Vaqif Abdullayev Beyləqan Rayon İcra Hakimiyyətinin başçısı vəzifəsinə təyin olunduqdan sonra adıçəkilən rayonun səhiyyə, təhsil, mədəniyyət və turizm, o cümlədən maliyyə sahələrində ciddi geriləmə müşahidə olunur. Bununla bağlı əldə etdiyimiz bilgilərdə hətta o da qeyd olunur ki, Vaqif Abdullayev rayon vətəndaşları ilə görüşdən yayınır, bu və digər məsələ ilə bağlı şikayəti olan sakinləri qəbul etməkdən boyun qaçırır. Belə ki, Beyləqan Rayon İcra Hakimiyyətinin başçısının xeyli müddətdir ki, qəbul keçirmədiyini vurğulayan məlumatlı şəxsin Gundelik-Baku.com-la paylaşdığı informasiyada deyilir ki, sosial problemlər və digər məsələlərlə bağlı Vaqif Abdullayevin qəbuluna gedənlər qapıdan geri qaytarılır. İcra başçısının qəbuldan hər dəfə bir bəhanə ilə yayındığını iddia edən mənbənin sözlərinə görə, Vaqif Abdullayev gah iclasların olduğunu, gah hansısa tədbirin keçirildiyini bildirir: В«Deyilənlərə görə, Beyləqan Rayon İcra Hakimiyyətinin başçısının əvəzinə qəbulları müavinləri keçirir. Onlar isə heç bir problemi həll etmir, vətəndaşları В«yola verməkləВ» məşğul olur. Qeyd edim ki, Vaqif Abdullayev özü icra hakimiyyətinin binasına arxa qapıdan girib-çıxır. İcra başçısı məhz bu yolla vətəndaşlardan kənar gəzməyə, onların gözünə görünməməyə çalışırВ». Bu arada, icra başçısının qardaşı oğlanlarının bu yaxınlarda vətəndaşların evlərini, maşınlarını və obyektlərini dələduzluq yolu ilə ələ keçirməkdə şübhəli bilindikləri üçün istintaqa cəlb olunduğunu bildirən məlumatlı şəxs bildirir ki, hazırda Xətai Rayon Polis İdarəsinin istintaq şöbəsində bu iş üzrə dələduzluq nəticəsində külli miqdarda dəymiş ziyanla Cinayət Məcəlləsinin 178.3.2-ci (külli miqdarda dələduzluq) maddəsi ilə cinayət işi başlanılıb: В«Bakıda vətəndaşların evlərini, maşınlarını və obyektlərini dələduzluq yolu ilə ələ keçirən dəstə aşkarlanıb. Həmin şəxslər hədə-qorxu və şantajla, bəzən məhkəmələr vasitəsi ilə vətəndaşların əmlaklarını əllərindən alırlar. Bu iş üzrə başladılan cinayət işinə Balayev Xəyyam Nazim oğlu, Əliyev Sahib Usub oğlu, Abdullayev Zaur Sabir oğlu və qardaşı Abdullayev Yalçın Sabir oğlu cəlb olunub. Onlar qabaqcadan əlbir olub cinayət əlaqəsinə girərək qrup halında vətəndaş M.Səfər qızının etibarından sui-istifadə edərək bahalı avtomobilini ələ keçiriblər. Bununla yanaşı, ona avtomobil müqabilində pul vermədikləri halda, 300000 manatlıq kredit müqaviləsini təhdidlə imzalatdırıblar. Ən təəccüblüsü odur ki, kasıb, heç bir maliyyəyə sahib olmayan Sahib Əliyevin adına pulun faktiki sahiblərinin göstərişi ilə bir gündə iki milyon manat dəyərində beş müxtəlif əməliyyat həyata keçirib. Məlumata görə, işlər iş adamı kimi tanınan, Beyləqan rayonunun icra başçısı Vaqif Abdullayevin qardaşı oğlu, В«KralВ» mebel mağazasının sahibi Yalçın Abdullayevin rəhbərliyi ilə həyata keçirilib. Hazırda istintaq hərəkətləri aparılırВ». Onu da nəzərinizə çatdıraq ki, icra başçısı Vaqif Abdullayevin himayəsinə arxalandığı üçün öz bildiyini edən Beyləqan Rayon Təhsil Şöbəsinin rəhbəri Xuraman Rüstəmova bu vəzifəyə təyin olunduğu gündən rayonun təhsil sistemində ciddi problemlər baş qaldırıb: В«Deyilənlərə görə, Xuraman Rüstəmova Beyləqan Rayon Təhsil Şöbəsinin müdiri vəzifəsinə təyin olunmaq üçün icra başçısına nə az, nə çox düz 100 min dəfə В«təşəkkürВ» edib. Buna kimi isə o, Beyləqan şəhər 3 saylı orta məktəbin direktoru vəzifəsində çalışıb. Qeyd olunur ki, Xuraman Rüstəmova Beyləqan Rayon Təhsil Şöbəsinin müdiri postu uğrunda çoxdan bəri mübarizə aparıb və öz istəyinə çatmaq üçün Vaqif Abdullayev tərəfindən irəli sürülən В«şərtВ»lərə sözsüz əməl edib. O da bildirilir ki, keçən həftədən başlayaraq Beyləqan rayonu üzrə məktəblərdə yaşı keçmiş və müqavilə