SƏNƏDLƏRİN DİLİ İLƏ
"Təzadlar" Elşad Abdullayevlə Arzu Kazımov arasındakı borc müqaviləsini əks etdirən rəsmi sənədlərin dərcini davam etdirir...
Fəaliyyəti dayandırılmış Azərbaycan Beynəlxalq Universitetinin keçmiş rektoru, hazırda Fransada mühacirətdə olan Elşad Abdullayevin iş adamı Arzu Kazımovla borc müqaviləsi diqqəti çəkir. Halbuki E.Abdullayev həmin məbləğin guya A.Kazımova qardaşının tapılması üçün verdiyini diqtə edir. Lakin fakt və sübutlar başqa şeyi deyir...
"Təzadlar" 9 aprel 2005-ci ildə bağlanmış müqavilənin tam mətnini təqdim edir:
(Əvvəli ötən günlərdə)
"II.TƏRƏFLƏRİN ÖHDƏLİKLƏRİ
2.l.0.Beşinci tərəf Azərbaycan Respublikası Ədliyyə Nazirliyi HŞDQ üzrə Bakı bölgə şöbəsi tərəfindən 15.12.2004-cü il tarixdə 0104-P86-41710 sayla dövlət reyestrində qeydiyyata alınmış "KNF İnvestments" Məhdud Məsuliyyətli Cəmiyyətini hüquqi şəxsin bütün daşınar və daşınmaz əmlakları, aktivləri, o cümlədən sahiblik, istifadə və sərəncam hüquqları ilə özünə məxsus olan bütün hüquqları ilə birlikdə Dördüncü tərəfin xüsusi mülkiyyətinə verir. Dördüncü tərəf isə həmin hüquqi şəxsə aid xüsusi mülkiyyət hüquqlarını qəbul edir.
2.1.1 .Bu müqavilənin bağlanması anında hüquqi şəxsin bütün təsis sənədləri: Nizamnaməsi, Dövlət qeydiyyatı haqqında şəhadətnaməsi, Kommersiya Təşkilatlarının Dövlət Reyestrindən çıxarışın, Bakı şəhəri, Sabunçu rayonu, Yeni Ramana qəsəbəsinin Şimal qərbində yerləşən əsas sahəsi 1549,0 Kv/m, yardımçı sahəsi 31,4 kv/m, ümumi sahəsi 1580,4 kv/m olan qeyri-yaşayış sahəsinə "KNF İNVESTMENTS" MMC-nin mülkiyyət hüququnu təsdiq edən Bakı şəhəri İH Texniki İnventarlaşdırma və Mülkiyyət Hüquqlarının Qeydiyyatı İdarəsindən 29.12.2004-cü il tarixdə verilmiş QYM seriyalı, 002794 saylı qeydiyyat vəsiqəsinin, 29.12.2004-cü il tarixdə verilmiş JN seriyalı, 1273 saylı, kodu 00502027 olan Torpaqdan daimi istifadə hüququna dair Dövlət Aktının və digər sənədlərin əsillərini, həmçinin onun möhürü Beşinci tərəf tərəfindən Dördüncü tərəfə təqdim edilir.
2.1.2.Bu müqavilənin bağlanmasından və notariat qaydasında təsdiqlənməsindən sonra Dördüncü tərəf özünün xüsusi mülkiyyətinə qəbul etdiyi hüquqi şəxsə dair təsisçilik hüquqlarını dövlət reyestrində - AR ƏN HŞDQ üzrə Bakı bölgə şöbəsində qeydə aldırmalıdır.
2.1.3.Bu müqavilənin bağlanması anına "KNF İnvestments" MMC-nin heç bir icra olunmamış öhdəlikləri, nəzarət və uçot orqanlarına, başqa hüquqi və fiziki şəxslərə borcu yoxdur, onun hər hansı bir əmlakları üzərində həbs, girov və qadağa mövcud deyildir. Bu cür qadağalar və öhdəliklər meydana çıxdığı hallarda bu müqavilənin bağlanması anına kimi yaranmış məsələlərə və öhdəliklərə görə bütün məsuliyyət Beşinci tərəfin üzərindədir.
2.1.4.Həmin müqavilənin dövlət reyestrində - AR ƏN HŞDQ üzrə Bakı bölgə şöbəsində qeydə alınması anından Beşinci tərəfin hüquqi şəxsə dair bütün hüquqları itrilmiş hesab olunur.
