KORRUPSIYA İTTIHAMI İLƏ HƏBS OLUNMUŞ KÖNÜL VƏLİYEVA İLƏ BAĞLI ŞOK FAKTLAR
DİA.AZ: - Ötən ilin yanvar ayından korrupsiyaya qarşı mübarizə kampaniyası çərçivəsində müxtəlfi dövlət qurumlarında həbslər aparılmışdı. İri çəkili korrupsionerlərə gözün üstə qaşın var deyilməsə də bəzi həkimlər, xırda məmurlar məsuliyyətə cəlb olunmuşdu. Hüquq mühafizə orqanlarının rəhbərləri işdən çıxarılan, həbs olunan işçilər barədə prezidentə və ictimaiyyətə əhatəli məlumatlar vermirdilər. Prezident İlham Əliyev də Yeni il təbrikində ölkədə korrupsiyaya qarşı amansız mübarizə getdiyini bəyan etmişdi.
Amma bir il keçməmiş ağır cəza alan В«korupsionerlərВ» bir-bir azadlığa buraxılır.
Rüşvət cinayətində ittiham olunan Səhiyyə Nazirliyinin Narkoloji Dispanserini baş həkimi Könül Vəliyeva və idspanserin həkimi Faiq Quliyev məhkəmənin qərarı ilə azadlığa buraxılıb. Onlar müvafiq olaraq 6.5, və 6 il müddətinə cəzalandırılmışdılar.
Ötən ilin eyni dövrdə başlayan anti-korrupsiya tədbirləri görüntü xarakteri daşıması o zaman da bəlli idi. Korrupsiya və rüşvətxorluq maddəsi ilə tutulan şəxslərin azadlığa buraxılması təsdiq edir ki, tədbirlər formal idi. Ola bilsin əsaslandıracaqlar ki, Azərbaycan məkhəmələri müsəqildir və qərarı onlar çıxarıb. Amma hər kəsə bəllidir ki, ölkədə müstəqil məhkəmə yoxdur, icra hakimiyyətinə tabedir. Ötən il В«ərəb baharıВ» başlayanda, hakimiyyət təşvişə düşdü. Toplantı keçirərək, guya korrupsiyaya qarşı ciddi mübarizəyə başladıqlarını bəyan etdilər. Buna müvafiq olaraq, bir neçə nəfəri şou xətrinə həbs etdilər və sonra da yavaş-yavaş azadlığa buraxacaqlar. Yüksək səviyyədə bir məmur nə işdən çıxarıldı, nə də həbs edildi. Ən zəif adamları qurban verirlər. Sonradan da onların bəzilərini xilas edirlər. İşçi korrupsiyaya görə ittiham olunursa, onun rəhbərliyi niyə məsuliyyət daşımır. Bunu Təhsil Nazirliyinin şöbə müdiri Orxan Kərimovun timsalında göstərmək olar.
Dövlət büdcəsinin 40-50 faizi qeyri şəffaf investisiya xərclərinə yatırılır. Həmin pullar real korrupsiya mənbəyidir. Buna qarşı mübarizə aparmaq da isə acizdirlər. Bu o deməkdir ki, ölkə korrupsiya dövlət səviyyəsindədir.
Onu da bildirək ki, Narkoloji Dispanserini baş həkimi Könül Vəliyeva ilə bağlı qərarsızlıq, daha doğrusu onun həbsdən azad ediləcəyi və həbsinin simvolik xarakter daşıması ilə bağlı əminlik hələ əvvəlcədən mövcud idi. Və bu da Vəliyevanın arxasında dayanan qüvvələrin əzəməti ilə əlaqələndirilir.
Xatırladaq ki, hələ keçən ilin ortalarında Korrupsiyada ittiham edilərək işdən azad olunduğu bildirilən Narkoloji Mərkəzin (Narkoloji Dispanser keçən ilin iyunun 14-dən Narkoloji Mərkəz adlandırılır) sabiq baş həkimi Könül Vəliyeva yenidən Mərkəzə bərpa edilmişdi. O, həmin tarixdən etibarən Narkoloji Mərkəzin direktor müavinidir. Mərkəzin direktoru Telman Məmmədhəsənovun həmin ərəfədə verdiyi məlumata görə, Könül Vəliyeva iyunun 20-də Səhiyyə Nazirliyinin əmri ilə müalicə işləri üzrə müavini təyin edilib.
Bildirək ki, Baş Prokurorluğun mətbuat xidmətinin iyunun 7-də yaydığı məlumata görə, Respublika Narkoloji Dispanserinin həkimi Elgiz Mustafazadənin Baş prokuror yanında Korrupsiyaya qarşı mübarizə idarəsinin "Qaynar xətt"inə daxil olmuş müraciəti əsasında mayın 5-də vəzifə səlahiyyətlərindən sui-istifadə maddəsi ilə cinayət işi başlanıb.
Baş prokurorluğun məlumatına görə, istintaqla müəyyən edilib ki, 2006-2011-ci illərdə Narkoloji Dispanserin baş həkimi Könül Vəliyeva həkim Rumziyyə Maçanovanın vasitəsi ilə qanunsuz olaraq hər ay dispanserin həkimlərindən 150-200 manat məbləğində pul alıb. Həmin məbləği verməyən həkimləri isə işdən azad etməklə hədələyib. Bundan başqa, Könül Vəliyeva xəstələri onlara pulsuz verilməli olan dərman preparatları ilə təmin etməyib və s. qanunsuzluqlara yol verib.