ilə işləyən müəllimələrin sənədləri toplanaraq təhsil idarəsinə gətirilib. Aparılan araşdırma zamanı məlum olub ki, yaşı keçmiş müəllimlər arasında 3 direktor, 2 direktor müavini mövcuddur. Bununla yanaşı, Beyləqan məktəblərində 200-dən çox müqavilə ilə işləyən müəllim olduğu aydınlaşıb. Deyilənlərə görə, rayon təhsil şöbəsinin müdiri direktorların hər birindən işlərində qalması üçün 3000 manat, müavinlərdən 1000 manat və 200 müəllimin hərəsindən isə 500 manat tələb edərək, onların maneəsiz işləməsinə izin verəcəyini qeyd edib. Bildirilir ki, həmin müəllimlərin şəxsi işləri Beyləqan Rayon Təhsil Şöbəsinin müdirinin stolunun üstündə olduğundan, hazırda rayon müəllimləri təşviş içərisindədir. Deyilənlərə görə, Xuraman Rüstəmova tələb etdiyi pulların cəmi məbləği 111min manat təşkil edir ki, bu da şöbə müdiri keçmək üçün ondan tələb edilən məbləğdən artıqdırВ». Bu arada, bu ildən etibarən dövlət səviyyəsində pambıqçılığın inkişafına xüsusi diqqət ayrıldığını vurğulayan məlumatlı şəxsin sözlərinə görə, pambıq əkini artıq В«Dövlət proqramıВ» ilə həyata keçirilir. Məhz elə bu səbəbdən də artıq Mərkəzi-Aran rayonlarında on min hektarlarla pambıq əkilib. Belə rayonlardan biri də Beyləqandır. Beyləqanda təxminən, 4 min hektara yaxın pambığın əkildiyini qeyd edən mənbə bildirir ki, Vaqif Abdullayevin rəhbərlik etdiyi rayonda bu sahədə ciddi problemlər mövcuddur: В«Deyilənlərə görə, bütün rayonlar pambıq yığımına başlasa da, Beyləqanda hələ heç bir tərpəniş hiss olunmur. Bildirilir ki, pambıq yığımının başlamamasının əsas səbəbkarı məhz Beyləqan Rayon İcra Hakimiyyətinin başçısı Vaqif Abdullayevdir. Belə ki, icra başçısının səhlənkarlığı üzündən Beyləqanda pambıq bütün rayonlardan gec əkilib. Görünür, icra başçısının başı digər işlərə qarışdığından pambıq əkmək yadından çıxıb. Halbuki pambıçılıq dövlətimiz üçün hazırda ən önəmli məsələlərdən biridir. Deyilənlərə görə, pambıq əkini üçün lazım olan vəsaiti yerli fermerlərin üzərinə qoyan icra başçısı indi çətin vəziyyədə qalıb. Vaqif Abdullayev kənd icra nümayəndələrinə məcburi pambıq əkdirib ki, bunun da pambıqçılığın inkşafına, məhsuldarlığın artmasına heç bir aidiyyatı yoxdurВ». Yeri gəlmişkən, onu da qeyd edək ki, bu gün Beyləqan rayonundakı mədəniyyət evləri, klublar və kitabxanalar ticarət obyektlərinə çevrilib. Bu barədə əldə etdiyi bilgiləri Gundelik-Baku.com-la bölüşən mənbə iddia edir ki, Beyləqan Rayon Mədəniyyət və Turizm Şöbəsinin müdiri Nazim Mirzəyev ciddi neqativ hallara, nöqsanlara rəvac verir: В«İlk öncə məlumat üçün bildirim ki, Beyləqan Rayon Mədəniyyət və Turizm Şöbəsinin nəzdində 1 rayon, Mədəniyyət Mərkəzi, 16 kənd mədəniyyət evi, 18 kənd klubu, 1 Mərkəz, 1 şəhər, 37 kənd kitabxana filialı, 1 yeddiillik uşaq musiqi məktəbi, 1 rayon Tarix-diyarşünaslıq muzeyi, 1 Heydər Əliyev Mərkəzi və 1 Mədəniyyət və istirahət parkı fəaliyyət göstərir. Rayon ərazisində 1 dünya əhəmiyyətli arxeoloji abidə, 8 ölkə və 1 yerli əhəmiyyətli daşınmaz və tarixi abidə qeydə alınmışdır ki, bu abidələr 3 abidə mühafizəçisi tərəfindən mühafizə olunur. Deyilənlərə görə, son illər dövlət büdcəsindən Beyləqan Rayon Mədəniyyət və Turizm Şöbəsinə ayrılan vəsaitlərin yetərli hissəsi təyinatı üzrə xərclənməyib. Belə ki, şöbə müdiri kənd klublarının, mədəniyyət evlərinin, kitabxana binalarının cari təmiri işlərini heç bir tender keçirmədən özünə yaxın olan şirkətlərə həvalə edir. Məhz elə bu səbəbdən də rayondakı mədəniyyət evlərinin və klubların əksəriyyəti baxımsızlıqdan yaman günə düşüb. Bütün bunlar bir daha onu deməyə əsas verir ki, icra başçısı Vaqif Abdullayevin nöqsanlı fəaliyyəti rayonu uçuruma aparırВ». Mövzu ilə əlaqədar qarşı tərəfin də mövqeyini işıqlandırmağa hazırıq.
