"İki ölkə beynəlxalq hüququ saymır, hər iki dövlət öz ambisiyaları üçün məntiqi, qaydaları çeynəyir - amma, biri öz məqsədinə 4 saata çatır, müdaxilə etdiyi ölkəyə pul, qazanc, iş yeri, investisiya vəd edir. Heç olmasa, vəd edir..." "DİA-AZ" xəbər verir ki, bunu özünün sosial şəbəkə hesabında ReAL Partiyasının sədri Natiq Cəfərli qeyd edib.
O daha sonra bildirir: "Digəri isə 4 ildir özündən əhali olaraq 4 dəfə, ərazi olaraq 28 dəfə kiçik, qohum-qonşu xalqla, dövlətlə bacarmır, ayağı dəydiyi hər yeri xaraba qoyur, ən böyük fərq isə odur ki, Rusiya işıqlı heç nə vəd etmir, inkişaf, pul, investisiya gətirmir, ancaq ölüm və dağıntı səpir.
Hər iki ölkə işğalçıdır, amma biri işğal edib Yaponiya, C. Koreya qurur, digəri işğal edib Abxaziya, C.Osetiya kimi vassallar yaradır. Birinin işğal etdiyi, vassal halına saldığı KİA, Samsung, Toyota, Sony istehsal edir, digərinin işğal etdiyi isə geydirmə araq buraxıb elə urusun özünü zəhərləyir.
Hər ikisi hüquq tanımır, amma, gördüyünüz kimi, nüanslar var...
Orasını da deyim ki, ABŞ-nin işğal etdiyi müsəlman ölkələri isə nə Sinqapur, nə də C.Koreya olmadı - o da var, amma, bu məsələdə problemlər daha dərindir..."
