Dünən "DİA-AZ" olaraq Maliyyə Nazirliyinin sabiq aparat rəhbəri, keçmiş nazir Samir Şərifovun  QARA KASSASI və ümumiyyətlə, uzun illər ərzində Azərbaycanın dövlət büdcəsinin anasını ağladan, nəticədə minlərlə məmuru dövlət büdcəsinə şərik edən QARA MALİYYƏNİN "BOZ KARDİNAL"ı Cavanşir Yusifovla bağlı ilginc faktları təqdim etdik.

YAZISI BURADA: QARA MALİYYƏNİN `BOZ KARDİNAL`I: Cavanşir Yusfiov YENƏ İŞ BAŞINDADIR - İLGİNC FAKTLAR...

Və vəd etmişdik ki, bu ilin 10 mart tarixində vəzifəsindən uzaqlaşdırılan və səbəb kimi də MƏHZ TƏQAÜD yaşının çatması göstərilən Cavanşir Yusifovun yeni oylağı barədə məlumatları diqqətinizə çatdıracağıq.

Bir daha xatırladaq ki, yayılan rəsmi informasiyada Cavanşir Yusifovun maliyyə nazirliyindəki postundan ayrılma səbəbi kimi məhz təqaüd yaşının çatması və özünün bu səbəbdən könüllü ərizə yazması faktı göstərildi.

Yəni belə anlaşıldı ki, artıq Cavanşir müəllim özünü yaşlı hiss etdiyindən artıq işləyə bilmir. Amma ondan fərqli olaraq Cavanşir Yusifovu keçmiş patronu Samir Şərifov nazir postundan alındıqdan sonra elə həmin gündəcə Baş nazirin müavini təyin olundu.

"DİA-AZ"a bu barədə danışan mənbə qeyd edir ki, Cavanşir Yusifov yenə də iş başındadır və hazırda paytaxt Bakının dövlət ehtiyacı adı altında söküntüsü ilə bağlı məşğul olan və Bakı şəhər icra hakimiyyətinin yanında yaradılmış Komissiyada məhz BAŞ NAZİRİN nümayəndəsi olaraq təmsil olunmaqla yanaşı, maliyyə işlərini həyata keçirir. Və ona bu səlahiyyətin verilməsində də Samir Şərifov müstəsna rol oynayıb.

Bəli, göründüyü kimi, Cavanşir Yusifov yenə də YEMƏLİ YERDƏDİR və bu dəfə paytaxt Bakını SÖKƏ-SÖKƏ... həm də DÖVLƏT BÜDCƏSİNİ DAĞIDA-DAĞIDA böyük qazanca iddialıdır. Bunlar necə baş verir və bu prosesin başında dayanan Cavanşir Yusifov dövlət ehtiyacı adı altında sökülən yaşayış və qeyri-yaşayış yerlərindən necə böyük pullar əldə edir, bu işdə onun şərikləri kimdir... BU BARƏDƏ DAHA GENİŞ YAZIMIZI növbəti fürsətdə təqdim edəcəyik.

Bizi izləməyə davam edin...