Ağdam rayonu Üçoğlan ərazi nümayəndəliyinin sakini Rasim Rüstəmov cumhuriyyət. az.-a məktub göndərərək, rayonda baş verən məmur özbaşnalıqları barədə bizləri bilgiləndirmişdir. Vətəndaşın ünvanımıza göndərdiyi məktubu dəyərli oxucularımıza təqdim edirik:
Hörmətli cumhuriyyət. az. ın redaksiyası. Bu məktubu yazmaqda məqsədim budur ki,Ağdamda baş verən məmur özbaşnalıqlarını istərdim ki,bütün ölkə əhalisi bilsin. Bunun üçün ən optimal yol kimi məktubumun kiv-də işıqlandırılması olardı. Hərdən fikirləşirəm ki,niyə vəzifəyə yeni təyin olunmuş məmurlar özlərindən öncə olanların ölüsünə rəhmət oxutdurur? Bir məsələ də məni xüsusilə maraqlandırır. Ölkəmizdə elə bil ki,xüsusi bir mərkəz fəaliyyət göstərir. Mənə belə gəlir ki,bu mərkəzin işi ölkədə ən dəyərsiz,məsuliyyətsiz,mənəviyyatsızlardan ibarət bir komanda yaratmaqdır. Yəni belə insanları axtarıb bir mərkəzdə birləşdirmək. Sonrada onları ayrı-ayrı vəzifələrə rəhbər təyin edib,xalqın toplumun taleyini onlara tapşırmaq. Belə bir mərkəz yaşadığım Ağdam rayonunda fəaliyyət göstərir. Bu mərkəzin rəhbəri icra başçısı Raqub Məmmədov,üzvüləri isə onun vəzifələrə təyin elədiyi şəxslərdir. Mən bunu elmi tərəfdən də əsaslandıra bilərəm. Əvvəla polis rəisi,Mtn rəisindən siyasi rəhbər olmaz. Çünki bu tiplərdə həmişə zora meyllilik olur. Onlar heç vaxt humanizm prinsiplərindən yararlanmaq istəmirlər. Çünki onlarda analitik təfəkkür tərzi olmur. Ömür boyu əmrə tabe olub,yuxarıların göstərişi ilə hərəkət edən şəxslərdə müstəqil düşünüb müsbət yükü ağır olacaq qərarlar qəbul etmək kimi qabiliyyət olmur. Necə ki,var. Ağdam rayonunda xeyli icra başçıları olub ki,onlardan sonra gələnlər gedənlərin atasına rəhmət oxutdurub.
Rayonumuzun sonuncu icra başçısı Nizami Sadıqov tutduğu vəzifəsindən azad olunduqdan sonra onun yerinə əslən Ağdam rayonundan olan,Tərtər royon milli təhlükəsizlik şöbəsinin rəisi,polkovnik Raqub Məmmədov təyinat aldı. Raqub Məmmədov işə yeni başlayarkən əhaliyə xeyli yağlı vədlər verdi. O qeyd edirdi ki,ondan əvvəl bu postda işləyənlər rayonu ölü zonaya döndəriblər. Həşəmətli başçımız qeyd edirdi ki,ondan əvvəlkilər rayonda ən dəyərsiz adamları vəzifələrə yerləşdirməklə rüşvət və korrupsiya üçün münbit şərait yaradıblar. Hörmətli Raqub Məmmədov bir az da irəli gedərək,sabiq başçının dövlət başçısını xeyli məsələlərdə aldatdığını bildirmişdi. Aradan cəmisi iki il keçib. Bu keçən iki ildə nə dəyişdi? Əvvəla Raqub Məmmədov verdiyi vədləri bir-bir danmağa başladı. Sən demə o bu sözləri deməklə məmurlara eşitdirmək istəyib ki,əgər yerinizdə qalıb işləmək istəyirsinizsə onda əliniz cibinizdə olmalıdır. Kimlər ki,tələb olunan məbləği verdilər,bu gün də vəzifəsində qalıb işləyirlər. Vəzifəsindən uzaqlaşdırılanlar da oldu. Ancaq bu postlara olduqca dəyərsiz adamlar təyin olundu. Məsələn,Ağdam rayon təhsil şöbəsinin xanım müdiri elə sıxışdırıldı ki,özü gülə-gülə istefa ərizəsini yazıb işındən getdi. Hazırda bu posta gəlmək üçün 400.000 min dollar tələb olunur.
