İyulun 24-də ilhaq edilmiş Krımda rus işğalçılarının hərbi obyektlərinə hücum edilib. Xüsusilə, Cankoy bölgəsindəki silah-sursat anbarına zərbə endirilib. Bundan əlavə, son bir həftə ərzində Oktyabrskidəki sursat anbarında da partlayış baş verib və neft anbarının zədələndiyi bildirilir. Prezident Volodimir Zelenskinin sözlərinə görə, Ukrayna üçün qanuni hədəf olan və zərərsizləşdirilməli olan Krım körpüsü haqqında nə deyə bilərik?
Anlamaq lazımdır ki, düşmənin maddi-texniki təminatını pozmaq üçün sistemli zərbələr endirmək lazımdır. Krım logistik cəhətdən çox asılıdır.
Təbii ki, əsas ötürmə qabiliyyəti dəmir yoludur. Dəmir yolu əlaqəsinin iflic olması işğalçı ordunun təkcə Krımda deyil, həm də Zaporojye və Xerson vilayətlərinin işğal olunmuş ərazilərindəki maddi-texniki təchizatına ciddi təsir göstərəcək. Yəni ki, Ukrayna Silahlı Qüvvələrinin və Ukrayna xüsusi xidmət orqanlarının bütün səyləri işğalçı ordunun dəmir yolu ilə maddi-texniki təminatı imkanlarının zərərsizləşdirilməsinə yönəlməlidir.
Bununla belə, düşmənin logistikasını pozmaq üçün sistem zərbələri təkcə Kerç keçidinin dəmir yolu hissəsində deyil, o cümlədən Çonqarski körpüsünə və Ukraynanın materik hissəsi ilə digər hissəsini birləşdirən kommunikasiyalara endirilməlidir. Həm də Cankoy stansiyasını, digər dəmir yolu qovşaqlarını və yarımadada bizi maraqlandıran obyektləri unutmamalıyıq.
Nəzərə çatdırım ki, məhz Antonovski körpüsünə sistemli zərbələr Xerson vilayəti ilə bağlı Rusiyanın “xoşməramlı jestinə” səbəb oldu. Əgər biz Xerson təcrübəsini (Xersonun azad edilməsi əməliyyatı) təkrarlamaq istəyiriksə, onda işğalın aradan qaldırılmasına kömək edən müəyyən məqamları təkrarlamalıyıq. Sonra bunun təsirini görəcəyik. Mən istisna etmirəm ki, logistikanın əhəmiyyətli dərəcədə pisləşməsi problemi ilə üzləşən Rusiya tərəfi işğal olunmuş Krımdan birbaşa “xoşməramlı jestini” təkrarlamaq imkanı əldə edəcək.
Ukraynanın bu infrastruktura sistemli zərbələr endirmək üçün kifayət qədər vəsaiti var. Söhbət yer hədəflərinə zərbə endirmək üçün təkmilləşdirilmiş “Storm Shadow”, SCALP, S-200 zenit raketlərindən gedir. Üstəlik, işğalçılar vaxtaşırı olaraq “Grom-2” əməliyyat-taktiki kompleksindən istifadə edilən zərbələr barədə məlumat alırlar.
Və əsas sual, zərbələr niyə sistemli olmalıdır?
Birincisi, ona görə ki, bu cür zərbələr "altı ayda bir" olduqda, bu, yalnız məlumat komponenti kimi görünür. Əgər düşmənin maddi-texniki təminatını pisləşdirməyi və Krımın birbaşa işğaldan azad edilməsinə keçməyi hədəfləyiriksə, heç olmasa hər həftə yarımadada həyacan yaşanmalıdır.
İkincisi, tezlik o mənada vacibdir ki, istər avtomobil körpüsünün, istərsə də dəmir yolu körpüsünün zədələnmiş hissəsinin bərpası orta hesabla 7-10 gün çəkir. Bu təmirlə rusların mümkün qədər uzun müddətə məşğul olmasını təşkil etmək lazımdır.
Məsələn, indi düşmən iki böyük desant gəmisi ilə mülki insanları daşımaq kimi pərdə altında logistika qurmağa çalışır. Bu, müəyyən qədər onlar üçün məsələləri həll edir, lakin bunlar işğalçı ordunu və işğalçı administrasiyanı qane edən imkanlar deyil. Hər desant gəmisi gündə 4-5 dəfə səfər edə bilir. Lakin onun üzərindəki yüklərin miqdarı məhduddur. Xüsusən də nəzərə alsaq ki, hərbçilərdən əlavə, həqiqətən də mülki şəxsləri daşıyırlar.
Digər bir məqam ondan ibarətdir ki, zərbələr təkcə sistemli xarakter daşımamalıdır (ilk növbədə dəmir yolu infrastrukturuna, körpülərə və dəmir yolu qovşaqlarına), həm də birləşdirilməlidir - eyni anda bir neçə hədəf vurulmalıdır. Belə bir taktika - logistik komponentə zərbələr endirmək - NATO tərəfindən əks-hücum əməliyyatlarının planlaşdırılmasının kaskad xarakterinin birinci mərhələsi hesab olunur.
Müəllif: Dmitri Snegirev - Ekspert, "Doğru Səbəb" ictimai təşəbbüsünün həmsədri
Mənbə: UNİAN
Tərcümə AYNA-ya məxsusdur
