВ» ifadəsi anındaca unuduldu və o, bir mələk kimi qəbul olundu.
Ona görə də artıq birinci mərhələdən uğurla çıxdığını zənn edən Elşad Abdullayev qardaşının qeybə çəkilməsi məsələsinin üzərində var-gəl etdi. Halbuki buna qədər cəmiyyətdə və həm də bu gün Elşad Abdullayevin tribunasına çevrilən mətbuatın özündə də belə bir təəssürat var idi ki, Elşad Abdullayev qardaşı Mahir Abdullayevin itkin düşməsi prosesindən ən azından xəbərdardır, ən normalı isə bu işdə maraqlı tərəfdir. Çünki mətbuatda da həmin ərəfədə bu məsələ yazılmışdı ki, Elşad Abdullayevin qardaşı 20 milyon pula aradan çıxıb. Və bu pul ABU-nun xəzinəsindən oğurlanıb. Yəni Elşad Abdullayevin şəxsi büdcəsindən. Yəni binəva tələbələrdən talanan pullardır. Hətta iddia olunurdu ki, Mahir Abdullayev bir xanımla gedib.
Təbii ki, bunun necə olduğunu müəyyən etmək istintaq orqanlarının işidir. Amma nədənsə bu gün istintaq da bu məsələnin üzərinə sanki yerimək bel istəmir. Bu gün Elşad Abdullayevin absurd iddiaları ilə həbsə atılan iş adamı Arzu Kazımovun məhkəmə istintaqında baş verənlər və hətta Elşad Abdullayevin özü tərəfindən Arzu Kazımovun oğlu Zaur Kazımovla bağlı yayılan son videoçəkilişdən də aşkar surətdə aydın olur ki, keçmiş rektorun qardaşının oğurluğunda ittiham etdiyi bu ata və oğul əslində bu məsələdə yeganə suçlu tərəfin Elşad Abdullayevin özünün olmasını tam olaraq sübutlayırlar. Əgər belə olmasaydı, Elşad Abdullayevin gizli şəkildə videoya çəkdiyi Zaur Kazımov В«Elşad müəllim, siz bilirsiniz qardaşınız hardadırВ», В«Siz bildiklərinizi deyin, qardaşınızı tapmağa kömək edəkВ» kimi ifadələri işlətməzdi. Ən azından Elşad Abdullayevin onu videoya çəkməsindən Zaur Kazımov xəbərsiz olub. Yəni bu faktın özü belə yetərlidir ki, Zaur Kazımovun həmin israrlarının qarşısında yalnız rəsmən iz azdıran Elşad Abdullayev sanki bir aktyor kimi ona gərəkən ssenariyə uyğun hərəkət edir. Bu faktı isə istintaqın nəzərə alması, bu fakta göz yumulması artıq işin içində başqa işlərin olmasından xəbər verməkdədir.
Üçüncü bir məsələ isə Elşad Abdullayevin böyük bir planda Azərbaycan dövlətinə qarşı qurulan bir projedə sıradan bir oyunçuya çevrilməidir. Diqqət yetirin, universiteti bağlanmış, qardaşı itkin düşmüş Elşad Abdullayev Avropada birbaşa olaraq Kremlin nəzarəti altında yaradılmış və sırf separatçıların yönəltdiyi şəxslərin təşkilatında rəhbərlikdə təmsil olunur. Hər halda, bu faktın qulaqardına vurulması mümkünsüzdür. Və hətta bu gün Elşad Abdullayevə hakimiyyət içində qahmar çıxan şəxslər belə keçmiş rektorun birbaşa olaraq antiiqtidar xarakterli bu təmsilçiliyini heç nə ilə əsaslandıra bilməzlərВ».
DİA.AZ olaraq bildiririk ki, redaksiyamıza bu faktları sübutlayan çocx ciddi sənədlər də göndərilib və həmin materialları da davamlı olaraq diqqətinizə təqdim edəcəyik. Bizi izləməkdə davam edin…