Ağdam rayon subartezan quyuları idarəsinin keçmiş müdiri bir xeyli məsələlərdə günahlandırılaraq tutduğu vəzifəsindən azad edildi. Raqub Məmmədovun bu idarəyə təyin etdiyi şəxsin lap zay olduğu üzə çıxdı. Əgər əvvəlki müdir artezianlardan istifadə edən şəxslərdən ildə iki dəfə,hər dəfə 150 manat pul yığırdısa,Raqub müəllimin kadrı olan yeni müdir İldə iki dəfə,olmaqla hər dəfə 250-300 manat pul yığır. Bu adam deyir ki,artezianlardan istifadə edənlər, sərvət pulu verməlidirlər. Biz başa düşə bilmirik ki,bu nə sərvət puludur. Bəyəm bu ölkənin bütün sərvətləri yalnız məmurlara məxsusdur?Yaxşı əgər bu qanunidirsə onda yığılan pul bank yolu ilə deyil,əldən- ələ yığılır. Bu qədər pul hansı hesaba,hansı işlərə məsrəf olunur bilinmir. Ağdam rayonunda 900-ədəd artezian quyusu var. Bu quyulardan minlərlə adam torpaqlarını suvarmaq üçün istifadə edir. Yığılan 250-300 manat pulu hesablayanda milyona yaxın edir. Heç kim məlumat vermək istəmir ki,bu qədər vəsait hara xərclənir. Dövlətimiz üçün pulun vacib olduğu dönəmdə bu qədər maliyyə vəsaitinin şəxsi ciblərə getməsi sadəcə olaraq yolverilməzdir. Biz dövlətin sorumlu şəxslərindən xahiş edirik bu məsələni araşdırıb biz Ağdam sakinlərinə məlumat versinlər.
Burada bütün məsələlər rəhbərlik tərəfindən əhalidən gizlədilir. Rayonda məmur özbaşnalığı baş alıb gedir. Rayonda təhsil,səhiyyə. mədəniyyət və əksər sahələr məhv edilib. Ağdamda Raqub Məmmədovun rəhbərliyi altında xeyli qaranlıq işlər həyata keçirilir. Raqub müəllim özündən qabaq başçı olan Nizami Sadıqovun atasına rəhmət oxutdurmaqla məşğuldur. Rayonda bazar qaydaları hökm sürür. Pulun varsa istədiyin işi görə bilərsən. Hüquq mühafizə orqanları açıqca alverə girişiblər. Əhalinin vəziyyəti günü-gündən pisləşir. Sahibkarlara divan tutulur. Rayonda aparılan bütün abadlıq işləri sahibkarlardan zorla yığılan pullar hesabına aparılır. Dövlət tərəfindən Ağdama ayrılan vəsaitlərin hamısı Raqub Məmmədovun cibinə axır. Başçının qohumları,yaxınları,doğmaları rayonda qoçuluq edirlər. Biz dövlət başçısı,Cənab İlham Əliyevdən xahiş edirik ki,Ağdam rayonunda tüğyan edən məmur özbaşnalığına son qoyulsun. Belə haqsızlıqlara görə əhali qarşıdan gələn parlament seçkilərini baykot etmək istəyir. Cənab prezident,Ağdamda rəsmi qurumlar faktiki olaraq sərvət pulu adı altında soyğunçuluqla məşğuldular. Xahiş edirik tədbir görülməsi üçün müvafiq tədbir görəsiniz.
Qarşı tərəfin mövqeyini verməyə hazırıq.
