“QARABAĞ” BLOKU İTTİFAQIN YENİ RESEPTİNİ AÇIQLADI
DİA.AZ: - Qarabağ Bloku Azərbaycan müxalifət partiyalarına birliklə bağlı məktub ünvanlayıb. Redaksiyamıza göndərilən məktubun mətnində deyilir:
“Əziz dostlar!
Uzun illərdir Azərbaycan xalqı, aktiv siyasi vətəndaşlar, bitərəflər, ziyalılar, bir sözlə, böyük əksəriyyət ölkəmizin demokratikləşməsini, ciddi siyasi islahatların aparılmasını, korrupsiya və ruşvətxorluğun kökünün kəsilməsini, azad cəmiyyət quruculuğunu, müstəqil məhkəmə sisteminin yaradılmasını, siyasi insititutların inkişafını, söz və ifadə azadlığının təminini gözləyir. Təəssüf ki, mövcüd iqtidar artıq 20 ilə yaxındır ki, gözləntilərin heç birinə adekvat reaksiya vermir, Azərbaycanda vəziyyət ildən-ilə pisləşir.
Vəziyyətin kritik olduğunu anlatmaq niyyətindən uzağıq.
Biz В«QarabağВ» Bloku olaraq vəziyyətdən çıxış yolunu təklif edirik.
Azərbaycan xalqı siyasi prosseslərin və demokratikləşmənin böyük bir yükünü siyasi təşkilatların üzərinə qoyub. Hər kəs müxalif siyasi təşkilatlardan mövcud problemlərin həlli istiqamətində ciddi addımlar gözləyir. Lakin bizlər özümüzdə güc, cəsarət, bəzən də soyuq məntiq tapıb çıxış yollarını birgə axtarmaqdan yayınırıq.
Bu gün mövcud Azərbaycan iqtidarı siyasi sistemi elə vəziyyətə salıb ki, demokratik hərəkat üçün bir partiyanın və ya xırda birliklərin gücü yetərli deyil. Hamımız uca səslə В«biz ən böyük birliyi yaratmışıqВ» deyə bilərik. Lakin bu birliklər nə qədər böyük olsa da, rejimi demokratik prosseslərə başlamağa, islahatlar aparmağa məcbur edə bilmir. Demək, daha böyük birliyə ehtiyac var.
Amma nədənsə, hamı kiçik birlik modelinə üstünlük verir, prosseslərə əhəmiyyətli təsir imkanı əldə etmək fürsətindən və məsuliyyətindən yayınır. Təəssüf ki, hər kəs birlik istəyənləri öz yanına dəvət edir və müxalifətin vahid ünvanını öz yaratdığı qurum hesab edir.
В«QarabağВ» Bloku olaraq hesab edirik ki, bu yanaşma kökündən yanlışdır, mübarizəmizin və prinsiplərimizin fəlsəfəsinə ziddir.
Biz birlik deyərkən heç də ümumi tezislər və nəticəsi bilinməyən qurumların yaradılmasını nəzərdə tutmuruq. Nədənsə, birlik adı gələndə hamı daha çox ümumi məsələlərdən danışır və konkret hədəf müəyyən etməkdən çəkinir.
Lakin В«QarabağВ» Bloku 2013-cü ilə hesablanmış hədəfi, məqsədi, strukturu olan, hər kəsin məsuliyyətini, vəzifələrini müəyyən edəcək bir birlik təklif edir.
Biz müxalifət partiyaları ilə bu ideyanı müzakirə etmişik. Təəssüf ki, əksər qüvvələr daha çox demokratik şəraitin yaradılması, В«Seçki məcəlləsiВ»nin dəyişdirilməsi, MSK, DSK, MnSK-nın paritet əsaslarla formalaşdırılması, sərbəst toplaşmaq azadlığının təmin edilməsi və s. kimi vacib lakin bizdən asılı olmayan şərtləri irəli sürür və yalnız bundan sonra vahid komanda ilə seçkiyə qatılmağı, vahid cəbhə yaradılmasını gərəkli hesab edir.
