Qeyd edək ki, bir neçə gün əvvəl Naxçıvan Muxtar Respublikası Təhsil Nazirliyinə, Naxçıvan şəhər, Şahbuz rayon təhsil şöbələrinə şöbə, sektor müdiri və aparıcı məsləhətçi vəzifələrinə yeni təyinatlar olub.

"DİA-AZ" xatırladır ki, Dövlət İmtahan Mərkəzi tərəfindən Naxçıvan Muxtar Respublikası Təhsil Nazirliyində, Naxçıvan şəhər və Şahbuz rayon təhsil şöbələrində vakant vəzifələrin tutulması üçün keçirilən daxili və ümumi müsahibədə uğur qazanan namizədlər yeni vəzifələrə təyin olunublar.

Belə ki, Təhminə Vilayət qızı Mustafayeva Naxçıvan şəhər, Elşən Fəxrəddin oğlu Babayev Şahbuz rayon təhsil şöbələrinə müdir, Hüseyn Qəhraman oğlu Qəhrəmanov Təhsil Nazirliyi Aparatının Uşaq və gənclərin inkişafı sektorunda sektor müdiri, Ramalə Camal qızı Niftiyeva və Eldar Binnət oğlu Nadirli isə Təhsil Nazirliyinin Aparatına aparıcı məsləhətçi vəzifələrinə təyin olunublar. Qeyd edək ki, müvafiq vəzifələrə təyin olunmamışdan əvvəl Təhminə Mustafayeva Naxçıvan şəhər təhsil şöbəsində müdir əvəzi, Elşən Babayev Ordubad rayon Təhsil Şöbəsində, Hüseyn Qəhrəmanov Şahbuz rayon Təhsil Şöbəsində aparıcı məsləhətçi, Ramalə Niftiyeva Təhsil Nazirliyi Aparatında məsləhətçi, Eldar Nadirli isə Dövlət Sərhəd Xidmətinin Sərhəd Qoşunlarında müxtəlif vəzifələrdə çalışıblar.

Bu da hamısı deyil. Gələk əsas məqama... Bu təyinatlar içərisində əsas cəlbedici olanı Şahbuz rayonu ilə bağlıdır. Belə ki, Şahbuz rayon təhsil şöbəsinə müdir təyin olunan Elşən Babayev sən demə, Şahbuz rayon icra hakimiyyətinin başçısı Rəfail Babayevin doğmaca əmisi oğlu imiş. Və əmisi oğlunu Ordubaddan Şahbuza transfer etdirən Rəfail Babayev özü üçün xudmani AİLƏ PODRATI qurur desək, yanılmarıq.

Bu işdə həşəmətli Fuad Nəcəflinin iştirak payı danılmazdır. Bir növü: YE MƏMMƏD, YE...