İşlək sayğacların "Azəriqaz" tərəfindən erkən dəyişdirilməsi məsələsi yenidən aktuallaşıb. İlsonu yaxınlaşdığından bu proses daha da intensiv xarakter aldığından həm vətəndaş şikayətləri və həm də prosesə şübhəli yanaşmalar artmaqdadır. İddia olunur ki, işlək sayğacları ilboyu kəsirləri gizlətmək, ört-basdır etmək üçün dəyişdirilər. Amma qeyd edək ki, buna "Azəriqaz"ın öz izahatı var və dünən bu barədə KİV-də açıqlama yer alıb.
"DİA-AZ" xatırladır ki, məsələ ilə bağlı yerli mətbuata açıqlamasında “Azəriqaz” İstehsalat Birliyinin mətbuat katibi Eldəniz Vəliyev bunları deyib:
““Azəriqaz” İB dövri dövlət yoxlaması bitən sayğacları yeni sayğaclarla əvəz edir. Bu, abonentin özünün iştirakı ilə də olur. Olur ki, əməkdaşlar bir neçə dəfə ünvana gəlirlər, mənzildən ya kimsə buna şərait yaratmır, ya kimisə görə bilmədikləri üçün məcbur qalıb yeniləyirlər. Burada başqa bir məqsəd yoxdur. Yeni, daha müasir sayğacdır. Dövri dövlət yoxlaması keçən sayğacları beş ildən bir yoxlamaya göndərməyəndə onun ola bilsin ki, işləməsində, yazılmasında müəyyən qüsurlar əmələ gələ bilər”.
Smart-kart tipli sayğacların artıq istismara yararsız olduğu üçün mexaniki sayğacla əvəzlənməsinə gəldikdə isə qurum rəsmisi suala belə cavab verib:
“Smart sayğaclar Metrologiya Departamentinə göndərilir. Metrologiya Departamenti “Azəriqaz” İstehsalat Birliyinə aid olmayan bir qurumdur. Əvvəllər “Azəriqaz” İB-nin balansında idi, sonra Metrologiya İnstitunun tabeleyinə verildi. Yəni bu, “Azəriqaz” İB-nin səlahiyyəti çərçivəsində deyil. Onlar yoxlayıb, həmin sayğacın təkrar istismara gedib getməyəcəyinə qərar verirlər. Biz “Azəriqaz” olaraq mexaniki, yəni sonradan ödənişli sayğacların tətbiqinə başlamışıq. Məqsədimiz daha ağıllı sayğaclara nail olmaqdır. Həmin mexaniki sayğaclara xüsusi cihazlar quraşdırılacaq, o cihazlar vasitəsilə smart tipli daha ağıllı sayğaclara nail olacağıq. Onunla onlayn ödənişlər daha rahat olacaq, bundan sonra qapını döyməyəcəklər, məsafədən oxunma, eyni zamanda, debitor borca görə avtomatik kəsilmə, debitor borc ödənilən kimi dərhal, avtomatik olaraq qazın verilişinin bərpası və bu kimi üstünlüklərə onunla nail olacağıq”.
O, həmçinin bu sayğaclarda ödəniş qayğısının olmadığını bildirib:
“Abonentə ayda bir dəfə bildiriş verilir və 30 gün müddətində bu bildirişdəki borcu ödəyirsən”.
"DİA-AZ" qeyd edir ki, aktuallığı səbəbindən bu məsələ sosial şəbəkələrdə də müzakirə olunub. Bu barədə Neftçilərin Hüquqlarının Müdafiəsi Təşkilatının (NHMT) sədir, tanınmıç hüquq müdafiəçisi Mirvari Qəhrəmanlının sosial şəbəkə hesabında açılan müzakirələrdə maraqlı rəylər yer alıb. Onlardan bəzilərini təqdim edirik (fikirlər anlaşılan olduğundan redaktə etmirik -red.):
***
Səid Səferəliyev:
2019cu ildən 2023cü ilədək sayğac dəyişmədə böyük bir ajataj yaratmışdılar. Açılan sayğacların 50 faizinə cərimələr qalanlarina isə uçotu pozulmuş qaz sərfi yazdılar. Küllü miqdarda pullar yükləndi abonetlərə. Hələdə o məbləqlər debütor borc kimi qalıb camahatin ayağıda. Azəriqazın o dövürki rəhbərləri babat pullar qazandilar. Amma sadə camahatdan o pulları bugün yeni rəhbərlik tələb edir, və bu pulun yığılmamasına görə nəzarətçilər şiddətli töhmətlər, töhmətlər və başqa cəzalar verilir. Bir neçə il bundan əvvəl bu hadisələr barədə Ağsu RQQinin əməkdaşları 20yə yaxın məktublar yazaraq birçox rəhbər şəxslərə subutlarla dolu faktları göndərmişlər. Ancaq hecbir nəticə olmamışdır, maraqlananlarıda hansısa yollarla susdurmuşdular.