Onu da bildirək ki, Könül Vəliyeva barəsində bu boyda həngamənin çıxmasına rəğmən mətbuata açıqlamalar verərək hüquq-mühafizə orqanlarının əməliiayt xəbərlərini də təkzib etmişdi.O, telekanallardan birinə müsahibəsində “belə bir şeyin olmadığını”, dispanserin mərkəzə çevrildiyini və özünün də həmin mərkəzin müalicə işləri üzrə direktor müavini təyin edildiyini demişdi. Barəsində cinayət işi açılması ilə bağlı suala gəldikdə, sabiq baş həkim bütün sualları Səhiyyə Nazirliyinə verməyi məsləhət görüb.
Mərkəzdən onu da öyrəndik ki, pul yığımında Könül Vəliyevaya yardımçı olmaqda ittiham edilən Rumziyyə Maçanova da hazırda öz işində çalışır.
Xatırladaq ki, Baş Prokurorluğun iyunun 7-də yaydığı məlumatda istintaqla korrupsiya hallarının müəyyən edildiyi bildirilsə də, qurumun mətbuat xidmətinin rəhbəri Eldar Sultanov həmin zamankı açıqlamasında bildirmişdi ki, cinayət işi sabiq baş həkim barəsində deyil, şikayətlə bağlı toplanan materiallar üzrə açılıb: “Cinayət işi başlanılıb və tərəfimizdən istintaq davam etdirilir. Sabiq baş həkim hələ ittiham olunmur, ona ittiham elan edilməyib”.
Onu da bildirək ki, bu, korrupsiyada ittiham olunub, sonradan azad edilənlərlə bağlı yeganə hal deyil. 2011-ci ilin fevralında Şəkidə iş adamını intihar həddinə çatdırmaqda ittiham edilən digər dövlət məmuru, rayon İcra Hakimiyyəti başçısının keçmiş müavini Yusif Abdurrəhmanov da hazırda evindədir.
Xatırladaq ki, Respublika Prokurorluğu Şəki şəhər İcra Hakimiyyəti başçısının müavini Yusif Abdurrəhmanov və digər müavin Eldəniz Qəhrəmanov barəsində vəzifə səlahiyyətlərini aşma maddəsi üzrə cinayət işi açmışdı. İstintaq materiallarında deyilirdi ki, barəsində cinayət işi qaldırılan şəxslərin hərəkətləri Şəki sakini sahibkarlıq fəaliyyəti ilə məşğul olan Hikmət Səlimovu özünə qəsd etməyə vadar edib.
Bundan başqa, Şamaxıdan aldığımız məlumata görə, bir müddət əvvəl korrupsiya ittihamı ilə həbs edilən bələdiyyə sədri də sərbəst buraxılıb.
Bütün bunlarla bağlı redaksiyamıza çox ilginc məlumatlar daxil olub. Konkret olaraq Könül Vəliyevanın məsələsinə izahat verən hökumət içindəki mötəbər qaynağımız iddia edir ki, əslində bu xanımın belə bir ağır ittihamdan qurtulmasında şəxsən Oqtay Şirəliyev maraqlı olub: В«Hətta Oqtay Şirəliyev əslində həmin əməliyyatdan sonra qolları qandallanmış Könül Vəliyevanın bir gün belə həbsdə qalmasının da qarşısını alıbВ».
Onu da bildirək ki, korrupsiyaya qarşı mübarizə elan edildikdən sonra boğaza qədər rüşvət adlı çirkaba bulaşmasına (ifadə Hacıbala Abutalıbova məxsusdur -red.) səhiyyə sistemində kimsənin В«burnu belə qanamadıВ». Bu heç də o demək deyildi ki, Azərbaycan səhiyyəsində bircə nəfər də olsun korrupsionerin aşkarlanması mümkün olası iş deyil. Sadəcə olaraq burada bir sirli məqam mövcuddur.
Mötəbər mənbənin bildirdiyinə görə, ilk günündən hakim elitada kifayət qədər nüfuzlu hesab olunan Oqtay Şirəliyev onun rəhbərliyi altında çalışanlardan kimsənin həbs edilməməsi ilə bağlı tələbini ortaya qoyub: В«Nazir bu yolla bütün korrupsioner səhiyyə işçilərinin canını satın alıbВ».
Könül Vəliyevanın məsələsinə gəlincə isə, bu barədə danışan mənbəmiz bildirdi ki, əməliyyatın hazırlanmasından nazir xəbərsiz olsa da, Könül Vəliyevanı sona qədər müdafiə etməklə yanaşı, həta istintaq dövründə belə onu vəzifəsiz qoymadı. Mənbəmiz bildirir ki, yaxın günlərdə artıq tam olaraq bəraət almış Könül Vəliyevanın yenidən əvvəlki vəzifəsinə təyin edilməsi planlaşdırılır.
Mövzu diqqətimizdədir.
