Rusiya prezidenti Vladimir Putin İsrailin İranın ali dini lideri Ayətullah Xamneinin öldürmək planlarına münasibət bildirib.
APA-nın Rusiya bürosu xəbər verir ki, "AFP" agentliyinin əməkdaşı Putinə İsrailin Xameneini öldürməsinin mümkünlüyü barədə sual verib.

Putin bildirib ki, o, İsrailin Ayətullah Xameneini aradan götürmək imkanını müzakirə belə etmək istəmir.

"Mən bunu heç müzakirə etmək istəmirəm", - Kreml rəhbəri qeyd edib.

***

İran Rusiyadan hərbi yardım istəməyib.

APA-nın Rusiya bürosu xəbər verir ki, bunu Rusiya prezidenti Vladimir Putin xarici informasiya agentliklərinə müsahibəsində bildirib.

Putin Rusiya ilə İran arasında strateji tərəfdaşlıq müqaviləsində müdafiə sahəsi ilə bağlı heç bir maddə olmadığını vurğulayıb.

Rusiya prezidenti əlavə edib ki, Moskva ilə Tehran arasında hərbi-texniki əməkdaşlıq həmişə beynəlxalq hüquqi çərçivədə qalıb.

Putin Rusiyanın İranda atom elektrik stansiyasları inşa edən mütəxəssisləri haqqında da danışıb.

Bildirib ki, hazırda Buşerdə 250 rusiyalı mütəxəssis var:

"Ora ezam olunanlarla birlikdə 600-ə yaxın rusiyalı mütəxəssis var. Biz İrandan getmirik".

Putin İsrail tərəfi ilə İrandakı həmin rusiyalı mütəxəssislərin təhlükəsizliyi barədə razılaşdıqlarını da söyləyib.