ELTON MƏMMƏDOV RAMİZ MEHDİYEV TƏRƏFİNDƏN В«VURULURВ»
DİA.AZ: - Nəqliyyat Naziri Ziya Məmmədovun qardaşına qarşı korrupsiya ittihamı səslənməkdədir. Bildirək ki, nazirin deputat qardaşı Elton Məmmədov dəfələrlə mətbuatda çox sərt ittihamların hədəfi olsa da, bu günə qədər kimsə onu sorğu-sual etməyi ağlının ucundan da keçirməyib.
Bu barədə redaksiyamıza hökumət içindəki qaynaqlardan ötürülən məlumatlarda bildirilir ki, vəziyyət bu dəfə tamam fərqlidir. В«DünyaВ» İnformasiya Agentliyinə verilən xəbərə görə, hətta Elton Məmmədovun deputat toxunulmazlığı qaldırıla bilər. Bu addımın isə fevral ayının 14-də həyata keçiriləcəyi söylənilir. Bildirək ki, həmin tarixdə Milli Məclisin növbəti iclası baş tutacaq.
Qeyd edək ki, 2010-cu ilin sentyabrın birindən etibarən Keşlə Dəmir Yol Stansiyasının "Yük Boşaltma Həyətində" işləyən 40-a yaxın avtokran sahibini rəhbərlik yük boşaltma işindən kənarlaşdıraraq həmin sahəni də digər sahələr kimi öz inhisarına alıb. Bu barədə yayılan məlumatlarda bildirilir ki, 2010-cu ilin iyul ayından etibarən bu təşkilata rəhbər vəzifəsinə keçəndən sonra "yuxarıların etimadını" doğrultmaq üçün Təlabani Tahirov "təmizləmə" adı altında öz “müdrik" ideyalarını həyata keçirməyə başlayıb.”Yuxarıların”, yəni Azərbaycan Dəmir Yolları Qapalı Səhmdar Cəmiyyətinin sədri Arif Əsgərovun bu yönümdə xeyir-duasını alan Təlabani Tahirov Keşlə Yük Boşaltma Həyətində "analoqu olmayan qara bazar" yaradıb: “Onun inkasatorlarını Keşlə Yük Boşaltma Həyətinin hər yerində görmək olar”.
Mənbənin iddialarına görə, nəqliyyat naziri Ziya Məmmədovun qardaşı, deputat Elton Məmmədov üçün hətta biri üçün gündəlik boşaldılan hər vaqondan 20 azn pul yığılır.
Nəzərə alsaq ki, gün ərzində stansiyaya orta hesabla 120-150 vaqon daxil olur və bu minvalla da deputatın təkcə buradan əldə etdiyi məbləği müəyyən etmək olar.
Mənbə bildirir ki, Keşlə Dəmir Yol Stansiyanın rəisi Təlabani Tahirov görəvə alınandan sonra bu idarədə vaqon boşaltma xərcləri də artıb: “Belə ki, əvvəllər 80 manata boşaldılan vaqon Təlabani müəllimin monopol qaydalarından sonra 110 manata boşaldılır. Hər bir vaqon sahibindən alınan 110 manatın cəmi 20 manatı istismar olunan kran sahibinə verilir. Qalan 90 manat isə mərkəzləşmiş qaydada qəbz olmadan inkasatorlar tərəfindən yığılır və rəhbərliyə ötürülür”.
Mənbə bildiri ki, Tələbani müəllim hətta qul kimi işlətdiyi fəhlələrdən də pul yığır: “Bu qədər alınan pulun müqabilində təkcə qapıda 1.2 azn yazılmış qəbz verilir. Bunun qarşılığında isə yerli maşınlardan 3 manat, İran maşınlarından isə 20 manatdan yığılır. Hər bir vaqon 2-3 maşına boşaldıldığı halda nə qədər pulun mənimsənilməsini hesablamaq çox da çətin olmaz”.
Onu da bildirək ki, bütün bu faktları əməkdaşımız yerində də müşahidə edib və araşdırmalarımızın nəticələrini yaxın zamanlarda diqqətinizə çatdıracağıq. Hər halda antikorrupsiya dönəmində korrupsiya yuvalarından hazırlanan reportajlar hər kəs üçün maraqlıdır. Elə korrupsiyaya qarşı mübarizə idarəsi üçün də.
Bu arada redaksiyamıza daxil olan bir başqa məlumatda vurğulanır ki, Tələbani Tahirov əslən kürd olduğundan bu gün iqtidar içindəki kürd qruplaşması tərəfindən də ciddi şəkildə dəstəklənir. Hər halda bu faktın özü ortaya tamam fərqli bir məqamı çıxarmış olur. Söhbət NN şefi Ziya Məmmədovun kürd qruplaşması ilə şərikli biznesinin olmasından gedir.
В«DünyaВ» İnformasiya Agentliyi redaksiyasına (diaaz.space) daxil olan məlumatlardan aydın olur ki, Elton Məmmədova qarşı Beynəlxalq Avtovağzalın inşası zamanı yol verilən korrupsiya faktı ilə əlaqədar cinayət işi açıla bilər. Mənbəmizə görə, ilk əvvəl bu faktlara В«yuxarılarВ»nəzər salmasa da, son günlər Ziya Məmmədovun mövqelərinin ziəfləməsi Elton Məmmədovun rahatlıqla hədəfə çevrilməsini şərtləşdirib:
В«Elton Məmmədov demək olar ki, qardaşının В«zəifləməsininВ» güdazına gedir. Təbii ki, o, elə qardaşının hesabına bu mərtəbəyə qalxıb. İndi isə ödəşmə zamanı yetişibВ». Mənbəmiz bildirir ki, Elton Məmmədovun В«ilişməsindəВ» əsas maraqlı tərəflərdən biri Prezident Adminstrasiyasının rəhbəri Ramiz Mehdiyevdir: В«Elə parlamentin 14 fevral tarixli iclasında da nazir qardaşının deputat toxunulmazlığının aradan qaldırılması məsələsinin Mehdiyevin parlament В«fraksiyasıВ» qaldıracaqВ».
Mənbəmiz artıq bütün bu planlamalardan NN şefinin də məlumatlı olduğunu xüsusi olaraq vurğuladı: В«Hər halda, 14 fevral tarixini gözləmək lazımdır. Həmin gün Ziya Məmmədovun qardaşını xilas edə bilib-bilmədiyi aydın olacaqВ».
