Xəbər verdiyimiz kimi, Xalq artisti Aygün Kazımova məclislərin birində onunla şəkil çəkdirmək istəyən müğənni Eldəniz Məmmədova əsəbiləşib. Xalq artistinin müğənniyə sərt reaksiyası geniş müzakirələrə səbəb olub.
Sözügedən hadisə ilə bağlı Eldəniz Məmmədov Bizim.Media-ya açıqlamasında anlaşmazlıq olduğunu bildirib:
“Aygün xanım bizim divamızdır, ona böyük hörmətim var. Mən səhnəyə şəkil çəkdirmək üçün çıxmamışdım. Mən də məclisdə səhnə alırdım, həm də toy sahibləri qohumlarım idi. Toyla bağlı bir nüans üçün səhnəyə çıxdım. Orada da anlaşılmazlıq oldu. Təkrar deyirəm, mən Aygün xanımı çox sevirəm, heç bir problem yoxdur”.
