Məlum olduğu kimi, ölkənin tanınmış iş adamlarından biri olan Müqayis Verdiyev bu ilin martında Goranboy rayon icra başçısı Nizaməddin Quliyevin sifarişi əsasında həbs olunub. Həmin həbs olayından sonra məlum olub ki, icra başçısı oğlu Ramal Quliyevin tenderin pullarını mənimsədiyi üçün onu vəziyyətdən çıxarmağa görə belə bir addım atıb.
Bu gün Müqayis Verdiyev icra başçısı Nizaməddin Quliyevə açıq məktub yazıb. Yazısında Goranboydakı vəziyyətdən bəhs edən sahibkar bildirib ki, icra başçısı daha çox dövlət əmlakını dağıtmaqla məşğuldur. В«Bu gün ölkənin hər yerində abadlıq və quruculuq işləri aparılır. Bu yaxınlarda Prezident İlham Əliyevin Şirvan, Tovuz və daha bir neçə rayonda obyektlərin açılışını etdi. Digər rayonlarda da sürətli şəkildə abadlıq işləri həyata keçirilir və yeni parklar, obyektlər və sənaye müəssisələri yaradılır. Sual olunur: Bəs, Goranboyda niyə bu işlərdən əsər-əlamət yoxdur?В»
Müqayis Verdiyev bu sualın cavabı olaraq vurğulayıb ki, səbəb Nizaməddin Quliyevlə oğlunun birgə şəkildə rayonu çapıb-talaması və dövlət büdcəsindən ayrılmış pulları mənimsəməsidir. В«İndiyə qədər Goranboy rayonuna 6 milyon manatdan artıq pul ayrılıb. Bu pula rayonda xeyli sayda abadlıq, yenidənqurma işləri görmək mümkün idi. Həmçinin kənd yollarının asfaltlaşdırılması üçün də bu vəsaitdən geniş istifadə etmək olardı. Amma bütün bunların heç biri baş verməyib. Əksinə, Nizaməddin Quliyev, oğlu Ramal Quliyev və müavini Baxış Abdullayev həmin pulları cibinə qoyaraq, rayonu bərbad hala salıblar. Vaxtıyla mənim orada apardığım tikinti işlərindən başqa heç bir yenilik də mövcud deyil. Nə qədər ki, Nizaməddin kimi icra başçıları var, Goranboyda vəziyyət qətiyyən dəyişməyəcəkВ».
Sahibkar açıq məktubunda daha bir neçə sual ünvanlayıb: В«Necə olur ki, Tovuz, Şirvan və daha neçə-neçə rayonlarımızda ən minimum vəsaitlər hesabına böyük işlər görmək olur, amma Goranboyda böyük pullar sayəsində heç bir dəyişiklik etmək olmur? Nizaməddin Quliyev iddia edir ki, oğlu Ramal Quliyevin qeyri-rəsmi rəhbəri olduğu В«Fəqan XidmətВ» şirkətinin rəhbərini tanımır. Bəs, o zaman bu yaxınlarda rayondakı otellərdən birində В«Fəqan XidmətВ»in real rəhbəri ilə icra başçısının müavini Baxış Abdullayevin görüşməsinin səbəbi nə idi? Və həmin görüşdə Ramalın nə işi var idi? Dövlət başçısının göstərdiyi etimaddan sui-istifadə etməklə, rayonu bu şəkilə salmağa nə ad vermək olar? Belə suallar çoxdur, mən yalnız onların bir qismini sadaladım. Axı necə ola bilər ki, icra başçısının adı bu şəkildə korrupsiyada hallanır? Bu azmış kimi, Nizaməddin Quliyevin adı ölüm işində belə keçir. Məgər, Prezident Nizaməddin Quliyevi Goranboya çapıb-talamağa göndərib, yoxsa, orada abadlıq və yenidənqurma işləri görməyə?В»
Müqayis Verdiyev daha sonra bildirib ki, Goranboyda baş vermiş total korrupsiya hallarını araşdırmaq üçün komissiya yaradılmalıdır. Onun sözlərinə görə, əgər belə bir komissiya yaradılarsa və ədalətli şəkildə araşdırma aparılarsa, o zaman Nizaməddin Quliyevin həbsi üçün zərurət yaranacaq. В«Bu adam təkcə idarə və müəssisələrdən deyil, yerli iş adamlarından da qeyri-qanuni pul yığır. Bu azmış kimi, dövlət büdcəsindən ayrılmış pulları da mənimsəməklə məşğuldur. Təbii ki, onun xərcləri çoxdur. Oğlu Ramal Quliyev artıq bir neçə ildir icra başçısını xərcə salır. Onun Kapital Bankın Mingəçevir filialından götürdüyü 500 min manatın geri qaytarılmasını da atası həyata keçirib. Görünür, Goranboya ayrılmış pullar da Ramal Quliyevin В«zavalıВ»na gəlib ki, Nizaməddin Quliyev də onları ört-basdır etməyə çalışırВ».
