HESABATIN TAM MƏTNİ
Bu gün BMM-də“Borçalı” İctimai Cəmiyyəti sədri Zəlimxan Məmmədli mətbuat konfransı keçirib. Redaksiyamıza daxil olan məlumatda deyilir ki, mətbuat konfransında görülən və görüləcək işlər barədə məlumat verilib. Hesabatı olduğu kimi diqqətinizə çatdırırıq:
2011-ci ilin yekunları uğurlu oldu
Qarşıya qoyulmuş əsas vəzifələr fəaliyyət proqramına uyğun olaraq yerinə yetirilib. Təşkilat ideya xəttinə uyğun fəaliyyətini davam etdirib. Müxtəlif mövzularda 12 DCM, 18 İdarə Heyətinin sədr aparatının iclasları keçirilmiş, digər strukturlar öz üzərlərinə düşən vəzifəni əsasən yerinə yetirmişlər. Fəaliyyət dövründə fəaliyyətin təşkilat işi, nəzəri işlər, dəyirmi masa, kütləvi hərəkat, dinləmələr, anımlar, gecələr, görüşlər və s. formalarından istifadə olunmuşdur.
• Gürcüstanın müxtəlif bölgələrində (Kvemo Kartli, Şida Kartli və Kaxet quberniyalarında) yüksək səviyyəli Novruz şənlikləri baş tutdu.
• Bütün maneələrə baxmayaraq III “Borçalı Türklərinin Elat Mədəniyyəti günü” təntənəsi minlərlə soydaşlarımız, Türkiyə, Rusiya, Ukraina, Güney Azərbaycandan gəlmiş mötəbər qonaqların iştirakı ilə baş tutdu.
• Toponimlərlə bağlı əsaslı yenilik baş vermiş, belə ki, Kvemo Kartli Quberniyasında bu məsələ ilə bağlı prinsipial razılıq əldə olunmuşdur.
• Yüzlərlə ailə geri dönüb. Əksər kəndlərdə yenidənqurma, təmir və yeni evlərin tikilməsi prosesi vüsət alıb. Başkeçiddə (Dmanisi) və başqa yerlərə investisiya qoyuluşu artmaqdadır. Azərbaycanlı iş adamları torpaq sahələri, o cümlədən bir neçə iri infrastruktur binaları alıblar. Hal hazırda bu proses davam edir. Və iş adamlarını cəsarətlə Gürcüstana investisiya qoymağa dəvət edirik. Sokar brendi ilə yanacaqdoldurma məntəqələrinin sayı bütün Gürcüstanı əhatə etməklə 62-ə çatıb.Tikinti, energetika sahələrində irəliləyişlər var.
• Faxralı məscidinin bərpa işləri yekunlaşmaq üzrədir.
• Gürcüstanda təhsil prosesinə yardımçı olan “Azərbaycanda təhsil alan tələbələrlə iş üzrə dövlət proqramı” və “ Gürcüstana dönən gənc kadrların sosial müdafiə proqramı” layihələri tərəfimizdən işlənmiş və Azərbaycan Təhsil Nazirliyinə təqdim olunmuşdur. Nazirlik isə bizim bu layihələrin icrası ilə bağlı sorğumuza bizi qane etməyən cavab vermiş, biz isə bu layihələrin həyata keçirilməsində israrlıyıq. Nazirlik həmçinin Borçalı türk məktəblərinə “ Əlifba”, “Azərbaycan dili və ədəbiyyatı” dərsliklərini çatdırmamışlar. Bunu da nazirlikdən təkidli şəkildə tələb edirik.
Gürcüstanda milli azlıqlar üçün həyata keçirilən 1+4 modeli ilə qəbul nəticəsində 400-dən çox Borçalı türkü tələbə adını almış və Gürcüstan universitetlərində təhsil alırlar.
• İlin sonunda akademik Zahid Xəlilovun 100 illik yubileyini yüksək səviyyədə keçirməklə, onun 3 əsərini (1949, 1950 və 1953-cü illərdə çap olunmuş) yenidən nəşr etdirdməklə, 270 səhifəlik “İstinad nöqtəsi” kitabı yarandı. “Zahid Xəlilov Mükafatı” təsis olundu. Simvolik ilk 5 laureat - LütfüZadə (Azərbaycan), dr. Cavad Heyət (Güney Azərbaycan), Turan Yazqan(Türkiyə), Oljas Suleymenov (Qazaxstan) və Camal Mustafayev (Gürcüstan) müəyyən edilmişdir. Hər ilin sonu qeyd olunan hər bölgədən bir nəfər olmaqla mükafatçı xüsusi mükafat komissiyası tərəfindən müəyyənləşdiriləcək və təltiflənəcəklər.
