Azərbaycan Respublikasının Birinci vitse-prezidenti xanım M.Əliyevaya,
Azərbaycan Respublikasının Ədliyyə naziri cənab F.Məmmədova,
Azərbaycan Respublikası Prezident Administrasiyasının Apellyasiya Şurasına,
Azərbaycan Respublikasının Maliyyə naziri cənab S.Şərifova,
Azərbaycan Respublikası Məhkəmə Hüquq Şurası Aparatı rəhbərinə,
Azərbaycan Respublikası Gəncə Apellyasiya Məhkəməsinin sədrinə,
AR Maliyyə Nazirliyinin Dövlət Sığorta Nəzarəti Xidməti rəisinə,
AR Maliyyə Bazarlarına Nəzarət Palatasının sədri cənab R.Aslanova,
Ombudsman Aparatının rəhbəri cənab A.Səfixanlıya,
“Atəşgah” Sığorta Şirkəti ASC-nin sədrinə,
Oğuz rayonu, Calut kəndi ünvanda faktiki yaşayan, Ağdam rayonun Saybalı kəndindən məcburi kökçün, 1-ci Qarabağ Müharibəsi veteranı Məmmədov Xalid Calal oğlu tərəfindən “Atəşgah” Sığorta Şirkəti ASC-tinin qanunsuz hərəkətlərindən
Ş İ K A Y Ə T
Mən, 1994-cü ildən bu günədək ailəmlə birlikdə Oğuz rayonun Calut kəndində yaşayıram.Birinci Qarabağ Müharibəsində atəşkəs dövrünədək cəbhə bölgəsində fəal iştirak etmişəm, yaralanmışam. Bu gündə ailəmlə birlikdə məskunlaşdığımız Oğuz rayonunda əkinçilik və maldarlıqla məşğul olub güzəranımızı keçiririk.
Təxminən 1-2 ay əvvəl mənə Ağdam rayon Məhkəməsindən hakim Seyfəli Seyfullayevin imzasıilə bildiriş və sonra isə iddiaçı olmuş “Atəşgah” Sığorta Şirkəti ASC-nin iddiasının təmin olunması barədə qətnamə gəlmişdir. İddiaçı “subroqasiya tələbinin təmin edilməsi”ilə bağlı ərizəsində qeyd edir ki, guya mən 21.10.2012-ci il tarixdə, saat 09-15 dəqiqədə mənə məxsus iribuynuzlu mal-qaranı avtomobil yolunda nəzarətsiz qoyduğuma görə həmin yolla hərəkət edən Məsimov Emil Zərqəm oğluna məxsus “Hundai İ 40” markalı 48BC 044 nişanlı avtomobillə 1 baş iribuynuzlu malımı vuraraq avtomobilinə maddi ziyan dəymişdir. Dəymiş ziyana görə “Atəşgah” Sığorta Şirkəti ASC-nin1265 manat pul ödəmişdir. “Atəşgah” Sığorta Şirkəti ASC-ti buu onunla əsaslandırmışdır ki, guya mənə məxsus iribuynuzlu mal sahibsiz olubmuş və əna görə də ətrafdakılar üçün təhlükə törətdiyinə görə mülki hüquq pozuntusu törənmişdir.Ona görə də mənim malım yüksək malımın təhlükə mənbəyi kimi vurduğu zərərin əvəzini mən malın sahibi ödəməliyəm. Çox maraqlıdır ki, baş vermiş hadisəsən 5 il keçdikdən sonra “Atəşgah” Sığorta Şirkəti ASC-ti belə bir formal iddia ilə mənə qarşı məhkəmədə çıxış etməsini anlaya bilmirəm.Digər tərəfdən mal hadisə baş verən gün heçdə sahibsiz olmamışdır.Hadisə Calut kəndinin ortasında, düz mənim evimin qarşısında baş vermişdir. Bu zaman yetkinlik yaşına çatmış oğlum mal-qaraya nəzarət edirdi. Oğuz-Şəki istiqamətində yüksək sürətlə hərəkət edən Məsimov Emil Zərqəm oğluna məxsus “Hundai İ 40” markalı 48BC 044 nişanlı avtomobil yolun kənarında dayanmış malı vurmamaq üçün əyləci sıxsa da avtomobil mala dəymişdir.Hadisə yerində olan qonşularım da bu faktı təsdiq edirlər ki, avtomobil üstdən aşağı istiqamətdə Bakı-Şəki əsas magistral yoluna 300 m qalmış əlavə yolda yüksək sürətlə hərəkət edərkən malımı vurmuşdur.