Əziz dostlar! Yuxarıda sadalananlar olsaydı daha birliyə nə ehtiyac vardı ki?! Hər kəs öz yoluyla gedər və seçkini necə qazanmağı düşünərdi. Birlik bizə ona görə lazımdır ki, biz əslində yuxarıda deyilənləri əldə edək. Bunun üçün də hədəf və strategiya aydın olmalıdır. Ümumi tezis və şüarlarla aktiv təbəqəni - bütövlükdə xalqı, ətrafımızda toparlaya bilmirik. Əksəriyyət hesab edir ki, seçki vaxtı onsuz da müxalifətin birliyi yenidən parçalanacaq, vahid komanda kimi prosseslərə qoşula bilməyəcək. Bəzi beynəlxalq təşkilatlar da bu fikirdədir. İqtidar da nəticədə belə hesab edir ki, əsas müxalifət partiyaları ona qarşı vahid demokratik cəbhə formalaşdıra bilməyəcək.
В«QarabağВ» Bloku olaraq hesab edirik ki, bizdən asılı olan bu məsələni reallaşdıra bilsək, daha rasional nəticələrə nail ola bilərik.
В«QarabağВ» Bloku olaraq 2012-ci ilin mart ayından gec olmayaraq müxalifətin vahid cəbhəsinin yaradılmasını təklif edirik.
Bunun üçün :
- Hər kəsin birləşdiyi qurumlara toxunmadan, 2013-cü ilin prezident seçkilərində vahid namizəd və vahid komanda ilə iştirakı şərtləndirən birlik yaradılmasını elan etməli;
- Aidiyyatı dövlət strukturlarında təmsilçilik birliyə daxil olan partiyalar arasında bərabər bölünməli, bu ilin 9 ayı ərzində həmin strukturların gələcək islahat paketi partiyalar tərəfindən hazırlanaraq vahid sənəd halına gətirilməli və ictimaiyyətə təqdim edilməli;
- Prezident seçkilərində iştirak etmək istəyən partiya sədrləri vahid namizədin öz aralarından seçilməsinin formasını müəyyən etməli, paralel olaraq digər vəzifələri də bölməli; (baş nazir, MM sədri, PA rəhbəri, xarici işlər naziri)
- Birlik 18 aydan sonra ölkədə hər kəsin azad, bərabər iştirakına təminat verən seçkinin keçirilməsinin məsuliyyətini öz üzərinə götürməli və bu iqtidarı В«demokratiyaya keçid iqtidarıВ» adlandırmalı;
- Siyasi mənsubiyyət qadağan olunan dövlət strukturlarında təmsilçilik vətəndaş cəmiyyəti nümayəndələrindən təşkil olunmalı;
Hörmətli həmkarlar!
Azərbaycanın demokratikləşməsi və mövcud problemlərdən qurtulmaq məsuliyyətinin böyük hissəsi də bizlərin üzərinə düşür. Sizləri birliyə dəvət edir, birliyimizdə xalqın böyük hissəsini ətrafımızda toparlamağa, 2013-cü ildə Azərbaycanda azad, demokratik seçkinin baş tutmasına var gücümüzlə səy göstərməyi xahiş edirik. 2013-cü ili hədəf kimi qarşımıza qoya bilsək, hər kəsin bizimlə olacağını təmin edəcəyik və bununla da Azərbaycan özünün yeni dövrünə qədəm qoyacaq.
Bu istək В«QarabağВ» Bloku adından təklif edilsə də, əslində sosial bir sifarişdir və beynəlxalq təşkilatların da Azərbaycan müxalifətindən gözlədikləri bir mövqedir.
QARABAĞ BLOKU
Qeyd: Müzakirə zamanı В«QarabağВ» Bloku daha detallı proqramı təqdim edəcək”.