Soydaşlarımızın təhsil, torpaq, toponim hüquqlarının təmini ilə bağlı Gürcüstanın müvafiq qurumlarına, Borçalı türk folkloru, tarixi, ensiklopediyasının işlənməsi, tarixi abidələrin bərpa və qorunması ilə bağlı, təhsil, sərhəd keçid məntəqəsindəki problemlər və s. bağlı Azərbaycanın müvafiq qurumlarına müraciətlərimiz olmuşdur.
Əməkdar memar Ömər Qoçulunun rəhbərliyi ilə “Borçalı Türk Tarixi Abidələr Mərkəzi” təsis edilmişdir.
Tədqiqatçı alim, polkovnik Şəmistan Nəzirlinin rəhbərliyi ilə Borçalı türk qəhrəmanlarının albomunun hazırlanması haqda, eyni zamanda Borçalı türk hərb və qəhrəmanlıq muzeyinin yaradılması ilə bağlı müvafiq qərarlar qəbul edilmişdir.
• 2012-ci ildə əsas hədəflər
•İlk olaraq “Borçalı” İC 2012-ci ili Gürcüstanda tarixi türk toponimlərinin bərpası ili ELAN EDİR.
Hər ay üçün tədbirlər planı tutulmuş və ona uyğun fəaliyyət həyata keçiriləcəkdir.
• Ən vacib hədəflərdən biri “Dədə Camal Məclisi”nin Gürcüstan bölməsinin 04 mart tarixdə Marneulidə yaratmaqdır.
• Növbəti hədəf bu ilin ortalarında “Borçalı” İctimai Cəmiyyətinin Gürcüstan nümayəndəliyinin yaradılmasına nail olmaqdır.
• Hədəflərdən biri də “Yurd yaddaşı” jurnalının nəşrinə başlamaq və ən yaxın dövrdə cəmiyyətin rəsmi saytını (www.borchali-ic.orq)istifadəyə verməkdən ibarətdir.
• Siyasi ictimai qurumlarla Borçalı türklərinin problemlərinə vahid mövqeni ifadə edən “Bəyənnamə”nin imzalanmasına nail olmaq əsas məqsədlərdəndir.
• 2012-ci ilin 13-16 aprel tarixində Tiflis şəhərində İ.Cavaxişvili adına Tiflis Dövlət Universiteti, Azərbaycan Milli Elmlər Akademiyasının Folklor İnstitutu, Türkiyənin Ardahan Universiteti, Qafqaz Universitetlər Birliyi, Beynəlxalq Türk Mədəniyyəti Təşkilatı TÜRKSOY, Valeh Hacılar Beynəlxalq Elmi-Mədəni Tədqiqat Fondu və Suxumi Dövlət Universiteti ilə birgə təşkilatçılığında professor Valeh Hacıların xatirəsinə həsr olunmuş “Qafqaz xalqlarının folkloru və lingvokulturologiyası” mövzusunda Beynəlxalq Elmi Simpoziumun işində yaxından iştirak etmək. .
• “El-elat Bulağı” layihəsi işlənib bir neçə yerdə inşasını həyata keçirmək nəzərdə tutulur.
• Gürcüstanda ənənəvi Novruz şənliklərini və 26 iyul tarixdə IV “Borçalı Türklərinin Elat Mədəniyyəti günü” tədbirini yüksək səviyyədə təşkil etmək əsas vəzifələrdəındir.
• Təşkilat işlərində Borçalı Cəmiyyətinin Ali Məclisini formalaşdımaq da əsas hədəflərdəndir.
• Gürcüstan azərbaycanlılarının Azərbaycanda qeydiyyat məsələsinə aydınlıq gətirmək və bu məsələnin birdəfəlik həllini tapması üçün hər iki ölkənin müvafiq qurumları ilə ciddi iş aparmaq.