Əgər E.Z.Məsimov asta sürətlə, yəni kənddaxili yolda ən azı 50-60 km/saat sürətlə hərəkət etsəydi o zaman asanlıqla avtomobilini mala çatmamış dayandıra bilərdi. Digər tərəfdən də malım sahibsiz olmamışdır. Sonradan hadisə yerinə gəlmiş sığorta şirkətinin nümayəndəsi də baxış keçirmiş və bəzi qeydlər apardıqdan sonra çıxıb getmişdir. Onlar mənə də hər hansı irad bildirməmişlər. İndi budur, 5 ildən sonra mən məhkəməyə cəlb edilərək ziyanın ödənilməsi tələb olunur. Və Ağdam rayon məhkəməsi də sədrlik edən hakim S.Seyfullayev də faktları araşdırmadan iddianı dərhal təmin etmişdir.Təbii ki, maddi maraqların təmin edilməsi fonunda belə bir ədalətsiz məhkəmənin çıxardığı əsassız qətnamə olmalı idi.
Əslində nə baş vermişdir? Avtomobili əzilən E.Z.Məsimov sığorta şirkətinin nümayəndəsilə sonradan görüşüb gizli sövdələşmə aparıblar ki, sığorta şirkəti hadisə zamanı sürücünün günahının olmaması ucbatından hadisənin sahibsiz heyvan tərəfindən baş verməsini sənədləşdirsin. Bunun müqabilində sürücü ona müəyyən qədər “hörmət” edir, sürücü də sığorta şirkəti tərəfindən dəymiş ziyan ödənilir. Vəssəlam.Ortada heyvanım ölmüş, məənə ziyan dəydiyi halda, sığorta və sürücü əvvəlcə səslərini çıxarmamış, sonradan isə mənim onların avtomobilinə dəymiş ziyan qarşısında heyvanımın sürücünün günahı ucbatından məhv olmasına görə dəymiş zərərin ödənilməsi tələbilə şikayət etmədiyimə görə onlar qabaqgəlmişdik ediblər. İndi məni borclu çıxarırlar.
Çoxhörmətli Mehriban xanım, şəxsən Sizə müraciət etməkdə məqsədim budur ki, bildirəm mən belə tiplərdən ötrü Qarabağda vurşmuş, sağlamlığımı itirmişəm.Hazırda birtəhər kasıbçılığımla məşğulam, doğma ev-eşiyim düşmən əsarətindədir. Amma ədalətsiz, vicdansız formada qoymurlar ki, birtəhər güzəranımızı keçirək. Əsassız yerə, yalandan iş düzüb qoşurlar ki, guya mənim malım sahibsiz olub, ona görə dəymiş ziyanı ödəməliyəm. “Atəşgah” sığorta şirkətinin belə qanunsuz əməlləri barədə çox eşitmişəm. amma inanmırdım ki, onlar bu yola da ət atarlar. Xahiş edirəm “Atəşgah” Sığorta Şirkəti ASC-tinin pulumu qanunsuz formada ələ keçirmək üçün quqraşdırdığı oyunbazlıq hüquq –mühafizə orqanları tərəfindən araşdırılsın və eləcə də Gəncə Apellyasiya Məhkəməsində baxılaraq ədalətli qərar qəbul edilməsinə göstəriş verəsiniz.
Hörmətlə, Xalid Calal oğlu Məmmədov. Tel.070-9065386.
Tarix: 07 dekabr 2017-ci il.
DİA.AZ olaraq qarşı tərəfi də dinləməyə hazırıq...