2.1.5. Beşinci tərəf özünün xüsusi mülkiyyətində olan və bu müqavilə üzrə özgəninkiləşdirilən hüquqi şəxs dair heç bir iddia və tələb qaldırmayacağını öhdəsinə götürür.
2.2.0.Birinci və İkinci tərəflər öhdəsinə götürürlər ki, bu müqavilənin bağlanmasından və notariat qaydasında təsdiqtənməsindən sonra, onlarla Üçüncü tərəfin arasında bağlanmış və əsilləri bu müqaviləyə əlavə olunmaqla notariat kontorunda saxlanmaq üçün təqdim olunan 27.12.2003-cü il və 05.03.2004-cü il tarixli müqavilələr üzrə Üçüncü tərəfə qarşı hər hansı bir iddia və tələblə çıxış etməyəcəklər, ondan hər hansı bir əmlak və ya pul vəsaitinin, o cümlədən cərimə ödənilməsini tələb etməyəcəklər(Seçmə bizimdir.Red.).
3-ÜMUMİ QAYDALAR
3.1. Həmin barışıq razılaşmasının qüvvəsi barışıq razılaşması məqamında müqavilənin iştirakçılarına məlum olmayan iddialara şamil edilmir.
3.2. Borcun etiraf edilməsini, həm də öhdəliyə əsas verən şəkildə etiraf edilməsini nəzərdə tutan bu müqavilənin (mövcud borcun etirafı haqqında mücərrəd müqavilənin) ona görə qüvvəsi vardır ki, borc öhdəliyi yazılı şəkildə və mövcudluğu etiraf edilən borcun əsaslandırılması üçün müəyyənləşdirilmiş forma üzrə verilmişdir. 3.2.Həmin müqavilə öhdəliklərin qarşılıqlı icrası və güzəşti qaydalarını, həmçinin hüquqi şəxsin mülkiyyət və təsisçilik hüquqlarının güzəşt edilməsini özündə ehtiva etmişdir.
3.3. Mövcud borcun etirafı haqqında həmin mücərrəd müqaviləyə əsaslanan iddiaya qarşı başlıca əqddən irəli gələn heç bir etiraz irəli sürülə bilməz.
3 4.Bu müqavilənin bağlanmasından və notariat qaydasında təsdiqlənməsindən sonra Tərəflər arasında mövcud olmuş istər yazılı, istərsə də şifahi əqdlərə əsaslanan öhdəliklərə istinad edilə bilməz.
3.5. Həmin müqavilə ilə nəzərdə tutulmayan bütün məsələlər Azərbaycan
Respublikasının qüvvədə olan mülki və digər qanunvericiliyi ilə tənzimlənir.
3.6. Həmin müqavilənin icrasından irəli gələn bütün mübahisələr Azərbaycan
Respubiikasının qanunvericiliyi ilə tətbiq edilməklə Azərbaycan Respublikasının məhkəmələri tərəfindən həll edilir.
3.7.Həmin müqavilə ilə tənzimlənmiş borc, öhdəlik və sair münasibətlərin əsasını təşkil edən müqavilələrə istinadən məhkəməyə müraciət olunmasgna yol verilmir. Əgər bu müqavilənin tərəflərindən hər hansı biri göstərilən tələblərlə məhkəməyə müraciət edəcəyi halında, məhkəmə AR MPM-nin 261.0.1. maddəsinə əsasən iş üzrə icraata xitam etməlidir. Bu Tərəflərin məhkəməyə müraciət hüququnun məhdudlaşdırılması kimi başa düşülməməli və onların müqavilə azadlığından irəli gələn hüquqlarından tam mənada istifadə etmələri kimi qiymətləndirilməlidir.
3.8. Həmin müqavilə eyni hüquqi qüvvəyə malik olan yeddi nüsxədən ibarət tərtib edilmiş, notariat kontorunda, hüquqi şəxslərin dövlət qeydiyyatı orqanında və tərəflərdə saxlanılır.
3.9. Müqavilənin rəsmiləşdirilməsi ilə əlaqədar xərclər Beşinci tərəfə aiddir".
Sonra tərəflərin ünvanı və imzası göstərilir.
(Ardı var)
