“Elə verilişlər var idi ki, ora çıxmaqdansa, çıxmamaq daha yaxşı idi”.

Yenicag.az xəbər verir ki, bu sözləri müğənni Faytonçu Nazim “İbo şou” verilişində deyib.

Sənətçi efirlərdən uzaqlaşmasının səbəblərindən bəhs edib:

“Əslində, mən əvvəllər də mütəmadi olaraq verilişlərə çıxan, sırf gündəmdə qalmaq üçün oxuyan müğənni olmamışam. Elə verilişlər var idi ki, ora çıxmaqdansa, çıxmamaq daha məsləhətli idi. Televiziyada elə bir dövr yaranmışdı ki, müğənnilər efirdə bir-biri ilə yalnız məişət zəminində, qalmaqallı mövzularda müzakirələr aparırdılar. Mən isə özümü o dedi-qodu və məişət səviyyəli söz-söhbətlərdə görmürdüm. Elə bu səbəbdən də efirlərə çıxmırdım”.