***
Ramin Memmedov:
Səid Səferəliyev, Tamamilə doğru vurğuladınız. Yeni buraxılan sayğacların çox yazması ilə əlaqədar rayon əhalisində şikayətlər artmaqdadır. Bu nə dərəcədə düzgündür??? Soyuq qış aylarında xalqa zülm deməkdir bu Vallah.
Ramin Memmedov
Az qala sayğacın üstündəki tozada cərimə yazılsın.
***
Ramin Memmedov:
Ağsu RQİİ- dən şikayətlər hədsiz dərəcədədir. Şəxsən bildiyim qədər keçən ilin dekabr aylarında abonentlərə sərfiyyatından artıq qaz istifadəsi yüklənmişdir. Əsasda cərimələrində debitor borc kimi nəzarətçilərin ayağına yazıb tələb etmək özü bir qanuna zidd hərəkətdir. Bildiyim qədər son 2 il ərzində regionlarda rəis müavini vəzifəsində tez-tez dəyişmələr olur. Bir sözlə nəzarət hədsiz dərəcədə aşağı səviyyədədir.
***
Safaqat Babayeva:
Sayğaclar heç 5 il tamam olmamış dəyişdirilir! Ola ki, 5 il tamamında !Deyim də Sizə məndən başqa Sizin sualınıza cavab verə bilən ürəkli bir ürəkli kişi tapılmayacaq( Ona görəki hamısı işsiz qalmaqdan ehtiyyat edirlər).Azəriqaz İB -nin satış üzrə deportament rəisi Zamin Mehrəliyev ,Gəncə şəhərində mexanıki sayğacların içində olan şistirnaları çıxartdırıb azaltdırır ki,nəticədə dəyişdirilən sayğaclar sərfiyyatı çox göstərir.Namaz qılan Z. Mehrəliyev Dövlətdən oğurladığı pulları bu sayğaclarla abonentlərin belinə yükləyir! Artıq Azərqaz İB -də vəziyyət o həddə çatıb ki, Azəriqaz aldığı qazdan qat qat çox satış edir! Amma Zaminə sual verən biri yoxdur ki, işlək sayğalar metalloma atılarkən , yeni sayğaclar Dövlətin vəsaiti hesabına başa gəlir və Dövlətə külli miqdarda ziyan vurulur .Dövlətə vurulan ziyan isə Zamin Mehrəliyevi qəti maraqlandırmır!
***
Yusif Hajiyev:
Rehber şexslerin bu sayğacları getiren podratçı teşkilatlarla bir ele vurduğunu and içe bilerem ama sübut ede bilmerem! Ve ya ele podratçı teşkilatların çoxu rehberliyin qeyri resmi mülküdür bele deyek !! Bir vaxtlar parniklerin senaye sayğacları mövsümi yoxlama vaxtı gelende ilk önce deyirdiler ki Azeriqazın rehberliyinin parniklerinden başlayın! 11 il bu iylenmiş sistemde işlemiş biri kimi yazıram bunu
***
Ramin Memmedov:
Yeni buraxılan sayğaclardan şikayət çoxdur. Çünki kim istifadə edirsə bu haqda cəmiyyət içində demək olan kütləvi danışılır.
***
Vusal Nadirov:
Yuxari vezifede oturanlarin pul yemesi ucun.Neft-qazdan gelen gelirleri menimsemesi ucun...
***
MƏSƏLƏ DİQQƏTİMİZDƏDİR...