İş adamı yazır ki, Nizaməddin Quliyevin oğlu ilə hər hansı problemi varsa, bunun ona qətiyyən aidiyyatı yoxdur. В«Ramal Quliyev gündə müəyyən məbləğdə pulu gedib xaricdə kefə sərf edəcək və onun bu əməllərinin cavabını mən verməliyəm? Nizaməddin Quliyev hesab edir ki, onun oğlu göydən düşüb. Amma bu ölkədə kimsənin uşağı göydən düşməyib. Hamı Azərbaycanda bərabərdir. Əgər Nizaməddin Quliyev bunu qəbul etmirsə, o zaman Prezident və onun ailə üzvlərindən nümunə götürsün. Bu gün Leyla Xanım Əliyeva Rusiya və dünyada Azərbaycanın təbliğatı ilə məşğuldur. Böyük bir təşkilata rəhbərlik edən Leyla xanım bütün gücünü bu işlərə sərf edib. Və ya Azərbaycanın Birinci Xanımı Mehriban Əliyevanın fəaliyyətinə diqqət yetirək. Bu böyük insan dünyanın bütün ölkələrində Azərbaycanı təmsil etməklə, öz fəaliyyəti ilə xalqımıza, dövlətimizə böyük faydalar verir. Mədəni əlaqələrin genişlənməsi və güclənməsi, iri layihələrin həyata keçirilməsi üçün çalışır. Bəs, bunca nümunələr ortalıqda varkən, Nizaməddin Quliyev niyə oğluna sahib çıxıb, heç olmasa ölkəyə zərrə qədər faydalı vətəndaş olmasını təmin etmir? Məgər onun oğlu kimdən artıqdır ki, kəhkəşan, eyş-işrət içində yaşasın? Və əziyyətini də niyə milləti və dövləti üçün çalışan mənim kimi sahibkarlar çəkməlidir?В»
Sahibkar daha sonra qeyd edir ki, bu gün onun oturduğu yerdə, Nizaməddin Quliyev və Ramal Quliyev əyləşməlidir. В«Mənim ən böyük günahım odur ki, fəhlələrin haqqını istəmişəm. Onlara verilməli olan əmək haqqının ödənilməsi üçün Nizaməddin Quliyevə müraciət eləmişəm. Bu bir həqiqətdir ki, Goranboyda gördüyüm işlərlə əlaqədar Quliyevin mənə 156 min manat borcu qalıb. Həmin pullar da mənim deyil, mənimlə bərabər çalışan fəhlələrin pullarıdır. Və onların pullarının geri qaytarılması üçün sonadək mübarizə aparacam. Çünki kasıbın haqqını yemək AllahsızlıqdırВ».
Müqayis Verdiyev onu da qeyd edib ki, Ramal Quliyev onun və atası haqqında yazan jurnalistləri məhkəməyə verib. В«Bu adamlar başını itiriblər. Çünki onlar haqqında yazılanlar real həqiqətlərin yalnız kiçik bir hissəsidir. Bu gün mətbuatda gedən məlumatların mənbəyi mən özüməm və burada jurnalistlərin tək vəzifəsi mənim sözləri dərc etmələridir. Əgər Ramal Quliyev haqqında yazılanlardan narahatdırsa, o zaman mən ona bütün məqamları detallı şəkildə sübut edə bilərəm. Faktiki olaraq həbsdə olmağıma baxmayaraq, bu ata-bala və müavinin hansı cinayətlərin içində olduğunu da sübut etməyə hazıramВ».
Tanınmış iş adamı açıq məktubunun sonunda vurğulayıb ki, bu gün həbsdə yatması ədalətsizlikdir, amma buna baxmayaraq, sona kimi mübarizə aparmaq fikrindədir. В«Bu gün mənə qarşı В«iğtişaşВ» törətmək niyyətimlə bağlı cinayət işi qaldırılıb. Nizaməddin Quliyev o qədər savadsız adamdır ki, bunu onun əməllərindən də görmək olar. Mən Müqayis Verdiyev heç bir zaman, hətta ölkənin ən ağır vəziyyətində belə dövlətimə, onun başçılarına xəyanət etməmişəm. Dəfələrlə əlimdə imkanlar olub ki, ayrı-ayrı qrupların maraqlarına qulluq edim. Amma Prezidentimə və dövlətimə olan sədaqətim sayəsində bu çirkin oyunlara qoyşulmamışam və bütün həyatım böyu da belə bir addım atmaram. Bu gün mən həbsdə ola bilərəm. Amma zaman elə bir şeydir ki, həqiqəti tam üzə çıxarır. Ona görə də, Nizaməddin Quliyevə buradan səslənərək deyirəm ki, qəti narahat olmasın, tezliklə o özü həbsxana həyatı yaşamalı olacaq. Çünki bu qədər cinayəti nə dövlət, nə də Allah bağışlamazВ».
