Sovet illərində məşhur bir aforizm vardı: "Müdir - bizi güdür".

O dövrdən xeyli zaman keçib. Hər yerdə unikal inkişaf prosesi keçirən ölkəmizdə idarəçilik sahəsində də müdhiş bir irəliləyiş baş verib. İndi müdirlər işçilərini güdmürlər. Amma sədrlər öz rəiyyətlərini şantaj edib səslərini kəsirlər. Odur ki, müasir idarəetməmizin devizi də dəyişilib:"Sədr - şantaj yoluyla səsimizi və nəfəsimizi kəsir".

Hər halda Nax. TV əməkdaşlarından birinin redaksiyamıza ünvanladığı məktubdan belə anlaşılır

Məktubu diqqətinizə çatdırırıq:

"Son zamanlar Naxçıvan Televiziyasında verilən bəzi qərarlar ciddi suallar doğurur. İddialara görə, kanalın əməkdaşları qonorar və əməkhaqları ilə bağlı çətinlik yaşadığı halda, Bakıdakı yaxın çevrədən olan bir şəxsə aylarla yüksək məbləğdə – təxminən 3000 manat ödəniş edildiyi deyilir.

Bu cür yanaşma, illərdir kanalın yükünü çəkən, çətin şərtlər altında çalışan əməkdaşlar üçün haqlı narazılıq yaradır. Ədalətin əsas meyarı şəxsi münasibətlər deyil, əməyə verilən dəyər olmalıdır. Əgər doğrudan da əməkdaşlar maddi sıxıntı içindədirsə, kənar şəxslərə ayrılan vəsaitlərin prioritet seçilməsi nə dərəcədə düzgündür?

Verilən bəzi qərarlar kollektivi ruhdan salır, peşəkarlığı kölgədə qoyur və idarəçilikdə ikili standartlar olduğu təəssüratını yaradır. Bu isə dövlət televiziyası statusu daşıyan bir qurum üçün qəbuledilməzdir.

İlhamə iş mühitində əməkdaşın emosional vəziyyətini qəsdən gərginləşdirib sonra telefonunu çıxardıb lentə alıb onu şantaj edir"