İsmayıllı sakini Azinfo.tv vasitəsilə ölkə ictimaiyyətinin diqqətinə çatdırmaq üçün video-müsahibə ilə çıxış edib. Həmin müsahibədən qısa ixtisarla müəyyən hissələri dərc edirik. Video-müsahibə tam şəkildə yazının sonunda veriləcək. İzləyicilərdən video-müsahibəni izləməyi və sosial şəbəkələrdə paylaşmağı xahiş edirik. Eyni zamanda kanalımıza abunə olmağı unutmayın.
Mən Balayev Heybət Əlibaxış oğlu.İsmayıllı rayon Füzuli küçəsi, dalan 2, ev 1-də müvəqqəti yaşayıram. 1986-cı ildən 2019-cu ilə kimi həm sovet ölkəsi dönəmində, həm də Azərbaycan dövləti bütün sübut və dəlillərlə göstəriblər ki, İsmayıllı rayonunda Məhəmməd Əsədov küçəsində yerləşən əmlak mənə məxsusdur. Qeyd etdiyim kimi, evimin bir otağında vəhabilər kirayə qalırdılar və 2016-cı ildə mənim xəbərim olmadan İsmayıllı rayon məhkəməsində iddia qaldırıblar ki, güya ev onlara məxsusdur. Həmin dönəmdə məhkəmə evin mənə məxsus olduğunu qət etdi. Lakin 2017- ci ildə İsmayıllı rayon məhkəməsinə yeni təyin olunmuş hakim Rəfael Şirinov vəhabilərə xidmət edərək onların lehinə qərar çıxardı.
Bu zaman ortalıqda olan bütün şahidlər, dövlət qurumlarının nümayəndələri və xitama verilmiş iş yenidən ləğv olunaraq, baxılması üçün icraata qəbul edildi. Məhkəmə 2019-cü ilin iyun ayının 7-də qərar çıxardı ki, bu əmlak vəhabilərə məxsusdur. Hakim qarşı tərəfin heç bir sübutları olmadan, məhkəmə prosesində heç bir iştirak olmadan Azərbaycan respublikasının qanunlarına zidd olaraq mənim qanuni mülkiyyətimi 19 il bundan əvvəl dünyasını dəyişmiş bir şəxsə satdı. Sanki həmin ölünü hakim Rəfael Şirinov dirildərək onun məhkəmə prosesində iştirakını təmin etmış və nəticədə bu qərarı çıxarmışdır. Artıq 2016-cı ildən bu günə kimi mən öz qanuni mülkiyyətimə sahib çıxa bilmirəm. Bu illər ərzində 700- dən çox şikayət yazmışam. Ədliyyə naziri bu ölkədə yoxa bərabərdir. Teleqram və şikayət məktublarıma arxiv sənədlərini də əlavə etmişəm ki,baxsınlar ki, Məhəmməd Əsədov küçəsində yerləşən bu əmlak mənə məxsusdur. Ancaq məhkəmə 19 il bundan əvvəl dünyasını dəyişmiş oğlumu dirildərək əmlakımı ona satıb. Hansı ki, qarşı tərəfin nə bələdiyyədən, nə dövlət reyestrindən, nə arxivdən heç bir sənədi yoxdur. Hazırda 84 yaş mənim, 82 yaş isə həyat yoldaşımın var. Qalmışıq nəvəmizin evində. Belə ədalətsizlik, belə zülm olmaz axı. Mən dövlət qurumlarına müraciət edərək haqqımın bərpa olunmasını tələb edirəm. Məni məcbur etməsinlər ki, hakimi iş başında özüm cəzalandırım.
Redaksiyadan: Yazıda adları çəkilən şəxslərin də mövqeyini dərc etməyə hazırıq. Sonda bütün tərəfləri sülhə,qarşılıqlı kompromisə dəvət edirik. Hər kəsi qanunların imkan verdiyi tərzdə davranmağa dəvət edirik. Videonu mütləq izləyin.
